YEGIL MBAAX NE YEESU ne Lik a bindtuuna 1:49 - NQAARIIT NE ROOG

⁴⁹ O Cegu katil oxe a fi’anaxam tig maak. Gon um kaa ted.

YEGIL MBAAX NE YEESU ne Lik a bindtuuna 1:49 Referans Kwoze

A kim a tedu ke 111:9

A watiida xeet um, a dalin ngiɓoor um boo faw. Gon um kaa ted soo a saɗarnoox.

A kim a tedu ke 99:3

Fat da tagas gon of magnu le too a saɗarnoox. Kaa ta ted.

Yeremi 10:6

O Yaal oxe, dara nandee fa wo. Kaa o magin, too gon of kaa magin, a may katil.

Efees 3:20

Na pexey katil ne na jalaa na in, Roog a jega sañ-sañ faa ta fi’taa kili kupu ke i nqeɗaa mbaat i nqalaatan sax.

Mberaand 17:1

Ye Abram a jegna xa kiid qarɓeen ɓetuu nahik fo xa kiid ɓetaa nahaq, o Yaal oxe a feeñooxaan, a layin ee: «Mi refu Roog o Cegu katil oxe. Ñaaƴti o cofel mbaambir es boog!

Esayi 57:15

Keeke oxe hupna fop, ngenand um a ref boo faw, too gon um a ref o Tedu xe, a layu: «Kaam gen took-ee-took fo no tedel, ndaa kaam gen itam fo we ngooyna too a njeg yiif neewandooxu, ndax um ñoowdand we neewandooxna soo ɗaaynoor we ngooyna.

Mbeeñil 15:4

O Yaal oxe, an saɗarkeerong boog? Ndi an na fañkang o ɓoxot o ndam? Wo soom tedu. Qeet ke fop xan a mbaɗooxiidong, yaam a pi a cofu ke wo a mbeeñle a qool qac.»

A kim a tedu ke 99:9

Tagasyo o Yaal oxe Roog in, ngung farna fo joong o tedu le ten, yaam o Yaal oxe Roog in kaa ted.

1 Sami’el 2:2

O leng fodee fo o Yaal oxe o tedel. Ten doŋ refu ndaɗand in, too fa lakas jegee a refangee ten.

A sutax ale 15:11

O Yaal oxe, an nandu fa wo ndeer roog ke! Kaam ee an fodu fa wo o tedel, wo fee saɗarnooxna, jarel o tagas, fi’aa comlaand!

Esayi 6:3

Kaa mbalalooroogu yee: «O Yaal oxe Hupna fop kaa ted! Kaa ted! Kaa ted! Lanq ke fop kaa may fo o ndam um.»

Yeremi 20:11

Kaa koy, o Yaal oxe xey fa mi nen a salma-koor a cegu doole. Ten taxu we na ñagadilaxam xan a tolof too mbaagankiraam o sep. Xan a sed ɓot, yaam ne da njegeerna ne da mbugna, a ngaci boo faw, too o leng weeckiran.

Mbeeñil 4:8

Pindel nahik keene fop koy, oxuu refna na den a nafir ɓetaa fo leng a sax’u. Muu refna na nafir akeene kaa sax’u a kid, took fee fo yoora fee. Ñaal fo o yeng mbindel nuu refna kaa gimoogu yee: «O Yaal oxe Roog o Cegu katil oxe reeƭna fo xe na maadaa fo xe na garaa, kaa ted! Kaa ted! Kaa ted!»

Mark 5:13

A ci’aan a den. Naaga, cini kaa a sutooxa no koor oxaa, a ndok kam a tuul akaa. O siir olaa a dalfooxa o eetatir a pudnand alaa, kam o maag olaa. A jeg’a ngap a tuul cuni ƭik, too fop a meka kam o maag olaa.

Esayi 1:24

Ten taxu o Yaal oxe na refkaa boo faw Hupna fop, a ref o Cegu doole xe Isra’el, kaa tee: «Xan fuux es a jeg ne ta bugna no noon we mi, too xam rabdinoox no fañ we mi.

A kim a tedu ke 24:8

An refu o maad o cegu ndam oxeene? Ten refu o Yaal oxe jegna doole fa katil, a ref a salma-koor na xire.

Esayi 63:1

Ndi an oo o ñaañaaƴ oxeene na inoortiidaa Edoom, a sutoortiidaa Bosra refna teeru fa maak fee, toki ke a yaxig coy? Kaa rokoox sabadoor um, a ñaaƴaa o cok um took soo a hooloox doole um. «Mi fee na layaa cofu yoo soo jeg sañ-sañ o mucil.»

YEGIL MBAAX NE YEESU ne Lik a bindtuuna 1:48

Kaa doon a kid um took es, mi fee o paɗ um o neewu. No ke xotitna ndiiki xan wiin we no camaane ke fop a nqoyaxam o ƭaayu xe.

YEGIL MBAAX NE YEESU ne Lik a bindtuuna 1:50

Xan a yirim we saɗaruuna na xa taan boo na xa tanaraat.