YEGIL MBAAX NE YEESU ne Lik a bindtuuna 10:10 - NQAARIIT NE ROOG

¹⁰ Kaa koy, na teeru fuu nu ndokna, too ngenaree a nuun, sutooxyo no ped ke, too lay ee:

YEGIL MBAAX NE YEESU ne Lik a bindtuuna 10:10 Referans Kwoze

A pi ake 18:6

Kaa koy, Yaawuur we kaa siiknoor’u fo ten, a ndef no mbenan. Maaga, Pool a yirfa took den fo ut tikoorik um, ndax ta ref seede na den, too a lay a den ee: «Xan a saŋkax nuun a ref fo diy nuun. Ɓogooxaam teen! Ndiiki koy, mexe retaa farna fo we ndefeerna Yaawuur.»

A pi ake 13:51

Kaa koy, den ɗik a yirifa a den fo ut a caf den ndax ta ref seede na den, soo a ndet Ikooñum.

Mace 10:14

A ngenarangee a nuun, nan-gilooxee fa lay nuun, fat nu sutoox mbind naaga mbaat teeru faaga. Yirifyo fo ut a caf nuun, ta ref seede took den.

YEGIL MBAAX NE YEESU ne Lik a bindtuuna 9:5

Wiin waa a ngenarangee a nuun, fat nu sutoox teeru faaga, yirif fo ut a caf nuun, ndax ta ref seede took den.»

Heseki’el 2:5

Ta ref ee a nan-gilooxa mbaat da mbañ o nan-giloox, yaam xeet fa mbaafañ a ndefu, xan da and ee o tuleer oxey a ndeer den.

YEGIL MBAAX NE YEESU ne Lik a bindtuuna 10:9

Mbodandyo jiru we nu soƥkaa maaga, too mbaare a den ee: ‹Maat ne Roog a matiida a nuun.›

YEGIL MBAAX NE YEESU ne Lik a bindtuuna 10:11

‹In we yirfaa a nuun fo ut ole na teeru nuun taƥna na caf in. Yaag oo toox de fat nu and ee Maat ne Roog a matiida.›