YEGIL MBAAX NE YEESU ne Lik a bindtuuna 11:2 - NQAARIIT NE ROOG

² Yeesu a laya a den ee: «Boo nu nqeɗaa, layyo yee: Faap, yaasam gon of a tedleel! Yaasam maat of a fadiid!

YEGIL MBAAX NE YEESU ne Lik a bindtuuna 11:2 Referans Kwoze

O baawaare xe 5:2

yaam ne xa ƭaaɗ axe a ngattaa na qalam a pagkatar ake, neene fa lay fa mayu a rimtaa ƭooɗofir.

2 Caloori ke 20:6

A laya yee: «O Yaal oxe Roog fee no daan in, mee ndax wo refu Roog fee na asamaan too wo na maadooxaa took qeet ke na saax ake fop. O ɓay of saqu doole fa katil faa o leng a waageerna o xox.

Mbeeñil 15:4

O Yaal oxe, an saɗarkeerong boog? Ndi an na fañkang o ɓoxot o ndam? Wo soom tedu. Qeet ke fop xan a mbaɗooxiidong, yaam a pi a cofu ke wo a mbeeñle a qool qac.»

A kim a tedu ke 11:4

O Yaal oxe xey no Mbind tedu ne ten, uum-maamaad um a ref na asamaan. A kid um kaa nga’aa fop soo ta horooxaa wiin we.

Mbeeñil 20:4

Yaa keene a faafna, ga’aam a kamb, soo we moofna teen a ci’el sañ-sañ faa da ngate’itna. Ga’ahinaam itam xa laaw axe no we mbarnoor’eena, yaam ne da seede’anoogna a Yeesu, a nqaynaa fa lay fee Roog. Den fa qoox den koy mos’ee o mbaɗoox a Ɓaanoor fo nitaal um, too ndaaw’ee itam o ñaas ole Ɓaanoor na tagid den fo no ɓay den. Weene a nqontooxa, a maadoox fa Kiristaa boo xa kiid juni.

1 Tesalonik 1:3

I ñakee o mbetandooxaa a nuun na qeƭ in mbaambir Roog Faap in yaam o ngim nuun o laltinooxu nqe fo o mbeq onqe nuun na jaflaxnooraa a nuun fo yaakaar mbooru ne nu njegna no Yaal in Yeesu Kiristaa.

Filip 4:20

Yaasam Roog Faap in a ɓoxotel o ndam bo na moos boo moos. Amiini.

Filip 1:2

Yaasam Roog Faap in fo o Yaal oxe Yeesu Kiristaa a ci a nuun yirmande fa jam.

Efees 1:2

Yaasam Roog Faap in fo o Yaal oxe Yeesu Kiristaa a ci a nuun yirmande fa jam!

2 Korint 1:2

Kaam ee, yaasam Roog Faap in fo o Yaal in Yeesu Kiristaa a ci a nuun yirmande fa jam.

1 Korint 1:3

Yaasam Roog Faap in fo o Yaal oxe Yeesu Kiristaa a ci a nuun yirmande fa jam.

Esayi 63:16

yaam wo refu Faap in. Abraham fee o taan in andee a in, too Isra’el andee dara na in, ndaa wo o Yaal oxe, wo refu Faap in, wo xe ne’eena yaaga boo fa ndiik «o Baawat in».

A kim a tedu ke 57:11

yaam o mbeq of a yaajta nen a asamaan, soo ngor of a ret boo na eel akaa.

Mbeeñil 19:6

Cinj kaaga, nanaam o ñuxur no faan maak ta fangoortaa nen poofi cegu doole kaa na nqawraa, a saxit nen fangax ƭuuɗ maak. Kaa xaanoogu yee: «Haleluyaa! O Yaal oxe Roog in fee jegna katil, oxe maadooxaa!

Mbeeñil 11:15

Cinj kaaga, malaaka ɓetuu fa ƭikandeer faa a luuƥa, too a jega na asamaan xa ñuxur xa maak axaa layoogna yee: «Maat ne na adna fee a ɓoxote o Yaal in fo o Muumucil oxe ta regitna, too xan a maadoox bo na moos boo moos.»

1 Tesalonik 1:1

Mi Pool fa Silwe fa Timote na mbindaa a nuun o leetar oleeke. Kaa i simnaa a nuun, nuun mbokatax ne no gimu we kam teeru fee Tesalonik, mbogna na Roog Faap fee fo no Yaal in Yeesu Kiristaa. Koo yaasam nu njeg yirmande fa jam.

2 Tesalonik 2:16

O Yaal in Yeesu Kiristaa fa Roog Faap in fee fexna fex a in, a ci’a a in na pexey yirmande um yaaloor boo faw fo yaakaar mbaax.

Kolos 1:2

In we simnaa a nuun, nuun tedu we ngimna, ndef fog in na Kiristaa, too ngen na teeru fee Kolos. Yaasam Roog Faap in a ci a nuun yirmande fa jam!

