YEGIL MBAAX NE YEESU ne Lik a bindtuuna 10:15 - NQAARIIT NE ROOG

¹⁵ Wo Kapernawum o mat, ndax xan o yoɗel boo na asamaan? Ha’aa! Xan o fudnel boo kam jaaniif.»

YEGIL MBAAX NE YEESU ne Lik a bindtuuna 10:15 Referans Kwoze

Mace 4:13

A jangoorta na teeru faa Nasaret, soo a geniid Kapernawum, refna paam o maag olaa, no jegel olaa na carind ale Sabulon fo ale Neftali.

2 Piyeer 2:4

Yaam Roog wuusee malaaka ke mbakaadna, ndaa a deɓa a den kam fiɗel laa. Maaga a ngeekkeel kam o niɓaan ole boo no ñaal naa na hate faa.

YEGIL MBAAX NE YEESU ne Lik a bindtuuna 13:28

Maaga xan a jeg xa lool fo ƈaxrand a ñiiñ, yaa nu nga’kaa a Abraham fa Isaak fa Yakoob fo duleer we fop no Maat naa Roog, a soƥkaa nu ndeɓel tafil faa!

Mace 11:23

Wo Kapernawum o mat, ndax xan o yoɗel boo na asamaan? Ha’aa! Xan o fudnel boo kam jaaniif. A pi katil ake mbi’eena me wo a mbi’’ange kam Sodoom, a maadkooga boo xaye.

Mace 10:28

Ba nu mbit we mbaagna o mbar cer, too mbaagee o mbar o laaw. Oxe jarna o fitel refu Roog fee waagna o saŋik cer fo o laaw kam fiɗel laa ñufkeerna.

Abjaas 1:4

O yaaroogangaa took-ee-took nen a canjiik soo raang ndeer xa qoor axe sax, xam ɗangtitiidong maaga. Mi o Yaal oxe layun.

Heseki’el 32:27

A qucooxar akeene ngasaand me na salma-koor ake. A salma-koor akeene a nqaada jaaniif fo ƥonax qire’ir den, a ngakandnel laƥ den, soo pegoor den a ndoonel took xa kiiƈ den, yaam a salma-koor ake kaa ndiidlandoogu lanq ke no ñoow we.

Heseki’el 32:20

a ndeer we laƥ ne a fandna. Laƥ a cooxte. Maƥeenoo fo wiin um fop.

Heseki’el 32:18

«Wo fee o ƥiy no kiin, feri a kim a mboy took wiin mayu we ngenna Misira, fudni a den, den fo qeet cegu doole ke kam jaaniif, da yoon fo we na mbudooxaa kam gamb le na saŋkax ale.

Heseki’el 31:18

Ndi an waag’ee o nandandit no ndam fo o magnel a ndeer taxar ke Edeen? Xan o fudnandoorel fo taxar ke Edeen kam xooɗ-ee-xooɗ le no lanq ke. Xan o wondoox a ndeer a qucooxar ake fo we laƥ a ñaamna. Keene na dalkaa a Firawon fee fa xeet fa mayu um. Mi o Yaal oxe na refkaa boo faw layun.»

Heseki’el 26:20

xam fudnandoorong fo we na mbudooxaa kam gamb le na saŋkax ale, farna fa xeet fee yaaga. Xam gennoorong no qooƭ ke no lanq ke, o nand fo kefatin ke na refkaa boo faw, yoon fo we na mbudooxaa kam gamb le na saŋkax ale, ndax genkataandee. Maaga, xam geekan saax le no ñoow we o ndam onqe.

Yeremi 51:53

Babilon a yoɗoox’angaa boo na asamaan sax, a sip’angaa saŋe um took-ee-took boo waagaand o daaw, hebliidkoogaam yaayaq waa ndaawuuna.» O Yaal oxe layun.

Esayi 5:14

Jaaniif oxe ɗaaya a peep, a wet o don um bo ta fag. Maaga, wiin maak we boo no fo mboƭomsogor ne xan a njimboox teen fo yo’in den fo mbumbaay den.

A cangatin ale 1:28

Ndiiki koy, xar i mbaaƭkaa maaga? Fog in a ƥutanda njambaar in, ye da layna yee: Xeet faaga moƴu o may a in soo a ngup a in took. Teeru ke den kaa magin soo a saŋe’el boo na eel akaa, too i nga’a maaga sax xa taan axe Anak.›

Mberaand 11:4

A layrahina yee: «Fat i max teeru, taax-took naa o jul ole a bugko duqaa asamaan fee. Maaga, xan i njeg gon, too i pasarooxkee took lanq ke fop.»

YEGIL MBAAX NE YEESU ne Lik a bindtuuna 16:23

Kam jaaniif, a coono’ooga lool. Maaga, a ƴooka a Abraham koƭu ta ɓop a Lasaar.