YEGIL MBAAX NE YEESU ne Lik a bindtuuna 10:22 - NQAARIIT NE ROOG
22 Faap es a cooxaxam fop, too o leng andee o Ƥeenqe a refangeerna Faap fee. O leng andee a Faap fee itam, a refangeerna o Ƥeenqe fo xaa ta buguuna o feeñil.»
Faap es a cooxaxam fop, too o leng andee o Ƥeenqe a refangeerna Faap fee. O leng andee a Faap fee itam, a refangeerna o Ƥeenqe fo xaa ta buguuna o feeñil.
Kuu o kiin a waagna o ŋaalooxaa, ta jof na Roog, too refee a cangin ale Kiristaa, oxeene jegee a Roog. Oxuu ŋereƥooxna na cangin aleene koy, a gayan, a jega a Faap fee, a jeg o Ƥeenqe itam.
Roog fee layna yee: «Fat a qoolaand ale a naag dañ kam o niɓaan ole», ten naagu dañ kam a qeeñ in, ndax ta andnoor a in o ndam onqe Roog na meleƈtaa na tagid Kiristaa.
I anda itam ee o Ƥeenqe Roog a gara, too a ci’a a in o and, ndax i and o Tiindigil oxe refna Roog. In wey no Tiindigil oxe na pexey o Ƥeem Yeesu Kiristaa. Yeesu feene koy refu Roog fa ndiindigil fee fo o ñoow o fagkeer ole.
cooxaano ta maadoox no kuu refna.» Ye ta layeena yee Roog a ci’aan sañ-sañ took no kuu refna, keene a tekta yee no fop a adnun, too tus yoqee. Yaqanee i nga’afulee ndiiki yee fop na sañ-sañ um a ndefu.
Maaga, na asamaan, Kiristaa kaa dalnel took sañ-sañ fuu refna fo maat nuu refna fa katil fuu refna fo ngelfa nuu refna. Kiristaa kaa dalnel itam took gon lakas luu waageena o ne, refee soom na adna fene, ndaa no camaane ke na ngaraa itam.
Na pe akaaga, Yeesu a laya yee: «Faap, mexe gidmang, wo o Yaal asamaan fo lanq, yaam ɗasnaa kene yaal-o-and we fo jegu yiif we, soo feeñlin we moƴna o neew.