YEGIL MBAAX NE YEESU ne Lik a bindtuuna 10:6 - NQAARIIT NE ROOG

⁶ O kiin jam a refangaa no mbind naaga, xan jam nuun a fudoox took um, ndaa a jegangee, xan jam nuun a nomtooxiid took nuun.

YEGIL MBAAX NE YEESU ne Lik a bindtuuna 10:6 Referans Kwoze

2 Tesalonik 3:16

Yaasam o Yaal oxe saqna jam, a ci’oodaa a nuun jam kili fo no nuu ta waagna waag o refit. Kaam ee yaasam o Yaal oxe a ref fa nuun.

Saak 3:18

Oxe bugna jam a ɓaatoox, jam a duufaa a ndeer no lakas we, too a naaga o saxadaa o cofel.

Efees 5:6

Ba o leng a nax a nuun fo fa lay fa njegee xoox, yaam tooñ nandu neene na taxkaa fuux le Roog a dal took no we mbañuuna o nanan.

Esayi 9:6

Sañ-sañ um kaa magin, too jam fee xan a gen cay took uum-maamaad le Dawid fo no maat um. Xan a sinjtel soo a saƭkandtel a ƭat fo o cofel, ndiiki bo na moos boo moos. Keene o mat o Yaal oxe Hupna fop a fi’kaa kam o mbeq o naalu nqe ten.

A kim a tedu ke 35:13

Ye da njirna, kaam laltoogu naqad es, neewandoortaa koor soo gen no xeɗaa tigi.

1 Sami’el 25:17

Ndiiki koy, xalaati a paax no ke waroona o fi, yaam o mat a woora yee paaxeer oxe daliidaa o yaal mbind in fo ƥasil um fop. Ten fa xoox um a saqa jiko fa mbaaxeer faa andoona yee o leng waagiran o layan.»

1 Piyeer 1:14

Nen xa teɓandoong Roog axaa nananuuna, ba nu ndeefan a yaaw ake nu njeg’ina yaaga, ye nu njeg’afuleerna o and.

YEGIL MBAAX NE YEESU ne Lik a bindtuuna 10:5

Boo nu ndokaa no mbind, fat nu eet o lay ee: ‹Yaasam mbind nuun a jeg jam!›

YEGIL MBAAX NE YEESU ne Lik a bindtuuna 10:7

Ndalyo no mbind naaga, ñaamaa yeraa ke nu mbugko cooxeel boo yaa a tet nuun a fadkaa, yaam oxe na jalaa a wara o rabdel. Ba nu ndalaa ndeer mbind fo mbind.