YEGIL MBAAX NE YEESU ne Lik a bindtuuna 1:28 - NQAARIIT NE ROOG

²⁸ Malaaka fee a roka na ndok um, a lay a Mari yee: «Mexe simnang, wo fee daawna yirmande. O Yaal oxe xe fa wo.»

YEGIL MBAAX NE YEESU ne Lik a bindtuuna 1:28 Referans Kwoze

Dañel 10:19

Cinj kaaga, a layaxam ee: ‹O koor oxe Roog a fexna, ba o saɗar! Dara damkirang! Saƭakinooxi, jeg njambaar!› Ne ta layoogna fa mi, doole es a nomtooxiida, too layaam ee: ‹O yaal es, layi, yaam saƭakinaxamo.›

Haahate we 6:12

Malaaka fee no Yaal oxe a feeñooxaan, a layin ee: «A salma-koor a maak ale, o Yaal oxe xey fa wo!»

YEGIL MBAAX NE YEESU ne Lik a bindtuuna 1:30

Malaaka fee a dakooxaan o lay ee: «Ba o saɗar dara Mari, yaam Roog a ci’aang yirmande.

Efees 1:6

Yaaga boog, fat i simat a Roog yaam yirmande um fee ta ci’na a in no fud o letu no Ƥeem onqe ta fexna fex.

A pi ake 18:10

yaam mexey fa wo. O leng doonkee o ɓay took of, ndax ta fi’ong paaxeer. Jegaam wiin mayu kam teeru feeke.»

YEGIL MBAAX NE YEESU ne Lik a bindtuuna 1:42

too a laya a maak ee: «Roog a barke’aang ndeer no rew we fop, too o ƥiy onqe no fud of a barke’e itam.

Haahate we 5:24

Ya’el fee o tew Heber, o Keekeni xe, a hela barke’el a ndeer no rew we, a hela barke’el a ndeer no rew molaan we.

Mace 12:48

Kaa koy, Yeesu a doona oxaaga yee: «An refu ya es? Aniin ndefu xa teɓ es?»

Hoose 14:2

Wo Isra’el, nomtooxiidi me no Yaal oxe Roog of, yaam tooñ of a maafaang junjang.

Esayi 43:5

Ba o diid, yaam mexey fa wo. Xam nomtitiid xa taan of no batand, fokattiidong no mudand.

Ruut 2:4

Maaga, Bowaas a inoortiida Betleheem, a gar a simin saasaxad we ten ee: «Yaasam o Yaal oxe a ref fa nuun!» A ndoonaan ee: «Yaasam o Yaal oxe a barke’ong!»

YEGIL MBAAX NE YEESU ne Lik a bindtuuna 1:27

maa no toog no koor o ne’e Yoseef, too a fog no kurcala le Dawid. O toog oxe Mari a ne’’e.

YEGIL MBAAX NE YEESU ne Lik a bindtuuna 1:29

Mari a jomi’’a lool na fa lay faaga, too a misiirooga ke kaaga a tekit’ina.