YEGIL MBAAX NE YEESU ne Lik a bindtuuna 10:42 - NQAARIIT NE ROOG

⁴² ndaa tig leng kut jegu o njiriiñ. Ɗeeti, Mari a jila a las a paax ale o leng a jaɓkeerna no ten.»

YEGIL MBAAX NE YEESU ne Lik a bindtuuna 10:42 Referans Kwoze

A kim a tedu ke 27:4

Tig leng kut um xeɗaa o Yaal oxe, ta fidaam lool. Ten refu um gen kam Mbind ne no Yaal oxe no ñoow o ñis es fop, ndax um fuudaa o mosel no Yaal oxe soo waaƭan kam ngenand ne ten.

YEGIL MBAAX NE YEESU ne Saŋ a bindtuuna 4:14

Kaa koy, oxe na yerkaa foofi le um cooxkan, hoɗomkataand boo muk. Foofi leene um cooxkan xan a fi kam um a mbeel alaa a cur ake a nqawraa, a cooxin itam o ñoow o fagkeer ole.»

YEGIL MBAAX NE YEESU ne Saŋ a bindtuuna 5:24

No ndigil, no ndigil, mexe layaa a nuun ee: Oxuu nan-gilooxna fa lay es, a gim no xe luliidaxama, a jega o ñoow o fagkeer ole, too geenooxkee no nqeloor naa muk, yaam kaa inoor na fa nqon a rok no ñoow.

A kim a tedu ke 73:25

An jegum o lakas na asamaan? Ne refoona fa mi, waaƭiim ndamlooxand leng no lanq ke.

YEGIL MBAAX NE YEESU ne Lik a bindtuuna 18:22

Yaa Yeesu a nanna kaaga, a layaan ee: «A yoqahina leng kaa fi’eeroona: Jikooxi ke jegoona fop, lasin rool we, too yaaga xan o jeg halal na asamaan. Cinj kaaga, o gar reefanaam.»

YEGIL MBAAX NE YEESU ne Saŋ a bindtuuna 17:3

O ñoow o fagkeer ole koy refu yee da andong, wo fee refna Roog fa leng fa ndigil fee, a and itam oxe luliidoona, ta ref Yeesu Kiristaa.

A kim a tedu ke 17:15

Mi o mat, o cofel xan a tax um ga mukit of, too um yokooxangaa, xam ɗeetaa o mem of boo deyƭoox.

Mark 8:36

Xar a jiriiñkaa o kiin ta jeg adna fee fop yaa ta ñakna o laaw um?

A kim a tedu ke 142:5

Ɗeetangi na ñamaak es boo ga! Jegee o leng oxaa yegaxama. Jegatiim maa laqooxuuma, a ƭat no leng yongee na mi.

A cangatin ale 30:19

Xaye mexe xotaa asamaan fo lanq, da ndef seede ndeer es fa nuun ee doonaam mbaambir nuun o ñoow ole fo fa nqon fee, barke fo a salax. Njilyo o ñoow ole, ndax nu ñoow, nuun fo xa taan nuun.

A kim a tedu ke 119:30

Kaam jil a ƭat ale no ndigil ne, geenoox no reef ke simtoona.

YEGIL MBAAX NE YEESU ne Lik a bindtuuna 8:18

«Mbootooxyo boog ne nu nan-gilooraa, yaam oxe jegna xan a ci’el, ndaa oxe jegeerna koy, o ndik onqe ta foogna yee ten a jegu, xan a jaɓel.»

YEGIL MBAAX NE YEESU ne Lik a bindtuuna 12:20

Kaa koy, Roog a layaan ee: ‹Nawtul fene! O yeng oleeke sax sax xan o ñis of a xuufel, too yaaga boog an na jegkaa ke geeroona?›

A kim a tedu ke 119:111

Fa lay of refu lam es boo kili, yaam ten refu o ɗaay xeeñ es.

1 Korint 13:3

Waag’aam o lasit ke jeguuma fop itam, ndax rool we a njeg kaa da ñaamna boo um fakooxaa, ndaa um jegangee o mbeq, keene fop ɗaxkoogee dara.

