YEGIL MBAAX NE YEESU ne Lik a bindtuuna 1:30 - NQAARIIT NE ROOG

³⁰ Malaaka fee a dakooxaan o lay ee: «Ba o saɗar dara Mari, yaam Roog a ci’aang yirmande.

YEGIL MBAAX NE YEESU ne Lik a bindtuuna 1:30 Referans Kwoze

YEGIL MBAAX NE YEESU ne Lik a bindtuuna 1:13

Kaa koy, malaaka fee a layaan ee: «Ba o diid Sakari, yaam Roog a jaɓa a qeƭ of. Xan o teef Elisabet a ñoot o ƥiy o ngoor, too fat o ne’in Saŋ.

O leetar ole Pool a bindna GIMU WE NGENNA ROM 8:31

Xar i ƥaatkaa o lay no keene koy? Roog a refanangaa a in, an na waagankaa a in tig?

Mace 14:27

Ndak fo ndak, Yeesu a laya a den ee: «Saƭakinooxyo! Ba nu ndiid! Mi yoo!»

YEGIL MBAAX NE YEESU ne Lik a bindtuuna 12:32

«Ba nu mbit dara, o njiir onqe nu ndefna ndef! Yaam a fela a Faap nuun boo ta ci a nuun Maat um.

Esayi 41:10

ba o saɗar, yaam mexey fa wo. Ba o firiɓ, yaam mi refu Roog of. Kaam saƭkandang, ƴufgang soo damtang o ɓay o ñamaak es ole ɓonooxna o cofel.

Mace 28:5

Malaaka faa a laya rew we yee: «Nuun o mat, ba nu ndiid, yaam andaam ee Yeesu fee rengeena na kurwaa nu mbaaƭaa.

Esayi 44:2

Keeke o Yaal oxe sakoonga, a moolong no fud ya of too a dimle’ang, a layu: Ba o saɗar dara Yakoob, wo fee o tag es, wo Yesurun fee jiluuma,

Esayi 41:14

O Yaal oxe kaa tee: «Ba o saɗar dara, wo Yakoob fee na xalaataa yee refiro tus, wo yoqatin fooreer le Isra’el, yaam mi na ƴufgang, mi o Tedu xe Isra’el na watkang.

A pi ake 27:24

‹Pool, ba o saɗar! Xan o geenoox mbaambir Kesaar fee. Roog kam o paaxel um a ci’aang o ñoow, wo fo fop we yoontoona na kaal ale.›

Hebre 13:6

Ten taxu i mbaag o lay fo a koolax ee: «O Yaal oxe refu oxe na ƴufgiidaxam, saɗariim dara. Xar o kiin a waagankaxam?»

Mberaand 6:8

Kaa koy, Nowe a daawa yirmande fee no Yaal oxe.