YEGIL MBAAX NE YEESU ne Lik a bindtuuna 10:3 - NQAARIIT NE ROOG

³ Ndetyo! Mexe lulaa a nuun nen fo mbaal kam xa moon.

YEGIL MBAAX NE YEESU ne Lik a bindtuuna 10:3 Referans Kwoze

Mace 10:16

«Mexe lulaa a nuun nen paal kam xa moon. Fat nu ƈiƴit nen pangool, too ƥuuɓit nen a nuukuur.

A pi ake 20:29

Andaam o mat ee um retangaa, xan a jeg a cinj es xa moon xa kiihiin xa saɗarnooxu axaa ƥerexiidna kam nuun, a mbaaƭaa maa da salaxitna o siir ole.

YEGIL MBAAX NE YEESU ne Saŋ a bindtuuna 16:2

Xan nu ndaxel no pind a qeƭ ke. Xan a jeg sax jamaane faa we na mbaraa a nuun, a mboogkaa yee kaa mbaɗoortan a Roog.

YEGIL MBAAX NE YEESU ne Saŋ a bindtuuna 15:20

Mbetandooxyo ke layuuma a nuun ee: O tag hupkee o yaal mbind um. A ñagadilangaam, xan a ñagadil a nuun itam. Boo da ngayna a ƭelem es, xan a ngay ake nuun.

Mace 10:22

Xan fop a sib a nuun yaam gon es, ndaa oxuu saƭikna boo no muukandoong naa xan a muc.

Mace 7:15

«Mbootooxyo we na ngaraa me nuun, soo a maaɓaa yee duleer oo. Kaa mbi’ooxaa nen paal, too yaaga fop a teeteem a baawar a ndefu.

Sofoni 3:3

Kelfa ke ten kaa ndef cogoy kaa na mbumbaa, haahate we ten a ndef a teeteem o yeng akaa ngeekankeerna o feet tus.

A pi ake 9:2

too a laacin xa leetar, ndax ta lalit a den no pind a qeƭ kaa na teeru faa Damaas. Ke ta bug’ina koy refu yee a soƥangaa maaga waa na ndeefaa a ƭat ale no Yaal oxe, ta ref o koor mbaat o tew, ta jeng a den, a ɓis a den Yeerusaleem.

YEGIL MBAAX NE YEESU ne Saŋ a bindtuuna 10:12

O gaylooƥe le andoona yee jegoodee paal ke koy, oxaa ga’aa o moon a garaa, ta ƴuf a xaƴ paal ke, too maaga xan o moon ole a war leng ke, ke yoqna a pasaroox.

A kim a tedu ke 22:21

Wataam na fa nqon, saytoox o ñis es na ñiiñ ake na xa ƥox axene.

A pi ake 9:16

Xam lalin ke ta warna o torox fop yaam gon es.»

YEGIL MBAAX NE YEESU ne Lik a bindtuuna 10:4

Ba nu saq nafa mbaat o fof mbaat xa ñaaƭ, too ba nu simnireel rek yaa nu ndefna na ƭat.