YEGIL MBAAX NE YEESU ne Lik a bindtuuna 1:54 - NQAARIIT NE ROOG

⁵⁴ A ƴufga a Isra’el fee o paɗ um, a wetandoox yirmande fee ta regna a den,

YEGIL MBAAX NE YEESU ne Lik a bindtuuna 1:54 Referans Kwoze

A kim a tedu ke 98:3

A wetandooxa o mbeq um fo ngor um no mbind Isra’el. Cat ke no lanq ke fop a nga’a a muc ale hatna na Roog in.

Mise 7:20

Xan o lal xa taan axe Yakoob ngor of, feeñil we mbaqaqoorna na Abraham o mbeq of, ne daaɓoortanoona fo daan in no camaane kaa yaaga.

Esayi 44:21

«Wo Yakoob, wetandooxi a paax kene, wo Isra’el fee o tag es, ba o weec ee kaam sakong, ndax o jalanaxam. Wo Isra’el, weeciroong muk.

Yeremi 31:20

O Yaal oxe kaa tee: «Ndax Efrayim kaa refee o ƥees onqe fexuuma fex, o njaaƈ onqe na ɗaaynooraxam? Nuu um maaltan, kupun moƴanum o wetandooxaa. Ten taxu kam es a dala no ten, um yirmin tigi.»

Yeremi 31:3

O Yaal oxe a feeñoortaxam koƭu, a lay ee: «Naa moofum kaam fexong, ten taxu um geekanong o mbeq es.

A kim a tedu ke 46:5

O xuluɓ ole fo a ƈufnand um kaa ƭaayandaa teeru fee Roog, kenand tedu ke no xe Took-ee-took.

YEGIL MBAAX NE YEESU ne Lik a bindtuuna 1:53

A ci’a we nqeexeena da ñaam boo a ngiñ, soo a rax yaal kalal ke o ƥor.

YEGIL MBAAX NE YEESU ne Lik a bindtuuna 1:55

ne ta layit’uuna daan we in, ta ref Abraham fo xa taan um boo kili.»