YEGIL MBAAX NE YEESU ne Lik a bindtuuna 1:68 - NQAARIIT NE ROOG

⁶⁸ «O Yaal oxe Roog fee Isra’el a hela o simatel, no ke ta fudooxiidna, a watiid xeet um.

YEGIL MBAAX NE YEESU ne Lik a bindtuuna 1:68 Referans Kwoze

A kim a tedu ke 106:48

O Yaal oxe Roog fee Isra’el a hela gidmel bo na moos boo moos, too fat xeet fee fop a lay ee: «Amiini! Haleluyaa!»

YEGIL MBAAX NE YEESU ne Lik a bindtuuna 7:16

Wiin waa fop kaa ndiid’u no kaaga xew’ina, a simataa a Roog. Wene kaa layoogu yee: «O tuleer o maak a feeña a ndeer in», lakas we a ndamtin na «Roog a fudooxiida, ndax ta wat xeet um.»

A kim a tedu ke 41:13

Damtaxamo, yaam ne ñakuuma ƥanjel, soo dalnaam mbaambir of boo kili.

A kim a tedu ke 111:9

A watiida xeet um, a dalin ngiɓoor um boo faw. Gon um kaa ted soo a saɗarnoox.

A sutax ale 4:31

Maaga, a ngima. Ye Ii-isra’el we a andna yee o Yaal oxe a ɗeetiida a den, a ga coono den, a ngooknooxa soo a ngung a lanq.

1 Maad we 1:48

a lay ee: ‹O Yaal oxe Roog fee Isra’el a hela o simatel, ten fee ci’axama oxaa moofna no uum-maamaad le mi boo um ga’in.› »

Efees 1:3

Yaasam Roog Faap fee no Yaal in Yeesu Kiristaa a simatel! A barke’a a in, in we mbogna fa Kiristaa, ye ta ci’na a in barke-yiif fuu refna na asamaan.

YEGIL MBAAX NE YEESU ne Lik a bindtuuna 2:38

Yaa ta fadiidna ten itam na waxtu faaga, a simatooga a Roog, too a layaa kaa farna na Yeesu paam wiin we cungoogna a bat ale Yeerusaleem.

1 Piyeer 1:3

Yaasam Roog Faap fee no Yaal in Yeesu Kiristaa a simatel! Na yirmande um fa maak, a rimnooratina a in na pexey a qontax ale Yeesu Kiristaa a ndeer no xon we. Yaam o rimel o xas oleene, i njega yaakaar ñoowu

Efees 1:7

Yaam na pexey fo’oy le Kiristaa i mbate no paaxeer, soo tooñ ke in a mbaasanel. Neene boog, Roog a lala a in o yaajel ole na yirmande um

1 Caloori ke 29:20

Cinj kaaga, Dawid a laya mbokatax naa fop ee: «Ngidimyo o Yaal oxe Roog nuun!» Mbokatax naa fop boog a ngidma o Yaal oxe Roog fee no daan den. A ngooknooxa soo a ngung mbaambir no Yaal oxe fo mbaambir o maad oxe.

1 Caloori ke 29:10

Dawid a simata o Yaal oxe mbaambir mbokatax ne fop a lay ee: «O Yaal oxe Roog fee no taan in Isra’el a hela o simateel bo na moos boo moos.

Mberaand 14:20

Tedaanga a hela Roog fee Took-ee-took! Ten fee ɓoxotna fañ we wo na xa ƥay of.» Maaga, Abram a cooxaan a seek xarɓaxayandeer ale no ke ta jegna fop.

Mberaand 9:26

A layahina yee: «O Yaal oxe Roog fee Seem a hela o simatel. Yaasam Kanaan a ref o paɗ Seem!

YEGIL MBAAX NE YEESU ne Lik a bindtuuna 19:44

Xan a ngefong tuƈ, a saŋik we ngenna me wo, too nqaƴkee na wo muul leng took gend um, yaam andiro waxtu fee xalatooxiidee’oona.»

Mberaand 24:27

a lay ee: «O Yaal oxe Roog fee no yaal mbind es Abraham a hela o simatel, ten fee xañeerna o yaal mbind es o paaxel um fo ngor um. Mi fa xoox es sax o Yaal oxe a ɗoxiidaxam boo no mbind ne no fog we no yaal mbind es!»

1 Sami’el 25:32

Dawid a doona a Abigayil ee: «O Yaal oxe Roog fee Isra’el a hela o simatel, ten fee luliidoonga na waxtu fene o xetiid fa mi!

1 Maad we 8:15

Cinj kaaga, a laya yee: «O Yaal oxe Roog fee Isra’el a hela o simatel, yaam ten fadnitu katil um ke ta layoodna a faap es Dawid ee:

A kim a tedu ke 130:8

Ten o mat na watkaa a Isra’el no tooñ um fop.

YEGIL MBAAX NE YEESU ne Lik a bindtuuna 1:71

A yegnita o Muumucil oxaa na watkaa a in no fañ we in fo na xa ƥay no we sibna a in fop.

YEGIL MBAAX NE YEESU ne Lik a bindtuuna 24:21

Kaa i yaakaaroogu yee o ten na watkaa a Isra’el, ndaa ga’aano, ye keene fop a helko fo fadaa, xaye refu ñaal ndadkandeer ne yaa kaaga a xewna a gar fa xaye.

Hebre 9:12

Ye Kiristaa a rokna no mbiñ onqaa moƴna o ted jaf leng kut, ɓislooxee fo’oy suk fambe mbaat fo’oy o xeel, ndaa fo’oy um sax sax a ɓislooxu, too a wata a in boo faw.