YEGIL MBAAX NE YEESU ne Lik a bindtuuna 10:1 - NQAARIIT NE ROOG

¹ Cinj kaaga, o Yaal oxe a jila daalbe qarɓeen ɓetuu ɗik [fo daalbe ɗik], soo a lul a den ɗik-ɗik, da adookin no teeru ke fo fop me ta narna o ret ten fa xoox um.

YEGIL MBAAX NE YEESU ne Lik a bindtuuna 10:1 Referans Kwoze

YEGIL MBAAX NE YEESU ne Lik a bindtuuna 9:52

Yeesu a lula wiin da adookin. Yaa da ndetna, a ndoka na saate fa leng no Saasamari waa, a mbaaƭan a Yeesu maa ta dalna.

A lim ale 11:16

O Yaal oxe a laya a Moyiis ee: «Fokatanaam goor qarɓeen ɓetuu ɗik no maak we Isra’el, no we andoona da ndef maak too a njeg sañ-sañ na xeet fee. Ɓisi a den no Ƭiif ne um xetteel, mi o Yaal oxe, too fat a ndef maaga fa wo.

YEGIL MBAAX NE YEESU ne Lik a bindtuuna 1:76

Wo o mat o ƥees, xan o xoyeel o tuleer no xe Took-ee-took. Xan o ñaaƴaa mbaambir no Yaal oxe, ndax o jagandanin a ƭat um.

YEGIL MBAAX NE YEESU ne Lik a bindtuuna 1:17

Xan a adooxiid o Yaal oxe, a saq yiif no tuleer le fa katil fee Eliya. Neene, xan a xuriid paap ke da njeg jam na xa ƥiy den. Xan a ɗox jofaƭaru we itam da njegat a qalaat a cofu. Neene, xan a fi’an o Yaal oxe xeet fa njagande.»

YEGIL MBAAX NE YEESU ne Lik a bindtuuna 7:13

Yeesu a ga’a o tew oxe, ta yuɗin, too a layaan ee: «Ba o lool!»

Heseki’el 8:11

Maak qarɓeen ɓetuu ɗik no mbind Isra’el kaa mbod’u mbaambir den, soo Yaasaniya fee o ƥiy Safan a fod a ndeer den. Oxuu refna kaa deegoox’u no ɓay um o njaq cuuraay soo eel yelefu a yoɗooxaa.

YEGIL MBAAX NE YEESU ne Lik a bindtuuna 7:19

too a lul a den maa no Yaal oxe, ndax da laamtin ee: «Wo refu oxe warna o gar, ndi kaa i mbar o cung o lakas?»