YEGIL MBAAX NE YEESU ne Lik a bindtuuna 1:71 - NQAARIIT NE ROOG

⁷¹ A yegnita o Muumucil oxaa na watkaa a in no fañ we in fo na xa ƥay no we sibna a in fop.

YEGIL MBAAX NE YEESU ne Lik a bindtuuna 1:71 Referans Kwoze

A kim a tedu ke 106:10

A mucla a den no we sib’ina a den, a suqit a den no ɓay no pañ oxe.

Yeremi 23:6

Na jamaane um, xan Yudaa a muclel, Isra’el a gen no woor. Kene refu gon le ta ne’keel: ‹O Yaal oxe refu o cofel in.› »

A cangatin ale 33:29

Nuun Ii-isra’el we, nu ƭaaya! Ndi an nandu fa nuun, nuun xeet fee o Yaal oxe a mucilna? Ten refu pegoor ne na ƴufgaa a nuun fo laƥ ne na ci’aa a nuun o ndam. Xan fañ nuun a yis mbaambir nuun, soo nu ndak a den no ndiiñ.»

Heseki’el 34:28

Qeet lakas ke mbalitkatee a den, too ƥaaɓaan ke no saax le lisitkatee a den. Xan a ngen no woor, too jegkatee o leng oxaa na gal’andaa a den.

YEGIL MBAAX NE YEESU ne Lik a bindtuuna 1:74

A cinj ye ta watna a in no ɓay no fañ we in, a taxa i mbaɗooxan, too mbañ o mbit dara.

Yeremi 32:37

‹Mi koy, xam fokatit a den na saax ake fop pasar’uuma a den kam fuux es, kam o say es fo no ngañak es. Xam nomtiid a den no mbiñ onqene, gennoor a den teen fo o woor.

Heseki’el 34:25

Xam dalin fa den ngiɓoor jam too xam ñuf no saax le ƥaaɓaan ke. Xan a ngen no woor kam a koƥ-a-ƥor ale, soo a ƭaanaa a ndeer a suungaan ake.

1Saŋ 3:8

Oxuu genna no fi’aa bakaad, no ƈiƴ oxe a fogu, yaam o ƈiƴ oxe kaa bakaadaa, yaa fo mberaandoong naa boo ndiik. O Ƥeenqe Roog koy, a feeña ndax ta yaq calel ke no ƈiƴ oxe.

Heseki’el 38:8

A cinj a pe a mayu, xam xoyong. No camaane ke na ngaraa, xan o songik saax laa we ngenna teen a ƥostoor’ina no laƥ ne, soo a mbokattel a ndeer qeet mayu took xa coong axe Isra’el mbes’ina a pec. Kaa da sutit’el a ndeer qeet ke, too xan a ñoowaa no woor me da ngenna.

Heseki’el 28:26

Xan a ngen teen fo o woor, a max pind, a njimb a ƭing taxar biiñ. Xan a ngen teen fo o woor, yaa um fadinkaa kate es took no fop we mbidna a den, a nqeefaa a den. Maaga, xan da and ee mi refu o Yaal oxe Roog den.»

A kim a tedu ke 106:47

O Yaal oxe Roog in, mucli a in. Fokatti a in a ndeer qeet ke, ndax i ƥoxot gon tedu of o ngidim too nqaaƴoortaa a simat of.

YEGIL MBAAX NE YEESU ne Lik a bindtuuna 1:68

«O Yaal oxe Roog fee Isra’el a hela o simatel, no ke ta fudooxiidna, a watiid xeet um.

2 Maad we 17:39

Mi o Yaal oxe Roog nuun doŋ nu mbaru mbaɗoox, yaaga xam mucil a nuun na xa ƥay no fañ nuun fop.»