YEGIL MBAAX NE YEESU ne Lik a bindtuuna 11:24 - NQAARIIT NE ROOG

²⁴ «Boo jini a xaƴna o kiin, a naaga o retaa na koƥ a beeru, a waaƭaa maa ta ñootnooxna. A ga’angee, xan a lay ee: ‹Xam nomtoox no mbind es naa sutooruuma.›

YEGIL MBAAX NE YEESU ne Lik a bindtuuna 11:24 Referans Kwoze

1 Piyeer 5:8

Njagandooxyo, kaam ee yetooxyo! O ƈiƴ oxe refna o pañ nuun, kaa widaa nen njogoy nqeexe, a waaƭaa oxaa ta saŋikna.

A kim a tedu ke 63:1

A kim a tedu laa fogna na ke Dawid oo, a naxooxaa a tef ale Dawid na koƥ-a-ƥor alaa Yudaa.

Ke bindeena no xe ne’eena YOB 2:2

O Yaal oxe a laamta a Saytaane yee: «Ndi mam inooro?» Saytaane a doonaan ee: «Kaam widoogu adna fee.»

Ke bindeena no xe ne’eena YOB 1:7

O Yaal oxe a laamta a Saytaane yee: «Ndi mam inooro?» A doona o Yaal oxe yee: «Kaam widoogu adna fee.»

Mark 5:10

Naaga, jini fee a xeɗooxoogaan ndax sutkee a den saax le.

Esayi 48:22

«Soxodu we o mat, njegee jam.» Keene o Yaal oxe a layu.

Efees 2:2

Kaa nu ndeefanoogu boog o ñoowooƭ ole na adna fene, nananaa oxe kelfa’na cini ke ndefna ndeer asamaan fa lanq. Ndiiki, yiif faaxeer leene kaa jalaa no wiin we nananeerna a Roog.

Mark 9:25

Yaa Yeesu a ga’na wiin mayu waa a ƈufiidaa, a ŋala jini faa, soo a layin ee: «Jini fa muumu, too a ram, mexe heblang o ten, sutooxi o ndeɓandoong onqene, too ba o rokat no ten!»

Esayi 44:3

yaam xam balin poofi took no xe hoɗomeena soo fi a banj took lanq ke mbeerna koroŋ. Xam fudin Yiif es took xa ƥeef, fa barke es took xa taan of.

Esayi 35:7

Lanq ke na ndoxaa xan a suptoox a mbeel, soo a cur foofi ke a ndaxraa no saax le hoɗomeena. Xan xeet fo xa yiig a sax me xa ƥox-a-koƥ axe a mbondooxoogna.

Xa peƭit axe 4:16

Wiin weene ƭaankee muk, a refangee kaa mbi paaxeer. Sagkee a ngid, too maafee o kiin.

YEGIL MBAAX NE YEESU ne Lik a bindtuuna 11:25

A fadiidangaa koy, a soƥ ta leelel boo a xool, a mosandel,