YEGIL MBAAX NE YEESU ne Lik a bindtuuna 1:76 - NQAARIIT NE ROOG

⁷⁶ Wo o mat o ƥees, xan o xoyeel o tuleer no xe Took-ee-took. Xan o ñaaƴaa mbaambir no Yaal oxe, ndax o jagandanin a ƭat um.

YEGIL MBAAX NE YEESU ne Lik a bindtuuna 1:76 Referans Kwoze

Malaki 3:1

Mexey heblaa oxe luluuma ta adooxaam, a holtanaam a ƭat. No miñeer o Yaal oxe nu mbaaƭaa xan a rokiid ndeer ñaf fo ƭeet kam Mbind Roog ne ten, Malaaka fee no ngiɓoor ne nu cungaa oxey garaa. Keene o Yaal oxe Hupna fop a layu.

YEGIL MBAAX NE YEESU ne Saŋ a bindtuuna 1:23

Saŋ a doona yee: «Mi refu o ñuxur ole na falalooxaa kam a koƥ-a-ƥor alaa yee: ‹Njofandanyo o Yaal oxe a ƭat!› Keene o mat refu ke o tuleer Esayi a yegnitna.»

Mace 14:5

Herood a bug’a o warnoor a Saŋ, ndaa a saɗar’a wiin mayu we, yaam kaa mbi’’u a Saŋ o tuleer.

Mace 3:3

Ten refu oxe o tuleer oxe ne’eena Esayi a ne’oogna ye ta layna yee: «Keeke refu o ñuxur ole na falalooxaa kam a koƥ-a-ƥor alaa yee: Sexanyo o Yaal oxe a qal, njofandanin a ƭat.»

A pi ake 16:17

O mbindaand onqeene a reefanooga a Pool fa in, too a falalooxaa yee: «Goor weeke faɗ Roog fee Took-ee-took a ndefu! Kaa yegnaa a nuun a ƭat ale na muc ale.»

YEGIL MBAAX NE YEESU ne Lik a bindtuuna 1:35

Malaaka fee a doonaan ee: «Xan Yiif Tedu le a fudoox took of, too xan katil fee no xe Took-ee-took a muurong fo yook um. Ten taxu, o ƥiy o tedu nqe o ñootkaa xan a xoyeel o Ƥeenqe Roog.

YEGIL MBAAX NE YEESU ne Lik a bindtuuna 1:32

Xan a ref o kiin o maak, too xan a xoyeel o Ƥeenqe no xe Took-ee-took. Xan o Yaal oxe Roog a ci’in ta ref o maad nen a Dawid fee o taan um.

Mark 11:32

Ndi kaa i ndoonkan ee: ‹No wiin we a inooru›…» Kaa saɗaroogu wiin we, yaam fop kaa mbi’’u a Saŋ o tuleer ndigil.

YEGIL MBAAX NE YEESU ne Saŋ a bindtuuna 3:28

Nuun weeke ngeenooxna, nu maada ye layuuma a koom ee: Refiim Kiristaa fee, o Muumucil oxe regteena. Oxe halaniiduuna a ƭat um soom refum.

YEGIL MBAAX NE YEESU ne Saŋ a bindtuuna 1:27

Ten refu oxe na reefaniidaxam, too fekit xa ñaaƭ um sax a jombaxam.»

YEGIL MBAAX NE YEESU ne Lik a bindtuuna 6:35

Kaa koy, mbexyo fañ nuun, mbi’anaa a den paax, ƥandtaa, too mbañ o yaakaar teen tig. Yaaga, xan ndabid nuun a magin, nu ndef xa ƥiy no xe refna Took-ee-took, yaam a faaxa no gore’aƭaru we fo soxodu we.

Mace 21:26

Too i ndoonangaan ee: ‹No wiin we a inoor’u›, i mbara o saɗar wiin we, yaam kaa mbi a Saŋ o tuleer.»

Mace 3:11

Mi, mexe batiise’taa a nuun foofi, ndax ta lalit ee nu mbesa pakaad nuun a cinj, ndaa oxe na reefaniidaxam moƴaxam o jeg doole, too o wolanin xa ñaaƭ um sax a jombaxam. Ten o mat, xan a batiise’it a nuun Yiif Tedu le fa fiɗel.

A kim a tedu ke 87:5

soo na Siyoŋ ta layel ee: «Ten refu mbaafaap no xuu refna.» Oxe Took-ee-took fa xoox um saƭkandun.