YEGIL MBAAX NE YEESU ne Lik a bindtuuna 10:2 - NQAARIIT NE ROOG

² Maaga, a laya a den ee: «A saxad ale a magna, ndaa jaajal we mayee. Nqeɗyo o Yaal a saxad ale boog, ndax ta luliid jaajal na saxad ale ten.

YEGIL MBAAX NE YEESU ne Lik a bindtuuna 10:2 Referans Kwoze

1 Tesalonik 5:12

Fog we, in we nqeɗaa a nuun, nu niw we na njalaa fa nuun, a ƭoxaa, too a saƭakinaa a nuun no Yaal oxe.

Mark 16:15

Yeesu a laya a den ee: «Ndetyo kam adna fee fop, mbaare’ik we mbindeena fop Yegil mbaax ne.

2 Timote 4:5

Wo o mat, fat o fod no kuu refna, fañ o hupal, jaɓ o coono. Fi’i ke o baawaare Yegil mbaax ne a warna o fi, calel of, o fadnitin ne ta waritna.

2 Tesalonik 3:1

Fog we, nqeɗyo ndax fa lay fee no Yaal oxe a ñof o jof mbaambir, a niwel ne nu niwtuuna.

Mark 13:34

Xan a nand nen o koor oxaa na ñaaƴkaa, a xaƴ mbind um, a doxnin faɗ um, oxuu refna fo calel um, soo a sim o paɗ oxe na yetooxaa a carind ale ta yetoox a paax.

1 Timote 4:10

Andaa koy ee kaa i njalaa, ngomreel, yaam ne i ndoonna yaakaar in na Roog fa ñoow jok fee. O ten o mat refu o Muumucil no wiin we fop, a moƴin o ref koy sax no we ngimna.

A pi ake 22:21

Maaga, o Yaal oxe a layaxam ee: ‹Reti rek, yaam xam lulong maa goƭna, farna fo qeet ke ndefeerna Yaawuur.› »

A pi ake 20:28

Ten taxu mbootooxyo boog na qoox nuun fo no siir ole Yiif Tedu le a doxinna a nuun, nu ndef teen aa-adax. Ngayyo o fog ole no gimu we Roog a su’nitna fo’oy xooxood um.

A pi ake 13:4

Neene, Yiif Tedu le a lula a Barnabaas fa Sool. A ndeta Selewkiya, a ndokit maaga a kaal, soo a ndet no fimb laa Sipere.

A pi ake 13:2

Bes, ye da ƥoxotaa a Roog o ndam, too a ngooraa, Yiif Tedu le a laya a den ee: «Kesanaamoo a Barnabaas fa Sool, ndax da mbadin calel ke taxna um xoy a den.»

A pi ake 11:19

Gimu we pictoox’ina koy yaam toroxand ke njeg’ina ye Eceen a wareena, a ndeta boo Fenisi fo no fimb laa Sipere fa Ancook, a yegnitaa fa lay fee Roog me no Yaawuur we soom.

A pi ake 8:4

We pictoox’ina koy a mbidooga saax laa fop ndeer o mbiñ fo mbiñ, a yegnitaa Yegil mbaax ne.

YEGIL MBAAX NE YEESU ne Lik a bindtuuna 9:1

Yaa Yeesu a xoyna daalbe xarɓaxay fo daalbe ɗik waa ten, a cooxa a den katil fa sañ-sañ took cini ke, a coox a den da mbodandaa a cir ake.

Mark 16:20

Daalbe waa a ndeta, a mbaare’ik Yegil mbaax ne muu refna. O Yaal oxe a jalooga fa den, a laltaa yee waare den ndigil kak oo na pexey xa anddiloor axe ta yoonandtooguuna.]

Mace 20:1

«Maat ne na asamaan kaa nand fo o yaal mbind oxaa sutooxna ƥiiɓ teel, ndax ta waaƭ waa njalanuuna na ƭing biiñ um.

Sakari 11:17

Sabab took no kaynaak o caree tus oxe na fesaa paal um a cinj! Yaasam laƥ a god a naax um soo a yul a ngid um a ñamaak! Kaam ee yaasam a naax um a yeroox, a ngid um a ñamaak a cus!

Yeremi 3:15

Xam coox a nuun ɗooɗox waa njagooxaxama, too xan a ƭoxit a nuun o jeg-yiif fo o woor.»

