YEGIL MBAAX NE YEESU ne Lik a bindtuuna 1:33 - NQAARIIT NE ROOG

³³ Xan a maadoox a ndeer xa taan Yakoob bo na moos boo moos, too maat um jegkee muukandoong.»

YEGIL MBAAX NE YEESU ne Lik a bindtuuna 1:33 Referans Kwoze

Dañel 2:44

No camaane ke no maad weene, Roog fee na asamaan xan a dalin maat naa gefkaandeena boo muk, too ɓoxotkaand na xa ƥay no qeet lakas ke. Maat neene xan a duguñ maat keene fop, too xan a ref bo na moos boo moos,

Hebre 1:8

Kaa koy, no ke jofna no Ƥeenqe, Roog a laya a qoolu yee: «Gamb no maad le wo de Roog, xan a ref boo faw. O cofel rek o maadooritkaa maat ne wo.

Dañel 7:27

Maat ne fo ngelfa ne fo o magnel ole no maat ke fop ndefna took lanq ke xan a ƥoxotel xeet fee no tedu we no xe Took-ee-took. Maat um jegkee muukandoong, too yaal toole ke na adna fee fop xan a ndagooxin too a nananin.›

2 Sami’el 7:16

O kurcala of fo maat of xan a maadaa kili mbaambir es, soo uum-maamaad le wo a saƭkandel boo faw.› »

Mbeeñil 11:15

Cinj kaaga, malaaka ɓetuu fa ƭikandeer faa a luuƥa, too a jega na asamaan xa ñuxur xa maak axaa layoogna yee: «Maat ne na adna fee a ɓoxote o Yaal in fo o Muumucil oxe ta regitna, too xan a maadoox bo na moos boo moos.»

Mace 28:18

Yeesu a matiida a den, a lay ee: «Ci’eem sañ-sañ fuu refna na asamaan fo na adna.

A kim a tedu ke 45:6

O maad oxe, a kas ake wo a mbeela, xan qeet ke a yen na caf of, fañ of a ndoomel na qeeñ.

Mise 4:7

No we na laƴaa, xam sutit na den yoqatin laa ñufkeerna, no we pasareena, um sutit na den xeet fa njegu doole, too xam maadooxan a den took o joong ole Siyoŋ, mi o Yaal oxe, no kaa xotitna a koom boo kili.

Dañel 7:18

Kaa koy, xan tedu we no xe Took-ee-took a ndaaw maat ne too xan a njegin boo faw, bo na moos boo moos.›

Galati 3:29

Kiristaa a jegangaa a nuun koy, xa taan Abraham nu ndefu, too yaaga xan nu lam ke Abraham a regeena.

O leetar ole Pool a bindna GIMU WE NGENNA ROM 9:6

Nof es ɗaaɗee o lay muk ee fa lay fee Roog kaa sañtooxaa, ha’aa! Kaa rek, fog na xeet fee Isra’el taxee fog na xeet fee Roog a jilna,

Galati 6:16

Yaasam jam fa yirmande a ngar took no wiin we na ndeefaa o ga’ooƭ oleene, took xeet fee Roog a watna.

Filip 3:3

We nqucooxna tigi ndefu in we na mbaɗoortaa a Roog Yiif le ten, in we a tagas in a refna na Kiristaa Yeesu, in weeke ndooneerna yaakaar in no cer.

Mace 1:1

Daan we Yeesu Kiristaa fee refna o ndaan Dawid fo o ndaan Abraham a mbinde no safe leeke. Daan weene ndefu:

Abjaas 1:21

Waawat weene xan a ŋaay took o joong ole Siyoŋ, a ngame took xa coong axe Esawu, too o Yaal oxe na refkaa o maad den.

2 Sami’el 7:13

Oxeene mat na maxankaxam Mbind, too xam saƭkand uum-maamaad um boo kili.

A kim a tedu ke 89:4

Wo layu yee: «Hiɓooraam fo xe jiluuma, daaɓoox fo o tag es Dawid ee:

Esayi 9:7

O Yaal oxe a lulta o ñuxur na Yakoob, fa lay um a yen na Isra’el.

Esayi 16:5

Kam mbind Dawid xan uum-maamaad le a saƭkandtel yirmande, too xan o kaahate xaa a ƭat rek a haalna, soo o cofel soom a felin, a moof teen fo ngor.»

Yeremi 23:5

O Yaal oxe kaa tee: «Nga’yo, ñaal key a ngaraa, kaa um sutitkaa no kurcala le Dawid dugatin jofu. Xan a maadoox fo o xool yiif, a ñaaƴnaa a ƭat fo o cofel kam saax le.

Dañel 4:34

Ndiiki koy, mi Nebukadnesaar, kaam simataa, tagasaa soo ɓoxotaa o ndam o Maad oxe na asamaan. Ke ta fi’aa fop kaa xot a ƭat, a pi um a njof, too a waaga neewand we na ñoowaa na magnandax.»

Dañel 6:26

Maaga, o maad Daryus a binda wiin we no qeet ke fop fo na saax ake fop fo no lak ke fop, ngenna na adna fee yee: «Yaasam Roog a ci a nuun jam!

YEGIL MBAAX NE YEESU ne Lik a bindtuuna 1:34

Maaga, Mari a laya malaaka fee yee: «Nam keene a waagu o jegit, too andiim adna?»