YEGIL MBAAX NE YEESU ne Lik a bindtuuna 10:33 - NQAARIIT NE ROOG

³³ Yaa oxaaga a waanna boo a ɓaatin, o Saasamari a fadiida. Yaa ta ga’uuna, a yuɗaan lool.

YEGIL MBAAX NE YEESU ne Lik a bindtuuna 10:33 Referans Kwoze

1 Maad we 8:50

Waasani xeet of pakaad den na wo fo a poom ake da mbi’na fop, soo fi boo fañ we ndamna a den mbaƭ a njeg na den o liir.

YEGIL MBAAX NE YEESU ne Lik a bindtuuna 7:13

Yeesu a ga’a o tew oxe, ta yuɗin, too a layaan ee: «Ba o lool!»

Xa peƭit axe 27:10

Ba o waas a xaariit of mbaat a xaariit faap of, too no njeeƈ coono of ba o ƴufan mbind no pog of, yaam o kentand o matu moƴu o pog o koƭu.

Mace 18:33

Ndax war’iro o yirim o yoon of ne yirmit’oonga?›

Mace 10:5

Weene ndefu xarɓaxay fo ɗik we Yeesu a lulna, too a as a den ee: «Ba nu nqot farna fo we ndefeerna Yaawuur, too ba nu ndok no teeru ke no Saasamari we.

YEGIL MBAAX NE YEESU ne Saŋ a bindtuuna 8:48

Yaawuur we a layaan ee: «Refee keene i layaa lay! Ke i layna yee jini damong kañ, ndigil oo! O Saasamari o mat refo!»

YEGIL MBAAX NE YEESU ne Saŋ a bindtuuna 4:9

O tew o Saasamari xaa a layaan ee: «Nam wo o Yaawuur o mat o mat waagaxamo o xeɗit foofi, mi fee refna o tew o Saasamari?» O nanangaan koy, kaa Yaawuur we fo Saasamari we ne’roogee.

A sutax ale 2:6

A wetaan too a ga’a teen o nqeq o ngoor onqaa na loolaa. O ƥeenqe Firawon fee a yirmaan, a lay ee: «O ƥiy no Hebre we yoo.»

YEGIL MBAAX NE YEESU ne Lik a bindtuuna 10:32

O Leelewi a fadiida maaga itam. Yaa ta ga’na o koor oxaa, a fi’a nen o eetaand oxaa, a joon, a waan.

YEGIL MBAAX NE YEESU ne Lik a bindtuuna 10:34

A matiidaan, a ɗuumanin diwliin fa biiñ no kaañax ke, a laxasanin o ten, soo a ŋaaynin no faam um, a ɓisin no mbind naa genar we a ndalnoogeena, soo a topatooxin a paax.