YEGIL MBAAX NE YEESU ne Lik a bindtuuna 1:51 - NQAARIIT NE ROOG

⁵¹ A fi’a a pi katil fo a naax um, a pasar we magnandooxna na qeeñ den.

YEGIL MBAAX NE YEESU ne Lik a bindtuuna 1:51 Referans Kwoze

A kim a tedu ke 98:1

A kim a tedu yoo. Ngimanyo o Yaal oxe a kim a qas, yaam a fi’a comlaand. A maafta a ñamaak um, o ɓay um o tedu le.

Esayi 52:10

O Yaal oxe kaa lalaa qeet ke fop o ɓay o tedu le ten, too a muc ale Roog in xan a feeñ boo no cat adna.

Esayi 51:9

Yokooxi, a ñamaak ale no Yaal oxe! Ñofi yokoox! Rokooxi katil! Yokooxi nen a pe ake yaaga, no camaane ke mbaafna. Ndax refee yee wo maafu a Rahab junjang, wo dib’u a Niŋki-naŋka boo ta suur?

O leetar ole Pool a bindna GIMU WE NGENNA ROM 1:21

yaam kaa da and a Roog boo a ƈut, soo a mbañin o ƥoxot o ndam nen a Roog, ne’katiim koy da ngidman. Kaa kuuc, a mo mir kam a qalaat den, soo a qeeñ den ake mbofeerna o and o leng, a ndiim kam o niɓaan.

Esayi 63:12

Na ñamaak Moyiis, o Yaal oxe a letna o ɓay o jegu katil ole ten, a xaaj poofi mbaambir den, ndax ta jeg o ndam o ñufkeer.

Esayi 40:10

O Yaal oxe na refkaa boo faw oxey a garaa, a yoon fa katil, too xan o ɓay um a maadoox. Xan a yoontiid tabid um, soo ke ta jalna a adooxanin.

A kim a tedu ke 118:15

Xa buuq o ɗaay fo a muc a njibta no ƭiif ke no jofu we: «A ñamaak no Yaal oxe kaa fi’aa a pi katil.

A kim a tedu ke 89:10

Wo na harnaa a ciqtax ale no maag ole, riimnaa a yag-ee-yag ake ten na ndititaa.

Mberaand 6:5

O Yaal oxe a ga’a yee coxod ne no wiin we a magna lool took lanq ke, too ñaal nuu refna a qalaat den paaxeer rek a yuuɓaa na qeeñ den.

Mbeeñil 18:8

Ten taxu, no ñaal leng kut taamaala ke ta geekaneena a ndalkan. Den ndefu jir waawar fo ñaawax fo biim. A koom xan a saŋkitel fiɗel. Yaam o Yaal oxe Roog fee hate’uuna a maya katil.»

1 Piyeer 5:5

Neene itam, nuun mbes ke, nananyo maak we. Saqyo nuun fop a neewandax, ta ref nen pay nguloor nuun, yaam «Roog kaa fañaa we na magnandooxaa, a yirmaa we neewandooxna».

2 Korint 10:5

nduguñaa a magnandax aluu na yaqanaa o and a Roog, soo tañ-tañnaa a qalaat akuu ndefna ndax da nanan a Kiristaa.

A kim a tedu ke 89:13

Wo saku o ɓemb-roog o janoon fo o ɓemb-roog o ñamaak, o joong ole Taboor fo ole Hermon a ƈeelanaa gon of.

A kim a tedu ke 63:5

Xam gidmang no ñoow o ñis es fop, yoɗaa xa ƥay es farna fa wo.

A kim a tedu ke 52:9

«Nga’yo o koor oxene fi’eerna a Roog ndaɗand um, ndax a hooloox halal um soom soo a fakooraa yuuƥ paaxeer um!»

A kim a tedu ke 33:10

O Yaal oxe kaa nootaa yuuƥ ke no qeet ke, a finqaa ke a saax ake a ƭaapna.

A cangatin ale 4:34

Ndax a jega a roog fa lakas faa mosna o jeem o suqit a xeet fa leng a ndeer xeet fa lakas, ne o Yaal oxe Roog nuun a fi’antuuna a nuun? Nu nga’ooda ne o Yaal oxe a sutitna a nuun Misira fo o ɓay um o jegu doole fo a naax um ale letnooxna na pexey a pi a saɗarnooxu kene: ƭeetlax fo xa anddiloor fo comlaand fa xire.

A sutax ale 18:11

Ndiiki koy, andataam ee o Yaal oxe moƴu magin roog ke fop, yaam o ɓay um a dala took Miimisira we ye da toroxandaa Ii-isra’el we.»

Mberaand 8:21

O Yaal oxe a yega tuñ pelu soo a lay no xeeñ um ee: «Salooxkatiim lanq ke muk yaam o kiin, ke xeeñ um a yuuɓaa paaxeer fop oo no ke xotitna no ndeƥandoong um, too saŋikkatiim ke na ñoowaa fop ne fi’it’anuuma.

Mberaand 11:8

O Yaal oxe a pasara a den maa goƭna maaga kam adna fee fop. Maaga, maq ne na teeru faa a dayu.

Yeremi 49:15

Keeke o Yaal oxe a layu a Edoom: «Ga’angi, neewandaaxoong a ndeer qeet ke, fi o sibel a ndeer no wiin we.