YEGIL MBAAX NE YEESU ne Lik a bindtuuna 1:7 - NQAARIIT NE ROOG

⁷ Kaa koy, njeg’ee xa ƥiy, yaam Elisabet o tew o timar a reeƭu, too den ɗik fop kaa maak’atu.

YEGIL MBAAX NE YEESU ne Lik a bindtuuna 1:7 Referans Kwoze

Hebre 11:11

O ngim o mat tax’u Saara a refat yaay, ke ta faaf’ina fa ndim fop oo. Kaa koy, a woor’aan ee xan Roog a fadin a tegit um.

1 Sami’el 1:2

Elkana a jeg’a rew ɗik, o leng oxe Xaan a ne’’e, o lakas oxe a ne’el Peninaa. Peninaa a jeg’a xa ƥiy, ndaa Xaan o mat, jeg’ee o ƥiy o leng.

Mberaand 18:11

Abraham fa Saara koy kaa nogoy’u lool, ten taxu Saara yaakaar’atee o jeg o ƥiy.

Mberaand 25:21

Isaak a xeɗooxana o teem me no Yaal oxe yaam ne ta reeƭna o timar. O Yaal oxe a jaɓa a qeƭ um, soo Rebeka a rok o fud.

2 Maad we 4:14

Maaga, Eliise a laamta yee: «Xar i mbi’ankan boog?» Gehasi a doonaan ee: «Me ndax jegee o ƥiy, too o kor um a nogoya.»

Mberaand 17:17

Abraham a gunga a lanq, a jal, soo a lay taa no yiif um ee: «Mam o ƥiy a reefkaa o cegu xa kiid teemeed? Mee ndax Saara fa xoox um, oxe na xa kiid qarɓeen ɓetuu nahik! Ndax xan a ñootat?»

O leetar ole Pool a bindna GIMU WE NGENNA ROM 4:19

Abraham mosee o neew o ngim muk, ye ta ga’na yee cer um, fa nqon rek a yoqɗatu, yaam ne ta jeg’ina farna fo xa kiid teemeed, too Saara fee o teem a faafat fa ndim, yaam ten itam oo a mat’a fa nqon.

1 Maad we 1:1

O maad Dawid kaa nogoy’atu lool. A hul’ange sax, taxoogee ta waag o sumnoox.

Mberaand 30:1

Ye Rakel a ga’na yee rimee fa Yakoob, a dalfooxa o naalaa a Leya fee o maag um, soo a lay a Yakoob ee: «Kaa o rimkaa fa mi mbaat um xon!»

YEGIL MBAAX NE YEESU ne Lik a bindtuuna 1:5

Na jamaane Herood fee o maad Yudee, a jeg’a o saasadax oxaa ne’eena Sakari a fog na qaaj ale Abiya. O teem Elisabet no kurcala le Aaroon fee o saasadax oxe, a fog’u.

YEGIL MBAAX NE YEESU ne Lik a bindtuuna 1:6

Den ɗik fop a njof’a mbaambir Roog, a ndeefaa kebil ke fo bargal ke no Yaal oxe ne waritna.

YEGIL MBAAX NE YEESU ne Lik a bindtuuna 1:8

Maaga, waxtu fee Sakari a war’ina o fadnik o far um mbaambir Roog a fadiida, yaam a qaaj ale ten yoqit’e.