YEGIL MBAAX NE YEESU ne Lik a bindtuuna 1:48 - NQAARIIT NE ROOG

⁴⁸ Kaa doon a kid um took es, mi fee o paɗ um o neewu. No ke xotitna ndiiki xan wiin we no camaane ke fop a nqoyaxam o ƭaayu xe.

YEGIL MBAAX NE YEESU ne Lik a bindtuuna 1:48 Referans Kwoze

A kim a tedu ke 138:6

O Yaal oxe xaay took-ee-took, ndaa yaqanee ta ga’aa oxe xeefeena soo a andditaa koƭu oxe magnandooxna.

Malaki 3:12

A saax a can ake fop xan a layaa yee nu ƭaaya, yaam saax nuun xan a fel o genel. Keene o Yaal oxe Hupna fop a layu.

1 Sami’el 1:11

A regta too a lay ee: «O Yaal oxe, wo fee Hupna fop, a soƥangaa yee a kid of a ndoonooxa took es, mi fee naqadilooxna, ƴufgaam. O weecangiraam, mi fee o ceefeer of, ci’aam o ƥiy o ngoor, yaaga xam kesanong o ten no ñoow o ñis um fop, too ruusooxkee boo muk.»

YEGIL MBAAX NE YEESU ne Lik a bindtuuna 11:27

Ye Yeesu a maadna o layaa, o tew a laya a maak ndeer no wiin waa yee: «Oxe rimoonga, a numnong a ɗaaya!»

A kim a tedu ke 136:23

ten oxe wetandooxna a in kam o xeefel in, yaam o mbeq um xan a maadaa boo faw,

YEGIL MBAAX NE YEESU ne Lik a bindtuuna 1:42

too a laya a maak ee: «Roog a barke’aang ndeer no rew we fop, too o ƥiy onqe no fud of a barke’e itam.

YEGIL MBAAX NE YEESU ne Lik a bindtuuna 1:28

Malaaka fee a roka na ndok um, a lay a Mari yee: «Mexe simnang, wo fee daawna yirmande. O Yaal oxe xe fa wo.»

Esayi 66:2

Keene fop o ɓay es fi’un, too neene a sakoortu. Kaa koy, ke haalaxama refu o toroxu xe gooyna, a nan-gilooxaa fa lay es fo diid soo a sendaa.

2 Sami’el 7:8

Ndiiki koy, fat o layanaam a Dawid fee o tag es ee: ‹O Yaal oxe Hupna fop kaa tee: Mi o mat xottong no ged laa no paal ke gayoogoona, ndax um fi’ong o ƭooɗox Isra’el fee xeet es.

1 Sami’el 2:8

Ten na inaa o toroxu xe yenna a lanq, o ndool onqe deɓeena na siind, ta yoɗatinin, ndax ta moofin a den paam kelfa ke soo a ci a den da lam uum le no ndam onqe. O Yaal oxe jegu a toodook ake njaƭna lanq ke, too took den a diƈu adna fee.

Mberaand 30:13

Leya a laya yee: «Ɗaayaam, yaam xan roog we a layaxam ee o ƭaayu xe.» A ne’a o ƥiy o ngoor onqaaga Aseer.

A kim a tedu ke 102:17

yaam o Yaal oxe xan a maxatin a Siyoŋ, soo a feeñoox no ndam um.

A kim a tedu ke 72:17

Gon um ñufkee boo muk, too ten adooxu meen njeeƈ ne. Xan wiin we a mbarke’teel gon um, a saax ake fop a ƭaayit no ten.

YEGIL MBAAX NE YEESU ne Lik a bindtuuna 1:45

Oxe gimna yee ke layeena no gon no Yaal oxe xan a fadnoox a ɗaaya.»

YEGIL MBAAX NE YEESU ne Lik a bindtuuna 1:49

O Cegu katil oxe a fi’anaxam tig maak. Gon um kaa ted.