YEGIL MBAAX NE YEESU ne Lik a bindtuuna 10:28 - NQAARIIT NE ROOG

²⁸ Maaga, Yeesu a layaan ee: «Ndigil kak layo. Fi’i keene, too xan o ñoow.»

YEGIL MBAAX NE YEESU ne Lik a bindtuuna 10:28 Referans Kwoze

Heseki’el 20:11

Cooxaam a den bargal es, andnoor a den kebil es ke o kiin oxe a warna o fadin, ndax ta ñoowit na den.

A paɗax ale 18:5

Fat nu ngay kebil es fo bargal es, yaam oxuu na fadnaa a den, xan a ñoowtaa a den. Mi refu o Yaal oxe.

Mace 19:17

Yeesu a doonaan ee: «Xar taxu o laamtaxam no ke faaxna? O leng soom faaxu. O bugangaa rok no ñoow ole, gayi kebil ke.»

Nehemi 9:29

Maƭooxaa a den, ndax da nomtooxiid no kebil of, ndaa den o mat, a magnandooxooga, a mbañ o ndeef kebil of. A ƭapa bargal ke wo o kiin oxe warna o fadin, ndax ta ñoow. Kaa nquun yaam nanaƭar, a saƭik a qoox, a mbañ o nan-giloox.

Galati 3:12

Kaa koy, fat nu and ee kebil ke mbaqaqooree no ngim onqe. A Pind a Tedu ke kaa lay ee: «Oxuu fi’na kene mbaat kaana, xan a ñoow yaam ke ta fi’na.»

O leetar ole Pool a bindna GIMU WE NGENNA ROM 10:4

Mee ndax Kiristaa refu muukandoong ne no kebil ke Moyiis, ndax fop we ngimna a njofandel mbaambir Roog.

O leetar ole Pool a bindna GIMU WE NGENNA ROM 3:19

I anda koy ee ke kebil ke a layaa fop, kaa layanin we njaɓna o ndeef kebil ke, ndax o don oluu refna a naag meek, soo adna fop a njaɓ ee baabakaad a ndefu mbaambir Roog.

YEGIL MBAAX NE YEESU ne Lik a bindtuuna 7:43

Simoŋ a doonaan ee: «Yaakaaraam ee oxe waasaneena o lad ole moƴna magin.» Yeesu a layaan ee: «Layaa ndigil.»

Mark 12:34

Yeesu a ga’a yee a doon’aan fo o jeg-yiif. Maaga, a layaan ee: «Wo de, goƭiro Maat ne Roog.» Cinj kaaga, o leng saɗ’atiran o laamit tig.

Heseki’el 20:21

Kaa koy, xa taan axe a siiknoora fa mi. Ndeefee bargal es, ngayee too mbadnee kebil es ke o kiin oxe a warna o fadin ndax ta ñoowit na den. A maasanda pes a ñootnax ke mi. Xalaataam o sayan a den, fagiɗ fuux es tak took den kam a koƥ-a-ƥor ale.

Heseki’el 20:13

Kaa koy, mbind Isra’el a siiknoora fa mi kam a koƥ-a-ƥor ale. Ndeefee bargal es, too a ndeɓa kebil es ke o kiin oxe a warna o fadin, ndax ta ñoowit na den. A maasanda pes a ñootnax ke mi, a mbañ o mbaas. Xalaataam o sayan a den kam a koƥ-a-ƥor ale, ndax um saŋik a den.

A cangatin ale 6:24

O Yaal oxe kaa hebil a in i ngay bargal keene fop too saɗar o Yaal oxe Roog in, ndax i ƭaayaa kili, soo ta xaƴ a in i ñoowaa, ne ta fi’tuuna boo no ñaal roog ne xaye.

Xa peƭit axe 19:16

Oxe na gayaa kebil ke Roog, o ñis um a gayaa, oxe a ƭat um a yongeerna na pesoorooƭ um koy xan a xon.

O leetar ole Pool a bindna GIMU WE NGENNA ROM 7:10

soo um xon. Yaaga boog, kebil ne waraxama o ɓis no ñoow, a refata na mi kebil ne na ɓisaa na fa nqon.