YEGIL MBAAX NE YEESU ne Lik a bindtuuna 1:55 - NQAARIIT NE ROOG

⁵⁵ ne ta layit’uuna daan we in, ta ref Abraham fo xa taan um boo kili.»

YEGIL MBAAX NE YEESU ne Lik a bindtuuna 1:55 Referans Kwoze

Mberaand 17:19

Roog a doonaan ee: «Ha’aa! Xan Saara fee o teef a rimanong o ƥiy o ngoor too fat o ne’in Isaak. Xam dam ngiɓoor es fo ten, damin itam ndeer es fo xaa faqaqoorna no ten. Xan a ref ngiɓoor naa na refkaa boo faw ndeer es fo xa taan um.

Mberaand 26:4

Xam mayƭand xa taan of, da mayit nen xa qoor axe na asamaan. Cooxe kene fop, xam ci’in xa taan of, too qeet ke no lanq ke fop na xa taan of a mbarke’itkeel,

Mberaand 22:18

Qeet ke no lanq ke fop no xaa faqaqoorna na wo a mbarke’itkeel, yaam kaa o nananaam.»

Mberaand 12:3

We na salankang paax, xam barke a den, ndaa oxuu salooxoonga, xam salooxin. Qeet ke na adna fee fop na wo a mbarke’itkeel.»

Mberaand 28:14

Xa taan of xan a mayit nen pep lanq. Xan a ndal no ke xotitna no batand boo no mudand, fo no ke xotitna no ɓemb-roog o janoon boo no ɓemb-roog o ñamaak. Qeet ke no lanq ke fop no xaa faqaqoorna na wo a mbarke’itkeel.

Mberaand 17:7

Xam dam ngiɓoor ne a ndeer es fa wo, damin a ndeer es fo xa taan of axe na ndeefankang, reefandin no suk den. Xan a ref ngiɓoor naa na refkaa boo faw, naa um refkaa Roog of fo Roog na xa taan of.

YEGIL MBAAX NE YEESU ne Lik a bindtuuna 1:54

A ƴufga a Isra’el fee o paɗ um, a wetandoox yirmande fee ta regna a den,

YEGIL MBAAX NE YEESU ne Lik a bindtuuna 1:56

Mari a moofa fa Elisabet boo a qool a tadak, soo a nomtoox no mbind um.