YEGIL MBAAX NE YEESU ne Lik a bindtuuna 12:33

Njikooxyo ke nu njegna fop, soo ndimle’tin rool we. Mbaaƭanyo a qoox nuun o geekand o yaqukeer muk, ndax halal nuun a miñ na asamaan maa guuɗ we a matiidkeerna fo maa max ke a naangeerna o yaqtaa tus.

O baawaare xe 12:13

Ke o kiin a warna o xotit no ke layeena refu yee: Saɗari a Roog too gay kebil um, yaam keene doŋ refu ngiin.

YEGIL MBAAX NE YEESU ne Lik a bindtuuna 16:25

Abraham a doonaan ee: ‹O ƥees, wetandooxi yee ye nu ñoowaa, daaw’aa a las of, too Lasaar o mat a coono’oogu. Ndiiki koy, oxey meeke rek a yuunaa, soo wo o mat o coono’aa.

Yosuwe 24:22

Yosuwe a layahina a den ee: «Yaaga boog nuun o mat ndefanu a qoox nuun seede ee nuun njiloodu o mbaɗoox o Yaal oxe.» Xeet fee a ndoonaan ee: «In o mat seede’anun a qoox in.»

Yosuwe 24:15

Nu mbugangee o mbaɗoox o Yaal oxe koy, njilyo xaye oxe nu mbugna o mbaɗoox, ta ref roog ke daan nuun a mbaɗooxoogna kaltaa Ofrat mbaat roog ke no Aa-amori we nu ngenna no saax den, ndaa mi fo ƥasil es o mat, o Yaal oxe i mbaɗooxkaa.»

A kim a tedu ke 119:173

Fat o ɓay of a dimle’aam, yaam kaam jil bargal of.

Galati 5:6

No we ngimna na Kiristaa Yeesu, xucoox fo o ñak o xucoox mbodu, too ƭaxee dara. O ngim onqe o mbeq a ñoownaa soom jegu o njiriiñ.

YEGIL MBAAX NE YEESU ne Lik a bindtuuna 16:2

O yaal mbind um a xoyaan, too a layin ee: ‹Xar um nanaa kaa farna na wo? Daknaam ke doxin’oonga, yaam waagkatiro o ref jawdiin es.›

YEGIL MBAAX NE YEESU ne Lik a bindtuuna 10:39

O ndeɓ um onqaa ne’eena Mari, kaa moof’u paam Yeesu, soo a nan-gilooxaa a cangin um.

YEGIL MBAAX NE YEESU ne Lik a bindtuuna 11:1

Bes, Yeesu a xeɗooga o mbiñ. Yaa ta ƴutna, o leng no daalbe waa ten a layaan ee: «O Yaal oxe, jangni a in ne i mbarna o nqeɗtaa, ne Saŋ a jangnituuna daalbe we ten.»

YEGIL MBAAX NE YEESU ne Saŋ a bindtuuna 6:27

Koo qoyni, baa ŋos-ŋos nuun a haan no ñaamel ke andoona yee a miñ miñ kaa ƥooskaa rek, ndaa fat a haan no ñaamel ke na ndefkaa boo no ñoow o fagkeer olaa, too o Ƥeenqe no kiin oxe a ci’kan a nuun. Ten o mat, Roog Faap fee a ñaasu.»

YEGIL MBAAX NE YEESU ne Saŋ a bindtuuna 11:1

A jeg’a oxaa jirna, too a ne’el Lasaar, a gen Betani. Mari fa Marta we ndeeƭna o maag fo ndeɓ itam, maaga a ngen’u.

YEGIL MBAAX NE YEESU ne Saŋ a bindtuuna 11:19

Ten tax’u Yaawuur mayu a ngara, a njaapiid a Marta fa Mari o camin den oxe ñakna.

YEGIL MBAAX NE YEESU ne Saŋ a bindtuuna 12:3

Mari a janga ngap liibar ƭuumooxel seeru tigi kaa ne’eena naar, soo a ɗuumin na caf ake Yeesu. Cinj kaaga, a fortita a den wiil um. A ndok ale a naag’a sur fo tuñ pelu.