YEGIL MBAAX NE YEESU ne Lik a bindtuuna 11:13 - NQAARIIT NE ROOG

¹³ Ke nu soxodna soxod fop oo, kaa nu ci’aa xa ƥiy nuun tig paax. Yaaga koy, ndax Faap nuun fee na asamaan ci’kee Yiif Tedu le we nqeɗuuna o ten?»

YEGIL MBAAX NE YEESU ne Lik a bindtuuna 11:13 Referans Kwoze

Mace 7:11

Ke nu soxodna soxod fop oo, kaa nu ci’aa xa ƥiy nuun tig paax. Yaaga koy, ndax Faap nuun fee refna na asamaan ci’kee a nuun paax yaa nu nqeɗuuna o ten?

YEGIL MBAAX NE YEESU ne Saŋ a bindtuuna 4:10

Yeesu a doonaan ee: «O and’angaa ci’it Roog, and itam oxe layoonga yee ‹Ci’aam um yer›, xeɗkoogaano wo fa xoox of, too yaaga a ci’koogaang foofi fo ñoow.»

O leetar ole Pool a bindna GIMU WE NGENNA ROM 8:32

Roog feene wuusee o Ƥeem, ndaa a ɓoxotaan yaam in fop. Xar na taxkaa boo ci’kee a in, i njeg fop fo ten?

Xa peƭit axe 1:23

Nomtooxiidyo me mi, um soq a nuun! Yaaga xam picit yiif es na nuun, andnoor a nuun fa lay es.

A pi ake 2:38

Piyeer a doona a den ee: «Mbesyo pakaad nuun a cinj, too oxuu refna fat a batiise’el no gon Yeesu Kiristaa, ndax pakaad um a mbaasanel, ta daaw Yiif Tedu le Roog a ci’taa.

Heseki’el 36:27

Xam ɓek Yiif es na nuun too xam fi boo nu ndeef kebil es, ngay bargal es.

Esayi 49:15

Kaa koy o Yaal oxe a doona yee: «Ndax o tew a waaga o weec o njaaƈ onqe ta numnaa? Ndax a waaga moof boo a fañ o njaaƈ onqe ta waxooxaa? A weecangaan sax oo, mi weeckiroong.

Mace 6:14

Nu naangangaa o mbaasanaa we tooñna a nuun, Faap nuun fee na asamaan xan a waasan a nuun itam.

Mace 6:32

Keene fop koy, yeefar ke na mbaaƭan. Faap nuun fee na asamaan a anda yee nu soxla’aan.

YEGIL MBAAX NE YEESU ne Lik a bindtuuna 11:2

Yeesu a laya a den ee: «Boo nu nqeɗaa, layyo yee: Faap, yaasam gon of a tedleel! Yaasam maat of a fadiid!

Mace 6:30

Roog a ñirtangaa neene daaƭ le na xa saawit axe, andoona yee a refangaa xaye, o feet ta deɓel no ngañ, ndax moƴkee o ñir a nuun? Nuun soo neew o ngim!

Mace 5:45

Nu mbi’angaan, xan nu ndef xa ƥiy Faap nuun fee na asamaan, yaam kaa seeƈanaa faaxeer we fo faaxu we, a deɓanaa jofu we fo jofeer we.

Mace 5:16

Neene a qoolaand ale nuun a waru o xoolit mbaambir no wiin we, ndax da mbaag o nga a pi a paax ake nuun, soo a ƥoxot a Faap nuun fee refna na asamaan o ndam.»

A kim a tedu ke 51:5

Anddilooxaam tooñ es, too bakaad es oxey cay mbaambir es.

O leetar ole Pool a bindna GIMU WE NGENNA ROM 7:18

Andaam ee ke faaxna genee na mi, ta ref no cer es, yaam naagaam o bugaa o fi paax kañ, ndaa o fadnin na xoxaxam sup.

O leetar ole Pool a bindna GIMU WE NGENNA ROM 5:17

Tooñ no leng kut oxaaga taxu fa nqon fee a maadooxaa na pexey o kiin o leng kut oxaaga. Kaa koy, na pexey o leng kut itam, ta ref Yeesu Kiristaa, i ndaawtaa kaa moƴna. I ndaawa yirmande fa maak fo o cofel ole Roog nen ci’it, too xan i ñoow, soo maadoox yaam o leng kut oxeene.

Tiit 3:3

In itam, wiin ñaku a qoox i ndeeƭu yaaga. Kaa i nanaƭar’u, mo, ndef faɗ a yuxum in fo no kuu na ci’aa a in baneex. Kaa i ñoowoogu no coxod, siisaa, ndef waa njareena o sib, sibraa.

Mberaand 8:21

O Yaal oxe a yega tuñ pelu soo a lay no xeeñ um ee: «Salooxkatiim lanq ke muk yaam o kiin, ke xeeñ um a yuuɓaa paaxeer fop oo no ke xotitna no ndeƥandoong um, too saŋikkatiim ke na ñoowaa fop ne fi’it’anuuma.

YEGIL MBAAX NE YEESU ne Lik a bindtuuna 11:12

Ndi a xeɗangaan ɓoof ndax xan a ci’in a beex?

YEGIL MBAAX NE YEESU ne Lik a bindtuuna 18:7

Ndax kaa Roog dimle’kee xeet um, na nqeɗan ñaal fo o yeng? Ndi kaa yapatilkaa a den?