YEGIL MBAAX NE YEESU ne Lik a bindtuuna 1:58 - NQAARIIT NE ROOG

⁵⁸ Gentand we fo fog we a yega yee o Yaal oxe a yirmaan, too a mbelakinooxa fo ten.

YEGIL MBAAX NE YEESU ne Lik a bindtuuna 1:58 Referans Kwoze

O leetar ole Pool a bindna GIMU WE NGENNA ROM 12:15

Mbelakinooxyo fo we njegna o ɗaay, loolandoor fo we na loolaa.

YEGIL MBAAX NE YEESU ne Lik a bindtuuna 1:25

«Keene o Yaal oxe fi’un na mi! A naaga jak a kid um took es, ndax ta watin gaci es a ndeer no wiin we.»

YEGIL MBAAX NE YEESU ne Lik a bindtuuna 1:14

Xan a ref na wo o ɗaay fo o mbelakinax. Xan mayu a mbelakinoox no rimel um,

1 Korint 12:26

Boo leng teen a ɗomeel, fop na ƭomeel nen o ten, too boo leng teen a tedlandeena, yoq we fop na sawaraa nen o ten.

A kim a tedu ke 113:9

Kaa ci’aa o tew o timar oxe ƥasil, a fi’in yaay fa ƭaayu ndeer xa ƥeem. Haleluyaa!

Mberaand 21:6

Maaga, Saara a laya yee: «Ey! Roog a fi’anaxam kaa um muuƴooraa, too oxuu yeguuna xan a jalaxam.»

Mberaand 19:19

Feek mi fee o tag of daawaam yirmande of, o lalaam o paaxel of boo mucil o ñis es, waagiim o ƴuf boo daawik xa coong axaa too taamaala fee daawiraam, too yaaga xam xon.

YEGIL MBAAX NE YEESU ne Lik a bindtuuna 1:57

Waxtu fee Elisabet a war’ina o ñoot a fadiida, too a ñoota o ƥiy o ngoor.

YEGIL MBAAX NE YEESU ne Lik a bindtuuna 14:12

Yeesu a laya itam oxaa xoy’uuna yee: «Boo o xoytataa a put mbaat a cu’ax, ba o xoy qaariit of mbaat fog of mbaat we fogtoona mbind mbaat we njegna kalal, yaam ndik da nqurong wo itam, a ndabdong leng kut ke.

Xa peƭit axe 23:25

Yaasam faap of fa ya of a mbelakinoox, oxe ñootoonga a sawar!