YEGIL MBAAX NE YEESU ne Lik a bindtuuna 1:79 - NQAARIIT NE ROOG

⁷⁹ ndax ta xooland we moofna no niɓaan ole fo we ndefna na pelyook fa nqon. Neene koy xan a ɗox a in, i ndeef a ƭat jam.»

YEGIL MBAAX NE YEESU ne Lik a bindtuuna 1:79 Referans Kwoze

Esayi 9:2

O Yaal oxe, mayƭandaa xeet fee fa baneex, ci’in o ɗaay o maak. Kaa mbelakinooxaa mbaambir of ne o kiin a felakinoortaa yaa fo a saxad, nen xa ƈeel no waa na lasraa ke da njaɓitna na xire.

Mace 4:16

xeet feene moofna no niɓaan ole a nga’a a qoolaand a maak. Took no waa moofna kam a pelyook ale na fa nqon fee, a qoolaand a yoɗooxa.»

A pi ake 26:18

Xam lulong ndax o wet a kid den, sutit a den no niɓaan ole, ɓisiid a den na qoolaand ale, sutit a den na sañ-sañ fee Saytaane, da ngar me Roog. Neene, a ngimangaa na mi, xan a ndaaw a baasan ale no pakaad ke den, a ndaaw a las ale we mbogna na mi a njegna.› »

Efees 5:8

Yaaga, kaa nu ndeeƭu kam o niɓaan ole, ndaa ndiiki nu ndefata kam a qoolaand ale, yaam ne nu mbogna no Yaal oxe. Ten taxu, ñaaƴityo nen waa mbogna na qoolaand ale.

Esayi 42:7

Xan o wet a kid no we mbuulna, wat we ndameena, soo we ngenna no niɓaan ole, o sut a den no ngupuus onqe da ndefna.

YEGIL MBAAX NE YEESU ne Saŋ a bindtuuna 12:46

Kaam gar na adna feeke nen a qoolaand, ndax oxuu gimna na mi, genkee no niɓaan ole.

YEGIL MBAAX NE YEESU ne Saŋ a bindtuuna 8:12

Yeesu a dakooxa o lay faan laa yee: «Mi refu a qoolaand adna. Oxuu reefaxama, ñaaƴkee no niɓaan, too xan a jeg a qoolaand o ñoow.»

YEGIL MBAAX NE YEESU ne Saŋ a bindtuuna 9:5

Ne refuuma na adna, mi refu a qoolaand adna.»

A kim a tedu ke 107:14

A suqta a den no niɓaan ole fo na pelyook fa nqon fee, a daƈit a ceng ake den.

A kim a tedu ke 107:10

Kaa ngen’u no niɓaan ole fo na pelyook fa nqon fee, a ndef faɗ ñaatu waa ŋaƭeena ceen,

Esayi 49:9

lay we ndameena yee: ‹Sutooxyo!›, soo we ndefna no niɓaan ole, o lay a den ee: ‹Mbeeñyo!› Xan a mbaag o suuf kam a ƭat ale too xan a njeg xa suufand na xa coong axe naangna halit.

YEGIL MBAAX NE YEESU ne Saŋ a bindtuuna 1:9

A qoolaand aleene koy reeƭu a tiindigil ale andoona yee kaa gar a xooland o kiin oo kiin ye ta rokiidna na adna.

A kim a tedu ke 23:4

Bo um ñaaƴaa na yulanq ale na pelyook ale na fa nqon fee sax, saɗariim paaxeer leng, yaam woxey fa mi. O loq ole wo fo laƥ ne wo na mboornaxam.

YEGIL MBAAX NE YEESU ne Lik a bindtuuna 2:32

refna a qoolaand ale feeñna kam a saax ake, a ref o ndam Isra’el fee xeet of.»

Yeremi 2:6

Laamteeyo yee: ‹Taa o Yaal oxe, ten oxe sutitna a in no saax laa Misira, a ɗox a in na koƥ-a-ƥor alaa, no lanq beeru kaa mayna a ƥaaxaand, no lanq kaa njegeerna o mboofi na pelyook ale na fa nqon fee, no lanq kaa o leng a naageerna o reefaa, too o leng genee maaga?›

Esayi 49:6

kaa tee: «O ref o tag es, ndax o inatin a carind ake Yakoob soo nomtiid yoqatin we Isra’el, deyee na wo. Kaam dodong a qoolaand no qeet ke, ndax a muc es a xay boo no cat adna.»

Esayi 42:16

Xam ñaaƴnoor fuul we na ƭat alaa da and’eerna, ɗox a den na qal akaa da mos’eerna o ndeef. Xam suptan a den o niɓaan ole a qoolaand, soo a qalnqaluuƈ ake, um fodrand a den. Keene refu ke um fadinkaa, too dakooxkiim teen a cinj.

O leetar ole Pool a bindna GIMU WE NGENNA ROM 3:17

Andee a ƭat jam ale,

Yeremi 6:16

Keeke o Yaal oxe a layu: «Ngeenooxyo ƭeet me nu nqotaa, laamit a qal ake yaaga. Mbaaƭyo a ƭat a paax ale soo ñaaƴ teen. too xan o laaw nuun a ñootnoox. Kaa koy, nu ndoona yee: ‹I ñaaƴkee teen.›

Esayi 59:8

Andee a ƭat jam ale too o cofel reefee a den. A ƭat a quƴooxu ke moƴanu a den, too oxuu xotna a ƭat akeene, ga’kee jam boo muk.

Esayi 48:22

«Soxodu we o mat, njegee jam.» Keene o Yaal oxe a layu.

A kim a tedu ke 44:19

I ndakooxee o jiijing, too i ƭapee a ƭat ale halanoona a in.

A kim a tedu ke 25:12

O Yaal oxe kaa lalaa oxe saɗaruuna a ƭat ale ta warna o jil.

Xa peƭit axe 3:17

A ƭat ake ta xotnooraa kaa ndef a ƭat a pelu, a qal ake ten fop a ndef a qal jam.

Ke bindeena no xe ne’eena YOB 10:22

saax le no niɓaan taruus ole, a pelyook ale na fa nqon fee, me njaxasax ne a maadooxaa fo me a qoolaand ale a nandtaa fo o niɓaan.»

Esayi 48:17

Keeke o Yaal oxe refna o baawat of, a ref o Tedu xe Isra’el a layu: «Mi o Yaal oxe, mi refu Roog of, mi na aqatinang ke maloonga, mi na ɗoxang na qal ale waroona o reef.

Xa peƭit axe 8:20

Kaam ñaaƴaa na ƭat ale no ndigil ne, reefaa ndeer ee ndeer a qal ale no cofel ole,

Ke bindeena no xe ne’eena YOB 3:5

Yaasam o niɓaan fo a sisaaƥ a naangin salquƈ, eel niɓaanu taruus a iroox took um, soo o niɓaan ñaal a xufin!

A pi ake 10:36

Nu anda fa lay fee Roog a lultiidna xeet fee Isra’el, ta ref Yegil mbaax ne na ci’taa jam na pexey Yeesu Kiristaa, refna o Yaal no fop.