YEGIL MBAAX NE YEESU ne Lik a bindtuuna 1:70 - NQAARIIT NE ROOG

⁷⁰ a reefandin no ke duleer tedu we ten a layna no camaane kaana mbaafna.

YEGIL MBAAX NE YEESU ne Lik a bindtuuna 1:70 Referans Kwoze

2 Piyeer 1:21

A ƭelem ake no duleer we Roog mosee o ngat no bug no kiin. Yiif Tedu le reeƭu oxe ɗoxoogna a den boo da layaa a ƭelem akaa inoorna na Roog.

O leetar ole Pool a bindna GIMU WE NGENNA ROM 1:2

Yegil mbaax neene, Roog kaa regit’un yaaga kam a Pind a Tedu ke, a reefandin no duleer um.

A pi ake 28:25

Den fop koy a asoora yaam ne da njofoor’eerna. Naaga, Pool a doona teen keeke: «Yiif Tedu le a laya ndigil kak, ye ta layna fo daan we nuun, a reefandin no tuleer Esayi.

1 Piyeer 1:12

Roog a feeñla duleer weene yee den fa qoox den maadkee yegnit padafuleer keene. Nuun we taxna da ndef jaajal no keene o mat na maadkan. Ndiiki koy, Yiif Tedu le inoorna na asamaan a yegna a nuun nduleer neene na pexey no we mbaare’na a nuun Yegil mbaax ne. Malaaka ke sax a mbug’a o and keene.

YEGIL MBAAX NE YEESU ne Lik a bindtuuna 24:44

Cinj kaaga, a laya a den ee: «Kene refu ke layooguuma a nuun, ye maaduuma o refaa fa nuun, ndax ke bind’eena na mi fop kam a safe ke Moyiis fo na safe ke no duleer we fo na Kim a tedu ke a fadnoox.»

Mark 12:36

Yaam na pexey Yiif Tedu le, Dawid a laya ten fa xoox um ee: ‹O Yaal oxe a laya o Yaal oxe mi yee: Moofi na ñamaak es, boo yaa fi’uuma fañ we wo me o dakaa.›

Yeremi 30:10

O Yaal oxe kaa tee: «Wo Yakoob fee o tag es, ba o saɗar, ba o firiɓ, wo Isra’el, yaam mexey muclitang no lanq koƭu, muclit xa taan of no saax le da ƥiseena took o hup doole. Xan Yakoob a nomtooxiid, a ñoowaa na jam fo o yaadax, too o leng jom’andkatiran.

Yeremi 23:5

O Yaal oxe kaa tee: «Nga’yo, ñaal key a ngaraa, kaa um sutitkaa no kurcala le Dawid dugatin jofu. Xan a maadoox fo o xool yiif, a ñaaƴnaa a ƭat fo o cofel kam saax le.

2 Sami’el 23:2

Yiif le no Yaal oxe na mi a laytaa, fa lay um oxey no ɗelem es.

Mberaand 49:10

O samb o ɗoxir ole sambirkee fa Yudaa, too o anddiloor kelfa le goƭkee a caf um, boo yaa oxe jeguuna a garkaa, oxe qeet ke fop a nanankaa.

Mberaand 12:3

We na salankang paax, xam barke a den, ndaa oxuu salooxoonga, xam salooxin. Qeet ke na adna fee fop na wo a mbarke’itkeel.»

Mberaand 3:15

Xam ɓek njofooraƭar ndeer of fo o tew oxe, ndeer we mbaqaqoorna na wo fo we mbaqaqoorna no ten. Xan oxe faqaqoorna no ten a gef xoox of bo tee rip, soo wo o gaañin no faaɗ.»

Mbeeñil 19:10

Dalfooxaam o naag giriƥriƥ na caf um ndax um faɗooxin, ndaa a layaxam ee: «Jaɓino o fi! O tag rek refum nen a wo fo nen we fogtoona o ngim na seede’anaa a Yeesu. Roog soom helu o faɗooxel!» Ndigil ne Yeesu a feeñilna na laynooraa duleer we.

Hebre 3:7

Ten taxu, ndeefyo keeke Yiif Tedu le a layna: «Xaye fee xaye, nu nanangaa o ñuxur ole Roog,

2 Piyeer 3:2

boo nu mbaag o mbetandoox yegnit padafuleer ke no duleer tedu we yaaga, mbetandoox itam kebil ne no Yaal oxe fo o Muumucil oxe, apootar we nuun a njanginna.