YEGIL MBAAX NE YEESU ne Lik a bindtuuna 10:16 - NQAARIIT NE ROOG

¹⁶ Yeesu a dakooxa o lay daalbe um ee: «Oxuu nan-gilooxna a nuun, mi a nan-gilooxu, oxuu fañna a nuun, mi a fañu, too oxuu fañaxama, Faap es fee luliidaxama a fañu.»

YEGIL MBAAX NE YEESU ne Lik a bindtuuna 10:16 Referans Kwoze

YEGIL MBAAX NE YEESU ne Saŋ a bindtuuna 13:20

No ndigil, no ndigil, mexe layaa a nuun ee: Oxuu dalinna oxaa luluuma, mi fa xoox es a dalnu, too dalnaxama, oxe luliidaxama sax a dalnu.»

Mace 10:40

«Oxuu genarna a nuun, mi a genaru, too genaraxama a genara oxe lulaxama itam.

1 Tesalonik 4:8

Yaaga boog, oxuu andoona koy ee kaa fañ bargal keene, refee yee o kiin a deɓu, ndaa Roog fee ci’na a nuun Yiif Tedu le ten.

YEGIL MBAAX NE YEESU ne Saŋ a bindtuuna 12:48

Oxuu jaɓeeraxama, gimee fa lay es, a jega o kaahate. Fa lay fee yegnituuma na hate’kaa na bes fa mbalakaand faa,

YEGIL MBAAX NE YEESU ne Saŋ a bindtuuna 12:44

Yeesu a laya a maak ee: «Oxuu gimna na mi, refee yee na mi a gimu, ndaa no xe luliidaxama.

Mark 9:37

«Oxuu genarna o ndeɓandoong o ndutuuñ o mbodu nene yaam mi, mi a genaru, too oxuu genaraxama, refee yee mi a genaru, ndaa oxe lulaxama.»

Mace 18:5

Oxuu genarna o ndeɓandoong o ndutuuñ o mbodu nene yaam mi, mi a genaru.»

Malaki 1:6

O ƥiy kaa ci’aa a faap um cer, soo o tag a niwaa o yaal mbind um. Yaaga boog, mi fee faap nuun, xar taxu nu ci’iraam cer? Ndi mi fee o Yaal nuun, xar taxu nu niwiraam? Mi o Yaal oxe Hupna fop na laamtaa a nuun keene, nuun saasadax we na ñawle’aa gon es soo ndamtin ee: «Na xar i ñawle’taa gon of?»

A pi ake 5:4

Mee ndax wo jeg’un ye ta jarafuleerna? Andiro yee xaaliis fee, xaaliis of a reeƭu itam? Xar taxu o ɓalginaa o laaw of? Naxiro wiin we toox de, Roog o mat naxo!»

YEGIL MBAAX NE YEESU ne Lik a bindtuuna 9:48

a lay a den ee: «Oxuu genarna o ndeɓandoong o ndutuuñ o mbodu nene yaam mi, mi a genaru, too oxuu genaraxama, a genara oxe luliidaxama. Oxe moƴna o neew a ndeer nuun koy, refu oxe moƴna o magin.»

A lim ale 16:11

Neene, wo fo a yaj of, refee yee Aaroon nu ñuxmatilooxanaa, ndaa o Yaal oxe sax sax nu mbokatooranu!»

A lim ale 14:11

O Yaal oxe a laya a Moyiis ee: «Xeet fene kaa ngapko sibaxam boo a mban, a mbañ o ngim na mi, ke fi’uuma xa anddiloor a ndeer den fop oo?

A sutax ale 16:7

O feet nqes xan nu nga o ndam onqe no Yaal oxe, yaam a nana o nqas onqe nu nqasanan, too andiim sax ke i ndefna bo nu nqasanaa a in.»

A lim ale 14:2

Kaa nqasanoogu a Moyiis fa Aaroon, a layaa a den ee: «I nqonit’u kam saax laa Misira mbaat i nqonit kam a koƥ-a-ƥor alene sax, moƴu na in!

A sutax ale 16:8

Moyiis a dakooxahina o lay ee: «O yaar o Yaal oxe a ci a nuun a tegeƴ akaa nu ñaamna soo o feet nqes ta ci a nuun puuru kaa nu ñaamna boo ngiñ, yaam o Yaal oxe a nana o nqasan onqe nu nqasanuuna, too sax, kaa andiim ke i ndefna. Refee yee in nu nqasu, ndaa o Yaal oxe.»

Galati 4:14

Ke jir’uuma fop oo, nu sibiraam, nu mbasnooxiraam, too nu mbaag’aan o mbi. Kaa koy, nu mbi’iran, ndax ngenartaam nen malaaka Roog, nen a Kiristaa Yeesu fa xoox um.