YEGIL MBAAX NE YEESU ne Lik a bindtuuna 1:6 - NQAARIIT NE ROOG

⁶ Den ɗik fop a njof’a mbaambir Roog, a ndeefaa kebil ke fo bargal ke no Yaal oxe ne waritna.

YEGIL MBAAX NE YEESU ne Lik a bindtuuna 1:6 Referans Kwoze

Mberaand 7:1

O Yaal oxe a laya a Nowe yee: «Roki na kaal ale, wo fo ƥasil of fop yaam ga’aam ee kaa o jof mbaambir es a ndeer suk neeke.

Mberaand 17:1

Ye Abram a jegna xa kiid qarɓeen ɓetuu nahik fo xa kiid ɓetaa nahaq, o Yaal oxe a feeñooxaan, a layin ee: «Mi refu Roog o Cegu katil oxe. Ñaaƴti o cofel mbaambir es boog!

Filip 2:15

ndax nu ñak sik, nqool, ndef xa ƥiy Roog xa cegee ƥanjel a ndeer no wiin yaqooxu waa ngalafna. Ndeer no weene, kaa o ñoow nuun a meleƈaa nen xa qoor axe na asamaan,

A pi ake 24:16

Ten taxu mi itam oo, um jeemaa kili o jeg yiif dalu laa jegeerna ƥanjel mbaambir Roog fo mbaambir no wiin we.

1 Maad we 9:4

Wo o mat, boo damooxoona na mi ne faap of Dawid a damooxit’ina na mi fo xeeñ letu fo na ƭat, ndax o fi fop ke hebloonga, gay bargal es fo ke simtuuma,

1 Tesalonik 3:13

Yaasam ta saƭkand a qeeñ nuun kam o tedel o jegee ŋañel leng paam Roog Faap in, boo yaa o Yaal in Yeesu a garkaa, a yoon fo tedu we ten fop.

Ke bindeena no xe ne’eena YOB 1:1

Kam saax laa Uus, a jeg’a o koor o ne’e Yob. O koor oxeene kaa woor’u too a jof. Kaa saɗar’u a Roog soo a wootooxaa paaxeer.

1Saŋ 2:3

I ngayangaa kebil ke ten, maaga i anditkaa yee i anda o Yaal oxe.

2 Piyeer 3:14

Nuun we fexuuma, ten taxu, ne nu cungaa bes feene, ngoorgoorlooxyo ndax nu nqool, ñak sik mbaambir Roog, ndef na jam fo ten.

Ke bindeena no xe ne’eena YOB 1:8

O Yaal oxe a laya a Saytaane yee: «Ndax ga’aa a Yob fee o tag es? Jegee oxaa nandna fo ten no lanq ke. Kaa ref o kiin o booru too a jof, a saɗar a Roog too a wootooxaa paaxeer.»

1Saŋ 3:7

Xa teɓandoong es, ba o leng a nax a nuun. Oxuu genna no fi’aa cofu, a jofa ne ta jofitna, ten fa xoox um.

1Saŋ 2:29

Yaam ne nu andna yee Roog a jofa, andyo itam ee oxuu na fi’aa ke jofna, o ƥeem a refu.

Kolos 1:22

Ndiiki koy, Roog a jofooranda a nuun fa xoox um na pexey fa nqon Kiristaa no cer um, ndax ta geenin a nuun mbaambir um, nu ted, nqool, ñak ŋañel.

2 Korint 1:12

Kañoor in refu ke yiif in a seede’aa. A pesoorooƭ in kam adna fee, moƴtaa sax a ndeer nuun, kaa reeƭu no tedel fo no ngor naa hatna na Roog na pexey yirmande um fop, refee muk no and no kiin.

1 Korint 11:2

A jega koy kaa gidmituuma a nuun boo paam Roog, ta ref ee nu mosiraam o mbeec na dara, ndeefaa ke jangnuuma a nuun a paax.

A pi ake 23:1

Pool a naaga jak a kid waa mbog’ina no Mal maak naa, too a lay a den ee: «Fog we, fo yiif dalu ñaaƴtum mbaambir no Yaal oxe boo na bes fee xaye.»

A kim a tedu ke 119:6

Yaaga sedkiim, yaa haanuuma no kebil ke wo fop.

Ke bindeena no xe ne’eena YOB 9:2

Andaam a paax ee neene a jegtu, ndaa nam o kiin a ɓuritkaa a Roog?

2 Maad we 20:3

«Ey, o Yaal oxe, wetandooxi yee ñaaƴaam mbaambir of fo ngor fo kam fa letu, too ke feloonga rek fi’oogum.» Cinj kaaga, xa kooniit um a yuura, ta naag ɓusiid a lool.

Mberaand 6:9

Keeke refu a kon ake na xa taan axe Nowe. Nowe kaa reeƭu o kiin o cofu o cegee ŋañel na jamaane um, too a ñaaƴooga fa Roog.

YEGIL MBAAX NE YEESU ne Lik a bindtuuna 16:15

Yeesu a laya a den ee: «Kaa nu mbi’ooxaa wiin jofu mbaambir no wiin we, ndaa Roog a anda ke refna kam a qeeñ nuun. Ke wiin we a ƭeetaa nen tig maak, Roog a sibu.

A cangatin ale 5:33

Fat nu ndeef deŋ a ƭat ale o Yaal oxe Roog nuun a fiisanna a nuun, ndax nu ñoow, ƭaay soo nquuɗ kam saax le nu njegkaa.»

1 Maad we 15:5

yaam Dawid kaa fi’oogu ke jofna na kid no Yaal oxe too mosee o ɗap ke ta heblooguuna no ñoow o ñis um fop, bo ta yoqaa no kaa farna na Uriya, o Heeheet oxe.

YEGIL MBAAX NE YEESU ne Lik a bindtuuna 1:7

Kaa koy, njeg’ee xa ƥiy, yaam Elisabet o tew o timar a reeƭu, too den ɗik fop kaa maak’atu.

YEGIL MBAAX NE YEESU ne Lik a bindtuuna 2:25

A jeg’a Yeerusaleem o koor o ne’e Simewon. O kiin oxaaga a jof’a, too a saɗar’a a Roog. A cungooga Isra’el a yaalel. Yiif Tedu le a reeƭa fo ten,

A pi ake 2:25

Dawid sax a lay’a kaa farna no ten ee: ‹Kaam jasnooraa fo Yaal oxe kili, too oxey no saax es o ñamaak, yaam ndik um tolof.

A pi ake 8:21

Jegiro a las mbaat cer no keene, yaam xeeñ of kaa jofaƭar mbaambir Roog.

O leetar ole Pool a bindna GIMU WE NGENNA ROM 8:4

Kaa Roog a fadin keene, ndax o cofel ole kebil ke a simitna a fadnoox na in, in we naangateerna o ñoowaa no ke cer ke in a mbugna, ndaa no ke Yiif le Roog a bugna.

2 Caloori ke 17:4

Kaa waaƭ o bug ole Roog fee no taan um kañ, a reef kebil ke ten, ta guutatir fo ke Ii-isra’el we a mbi’oogna.