Filip 2:25

Ɗeetaam itam boo ga ee nomtiid o pog es Epaforodit cegu o njiriiñ oo. Ten itam, o yoon es no calel ke yoo, a gomreel nen a mi, nu luliidin me mi, ta ɓisiidaam ƭaxir soxla.

Filip 2:21

Fop, ke faaxna na qoox den rek a mbaaƭaa, a mbañ o mbaaƭ ke jofna na Yeesu Kiristaa.

1 Korint 12:28

Kam o fog ole no gimu we Roog kaa eet o dalin apootar we, we na njo’tanaa a Roog a ndeef, jaajangin we a ndoonoox, soo cinj kaaga, we ci’eena a mbaag o mbi comlaand, cinj weene we mbaagna o mbodand, soo we mbaagna o ƈufig a ngar fo we mbaagna o adooxan lakas we fo we na layaa lak-yiif.

A lim ale 11:17

Xam fudooxiid, lay fa wo maaga. Xam xot no Yiif le fudnuuma took of, doonin took den, ndax da ngadoortong xeet fene refna a toq a maak boo gadooxkino wo soom.

Kolos 1:29

Keene itam refu calel es, um gomriteel doole um, ta jalaa na mi fa katil.

Filip 2:30

yaam no calel ke Kiristaa o ñoow um a yaac’u o ɓostoor, yaam ta doon’un no xoƥ nquƭ, ye ta rondandna a nuun paam es.

Hebre 3:6

Kiristaa koy, kaa gore’’u nen o Ƥiy onqaa dooneena kelfa no mbind ne Roog. In o mat ndefu mbind um, yaa i njegna a koolax a saƭku, too njeg o ɗaay no ke i yaakaaraa.

1 Tesalonik 2:9

Fog es, ƥekyo na yiif nuun ne i njalitna kam coono ñaal fo o yeng, ndax i ndoxondkee o leng na nuun a toq in, ye nu mbaare’eel Yegil mbaax ne Roog.

Kolos 4:12

Epafaras fee nu mbogitna xeet oxe simnaa a nuun. O tag Kiristaa Yeesu yoo, too a naaga o gomreel na qeƭ yaam nuun, ndax nu ñak sik, saƭik no fop ke refna o bug Roog.

2 Korint 6:1

In we ndefna jaajal Roog, kaa i maƭooxaa a nuun nu mbañ o yapatil yirmande fee Roog nu ndaawna.

1 Korint 15:10

Yirmande Roog soom taxu um ref ke refuuma xaye, too yirmande um fa mi yenee na ngas, yaam kaam daar, hupiɗ a den jale. Wariim o lay sax ee mi jalu, ndaa yirmande fee Roog a dalinna a ndeer es fo ten.

Sakari 11:5

paal keene jiijik den a mbaraa too mbi’iran ta ref tig, we na njikooxaa a den a layaa yee: ‹Roog ndok! I njegata xaaliis!›, too gaynaak den itam njegee na den yirmande fa leng.

1 Maad we 18:22

Eliya a ɓaata o lay xeet faa yee: «Mi doŋ yoqu o tuleer no Yaal oxe, ndaa duleer we Baal a mbada teemeed nahik fo qarɓeen ƥetik.

A lim ale 11:29

Moyiis a doonaan ee: «Ndax kaa o naalaxam! Um waag’angaan xeet fee no Yaal oxe fop a tapoor, a ndef duleer, yaam o Yaal oxe a fudin Yiif um took den.»

Filemon 1:1

Mi Pool fee jengeena yaam Kiristaa Yeesu fa Timote fee o pog in, na mbindang o leetar oleeke. Wo Filemon fee fexuuma fex, too ref o yoon in no calel ke,

A kim a tedu ke 68:11

Maaga o mat a yaj of a ndalu, no mbiñ onqaaga jagandanoona ñaatu weene kam o paaxel of, wo Roog.

Mbeeñil 2:1

«Bindanaam a malaaka fee na yetooxaa mbokatax ne no gimu we kam teeru faa Efees ee: ‹Fa lay feeke kaa inoor no xe deegooxna xa qoor ɓetaa ƭaq axe na ñamaak um, refna oxe na ñaaƴaa a ndeer a pagal ɓetaa ƭaq xa lampa akaa mbi’teena wurus.