O leetar ole Pool a bindna GIMU WE NGENNA ROM 8:15

Yiif le nu ndaawna ɓekee a nuun muk no mbaƭ, boo a taxkaa nu ndefahin no diid. Yiif leene o mat refu Yiif Tedu le fi’na a nuun xa ƥiy Roog boo i nqoyataa a Roog «Aba, Faap!»

Mace 10:32

«Oxuu layna mbaambir no wiin we yee a andaxam, xam lay mbaambir Faap es fee refna na asamaan itam ee andaanum.

Mace 5:16

Neene a qoolaand ale nuun a waru o xoolit mbaambir no wiin we, ndax da mbaag o nga a pi a paax ake nuun, soo a ƥoxot a Faap nuun fee refna na asamaan o ndam.»

Mace 3:2

Kaa layoogu yee: «Mbesyo pakaad nuun a cinj, yaam Maat ne na asamaan a matiida.»

Habakuk 2:14

Xan lanq ke a may fo o and o ndam onqe no Yaal oxe ne poofi ke a muuritna duf le no maag ole.

Hoose 14:2

Wo Isra’el, nomtooxiidi me no Yaal oxe Roog of, yaam tooñ of a maafaang junjang.

Dañel 7:27

Maat ne fo ngelfa ne fo o magnel ole no maat ke fop ndefna took lanq ke xan a ƥoxotel xeet fee no tedu we no xe Took-ee-took. Maat um jegkee muukandoong, too yaal toole ke na adna fee fop xan a ndagooxin too a nananin.›

Dañel 7:18

Kaa koy, xan tedu we no xe Took-ee-took a ndaaw maat ne too xan a njegin boo faw, bo na moos boo moos.›

Dañel 2:44

No camaane ke no maad weene, Roog fee na asamaan xan a dalin maat naa gefkaandeena boo muk, too ɓoxotkaand na xa ƥay no qeet lakas ke. Maat neene xan a duguñ maat keene fop, too xan a ref bo na moos boo moos,

Dañel 2:28

Kaa koy, a jega na asamaan Roog faa na feeñlaa kunpa ke. Ten na andnooriidang, wo o maad Nebukadnesaar, ke na xewkaa taa mbaambir. Keeke refu ke ɗaaɗoona ye ɗaanoona:

Heseki’el 36:23

Xam tedland gon maak le mi maasand’eena a ndeer qeet ke, gon leene nu maasandna a ndeer den, too qeet ke xan a and ee mi refu o Yaal oxe, yaa um tedlanditkeel na nuun na kid den. Mi o Yaal oxe na refkaa boo faw layun.

A kim a tedu ke 108:5

yaam o mbeq of a jola a asamaan, soo ngor of a ret boo na eel akaa.

A kim a tedu ke 103:20

Simatyo o Yaal oxe, nuun malaaka ke ten, nuun a salma-koor a cegu doole ke na mbadnaa ke ta heblaa, yaa nu nanna o ñuxur um.

2 Maad we 19:19

Ndiiki koy, wo o Yaal oxe Roog in, mucli a in no ɓay Sanxerib, ndax maat ke na adna fee fop a and ee wo o Yaal oxe, wo soom refu Roog.»

1 Maad we 8:43

nan-giloorteen na asamaan fee genoona soo ci o gataakoon oleene fop ke ta xeɗna. Neene, xan qeet ke no lanq ke fop a and oxe refoona, a saɗarong nen a Isra’el fee xeet of soo a and itam ee gon of na ƴufginooreel no Mbind nene maxuuma.

A paɗax ale 22:23

Nqoox mbaat mbaal mbaat fambe laa xarna mbaat laa jegna sik a waage o sadaxit no fud o letu, ndaa jaɓkaand, yaa ta refna sadax fa mbadnir a tegit.

A paɗax ale 10:3

Moyiis a laya a Aaroon ee: «Keene o Yaal oxe a ne’oogu, ye ta layna yee: ‹Xam lalit o tedel es no we na matiidaxam, lalit o ndam es mbaambir xeet fee fop.› » Aaroon a naaga tek, a xor.

Galati 1:4

O Yaal oxe Yeesu Kiristaa ɓoxotu o ñis um yaam pakaad in, ndax ta mucil a in na jamaane fa mbaaxeer fee ndiiki, ne Roog fee refna Faap in a bugtuuna.

O leetar ole Pool a bindna GIMU WE NGENNA ROM 1:7

Nuun fop we ngenna na teeru faa Rom, too Roog a fex a nuun, nuun we tedna na pexey o xoy ole ten, mexe simnaa a nuun: Yaasam Roog Faap in fo o Yaal oxe Yeesu Kiristaa a ci a nuun yirmande fa jam.

YEGIL MBAAX NE YEESU ne Lik a bindtuuna 11:1

Bes, Yeesu a xeɗooga o mbiñ. Yaa ta ƴutna, o leng no daalbe waa ten a layaan ee: «O Yaal oxe, jangni a in ne i mbarna o nqeɗtaa, ne Saŋ a jangnituuna daalbe we ten.»