YEGIL MBAAX NE YEESU ne Lik a bindtuuna 1:8 - NQAARIIT NE ROOG

⁸ Maaga, waxtu fee Sakari a war’ina o fadnik o far um mbaambir Roog a fadiida, yaam a qaaj ale ten yoqit’e.

YEGIL MBAAX NE YEESU ne Lik a bindtuuna 1:8 Referans Kwoze

2 Caloori ke 8:14

Salomo a dalna a yaj ake no saasadax we ne faap um Dawid a jagandit’uuna, ta reefandel no far den, ake no Leelewi we ta reefandel na toq den ale refna o niwaa o Yaal oxe soo a mbadnaa o far den mbaambir saasadax we, ne ta hebliteena na bes fuu refna. Neene itam a reftu no yeeyetax we na xa ton-maax axe nqaajrand’eena xa ton-maax axe, a reefandel na yaj den. Neene deŋ Dawid fee o kiin Roog oxe a heblit’un.

1 Caloori ke 24:19

Neene mat a ngadnite o far den ndax da ndok kam Mbind ne no Yaal oxe ne ta dalniteena, a reefandel na Aaroon fee o taan den, ne o Yaal oxe Roog fee Isra’el a heblit’uuna o ten.

2 Caloori ke 31:2

Hiskiya a dalna a yaj ake no saasadax we fo ake no Leelewi we, aluu refna no far um: Saasadax we fo Leelewi we ndefanna sadax toxel ke fo camsa’oor ke, we ndefanna a paɗax ale, we ndefanna o ngidim onqe fo a simat ake fo we na xa ton-maax axe no saŋe ne no Yaal oxe.

YEGIL MBAAX NE YEESU ne Lik a bindtuuna 1:5

Na jamaane Herood fee o maad Yudee, a jeg’a o saasadax oxaa ne’eena Sakari a fog na qaaj ale Abiya. O teem Elisabet no kurcala le Aaroon fee o saasadax oxe, a fog’u.

Esdaraas 6:18

A ndalna saasadax we, a ndeefandin na qaaj den, fo Leelewi we, a ndeefandin na yaj den, na paɗax ale Roog kam Yeerusaleem, ne ta bindteena no safe le Moyiis.

2 Caloori ke 31:19

No saasadax we xa taan Aaroon ngen’ina no caate ke mbidna teeru ke den, a jeg’a na teeru fuu refna goor waa njileena na kon den ndax da lasaa goor we fop a ndeer no saasadax we fo Leelewi we mbindeena.

2 Caloori ke 11:14

Leelewi we kaa mbaas’u kenand den fo xa saawit den a ngar Yeerusaleem kam maat ne Yudaa, yaam Yerobowam fo xa ƥeem kaa nqañtoogu a den da mbadin o far den, refna saasadax no Yaal oxe.

A lim ale 18:7

Wo Aaroon fo xa ƥeef koy, fat nu mbadin calel no saasadax nuun no sadaxand ole fo kam o Mbiñ onqe moƴna o ted refna laqa mbaƴ ne. Mi o mat cooxu a nuun calel keene. O lakas oxuu andoona yee a matiidaxam, fat a warel.»

A sutax ale 30:30

Fat o ɗuum a Aaroon fo xa ƥeem, kes a den, da ndef saasadax, a njalanaxam.

A sutax ale 29:44

Xam tedland Ƭiif ne um bugko xetteel fo o sadaxand ole soo tedland a Aaroon fo xa ƥeem, ndax da ndef saasadax, a njalanaxam.

A sutax ale 29:9

Fat o ŋaƭan a Aaroon fo xa ƥeem xa kumnoor, tañal a den. Neene, xan a ndef saasadax boo faw. Neeke Aaroon fo xa ƥeem a ndokitkaa no calel den:

A sutax ale 29:1

«Neeke o mat waro o fi, ndax o dod a Aaroon fo xa ƥeem saasadax, da njalanaxam: Fat o waaƭ o nqoox fo a suk paal a ƭak akaa ñakna sik.

A sutax ale 28:41

Wo koy Moyiis, fat o rokan a Aaroon fo xa ƥeem tikoorik keene, ɗuum a den. Fat o dod a den saasadax, tedland a den, ndax da mbadnaa o far den mbaambir es.

A sutax ale 28:1

«Moyiis, xoyni a Aaroon fee o maag of fo xa ƥeem axe ndefna Nadab, Abiihu, Eleyasaar fa Itamaar. Fat o suudit a den a ndeer no Ii-isra’el lakas we, ndax da ndef saasadax, a njalanaxam.

1 Caloori ke 24:2

Nadab fa Abiihu eet’u o nqon a faap den too njeg’ee xa ƥiy, ten taxu Eleyasaar fa Itamaar soom mbadnoogu calel no saasadax ke.

YEGIL MBAAX NE YEESU ne Lik a bindtuuna 1:7

Kaa koy, njeg’ee xa ƥiy, yaam Elisabet o tew o timar a reeƭu, too den ɗik fop kaa maak’atu.