YEGIL MBAAX NE YEESU ne Lik a bindtuuna 1:77 - NQAARIIT NE ROOG

⁷⁷ Xan o andnoor xeet um ee xan a mucil a den na pexey a baasan pakaad den. yaa da mbaasnooxna pakaad den.

YEGIL MBAAX NE YEESU ne Lik a bindtuuna 1:77 Referans Kwoze

A pi ake 10:43

Duleer we fop a seede’a no ten ee oxuu gimna no ten, a daaw a baasan pakaad no gon um.»

A pi ake 5:31

Roog fa xoox um yoɗun itam, ta moofik na ñamaak um, a dodin o Maad fo o Muumucil, ndax ta ci xeet fee Isra’el da mbes pakaad den a cinj, too a ndaaw a baasan ale.

A pi ake 2:38

Piyeer a doona a den ee: «Mbesyo pakaad nuun a cinj, too oxuu refna fat a batiise’el no gon Yeesu Kiristaa, ndax pakaad um a mbaasanel, ta daaw Yiif Tedu le Roog a ci’taa.

A pi ake 3:19

Mbesyo pakaad nuun a cinj boog, too saktoox farna fa Roog, ndax pakaad nuun a mbortel.

YEGIL MBAAX NE YEESU ne Saŋ a bindtuuna 1:34

Ga’aam, too seede’anaanum ee o ten refu o Ƥeenqe Roog.»

YEGIL MBAAX NE YEESU ne Saŋ a bindtuuna 1:29

No feet olaa, Saŋ a ƴooka a Yeesu ta xotiidaa maa ten. Maaga, a laya yee: «Nga’yo o Mbaal onqe Roog na watnaa bakaad adna.

YEGIL MBAAX NE YEESU ne Lik a bindtuuna 3:6

too o kiin oo kiin xan a ga a muc ale Roog.› »

YEGIL MBAAX NE YEESU ne Lik a bindtuuna 3:3

Saŋ kaa retoogu no caate kaa mbidna o xuluɓ ole Yordaan fop, a waare’aa. Kaa layoogu yee: «Mbesyo pakaad nuun a cinj, mbatiise’el, too xan Roog a waasan a nuun.»

Efees 1:7

Yaam na pexey fo’oy le Kiristaa i mbate no paaxeer, soo tooñ ke in a mbaasanel. Neene boog, Roog a lala a in o yaajel ole na yirmande um

Yeremi 31:34

O leng na den soxla’katee o jangnaa gend um mbaat ta layaa fog um ee: ‹Andyo o Yaal oxe!›, yaam fop xan a andaam, no ke xotitna no xe moƴna o neew boo no xe moƴna o maak, yaam xam waasanit tooñ den too wetandooxkatiim pakaad den. Mi o Yaal oxe layun.»

O leetar ole Pool a bindna GIMU WE NGENNA ROM 3:25

Ten o mat Roog a jilu, ndax no we na ngimkaa, fo’oy um a ref sadax fee na ñufaa a qaw ale Roog yaam pakaad ke. Roog a fi’aan, ndax ta waag o lalit o cofel um, yaam ne andoona yee kaa maad’u o muñaa pakaad ke mbi’’eena yaaga.

A pi ake 19:4

Pool a laya a den ee: «We njaɓ’ina o mbes pakaad den a cinj, Saŋ a batiise’oogu. Kaa layoogu xeet fee da ngim no xe na reefankan, ta ref Yeesu.»