YEGIL MBAAX NE YEESU ne Lik a bindtuuna 10:35 - NQAARIIT NE ROOG

³⁵ No feet olaa, a suta xa qanjar xa ƭaq, refna ndabid calel ñaal ƭik, a cooxin o yaal mbind naa, soo a layin ee: ‹Topatooxi o koor oxene ne waritna. Boo nomtooxiiduuma, xam rabdong ke na foolkaa teen.› »

YEGIL MBAAX NE YEESU ne Lik a bindtuuna 10:35 Referans Kwoze

Xa peƭit axe 19:17

Oxe na yirmaa o ndool onqe, o Yaal oxe a rawnaa, too xan a rabdin a pi um.

YEGIL MBAAX NE YEESU ne Lik a bindtuuna 14:13

Kaa koy, boo o xurtataa, xoyi rool we fo xaru we fo ɓoof we fo fuul we.

O leetar ole Pool a bindna GIMU WE NGENNA ROM 16:23

Gayus fee dalnaxama, me gimu we fop a mbokatooraa, oxe simnaa a nuun. Eraste o keegeek xaaliis oxe na teeru fee fo o pog in Kuwartos itam, owe simnaa a nuun. [

Mace 20:2

A jaɓ’a o rabid a den o xanjar o leng ñaal nuu refna. Naaga, a ɓisa a den na ƭing um.

Mace 18:28

Yaa o tag oxaa a sutooxna maaga, a xeta fo o yoon um oxaa saqanuuna xa qanjar teemeed xaaliis fa nqoolu. A dalfooxaan o ɓoƭ, soo a layin ee: ‹Rabdaam ke saqanaxamoona!›

YEGIL MBAAX NE YEESU ne Lik a bindtuuna 10:34

A matiidaan, a ɗuumanin diwliin fa biiñ no kaañax ke, a laxasanin o ten, soo a ŋaaynin no faam um, a ɓisin no mbind naa genar we a ndalnoogeena, soo a topatooxin a paax.

YEGIL MBAAX NE YEESU ne Lik a bindtuuna 10:36

Maaga, Yeesu a laamtaan ee: «Oxum no daduk weene laltu yee o kend no xe guuɗ we a song’ina a refu?»