YEGIL MBAAX NE YEESU ne Lik a bindtuuna 1:20 - NQAARIIT NE ROOG

²⁰ Ndiiki koy, xan o muum, too waagkatiro fa lay boo na bes faa keene a fadiidkaa, yaam gimiro fa lay es fee na fadnooxkaa na waxtu um.»

YEGIL MBAAX NE YEESU ne Lik a bindtuuna 1:20 Referans Kwoze

Heseki’el 3:26

Xam taƥin ɗelem of no faƭanq of, too xan o muumat boo waagkatiro o xasan a den, yaam xeet fa mbaafañ a ndefu.

Heseki’el 24:27

A koom, xan o don of a wetoox yaa oxe mucna a fadiidkaa too xan o lay, muumkatiro. Xan o ref na den o anddiloor, too xan da and ee mi refu o Yaal oxe.»

Mbeeñil 3:19

Mi o mat, kaam yaraa we fexuuma. Jaflaxi boog, too fes pakaad of a cinj.

Hebre 6:18

A jega boog a pi a ƭak akaa mbaagaandeena o supit, too na pi akeene Roog waagee o maaɓ teen muk. Neene, in we njegna ndaɗand no ten, kaa i saƭakineel tigi, ndax i pok ta xiis yaakaar ne i ndegeena.

YEGIL MBAAX NE YEESU ne Lik a bindtuuna 1:22

Ye ta sutooxiidna, waag’atee o lay fa den. Neene, wiin we a anda yee kaa feeñoox’el kam Mbind Roog ne. Kaa caxoogu a den, yaam ne ta muum’atna.

Tiit 1:2

a njeg yaakaar ne no ñoow o fagkeer ole regteena yaaga jamaane jegafulee. Roog fee naageerna o maaɓaa regtun.

2 Timote 2:13

I ngayangee ngor in, xan a gayan, yaam waagee o xañ a xoox um.

YEGIL MBAAX NE YEESU ne Lik a bindtuuna 1:45

Oxe gimna yee ke layeena no gon no Yaal oxe xan a fadnoox a ɗaaya.»

Mark 16:14

No palakaand ke, Yeesu a feeñooxa daalbe xarɓaxay fo o taalbe leng oxaa, yaa da ndeerna a ñaamaa. Maaga, a xasana a den yaam ngimaƭar den fo o saƭkel a qeeñ den, taxna boo ngimee we nga’uuna a cinj ye ta xontooxna.

Mark 9:19

Yeesu a laya a den ee: «Xeet fa ngimaƭaru! Kaam refkaa fa nuun boo a mban? Kaam ee kaam gadooxkaa a nuun boo a mban? Ƥisiidaamoo o ten!»

Esayi 7:9

Teeru fee Samari, Efrayim soom a waxooxu, soo o ƥeenqe Remaliya a ref kelfa Samari rek. Nu ngimangee, nu mbaagkee saƭik.› »

2 Maad we 7:19

Jawdiin fee no maad oxe kaa doon’un ee: «A soƥ’angaa sax ee o Yaal oxe kaa wet xa palangteer na asamaan, foogaa moos ee xan kaaga a jeg?» Eliise kaa doon’un ee: «Xan o ga’in fo a kid of, ndaa ñaamkino.»

2 Maad we 7:2

Jawdiin fee no maad oxe a doona o kiin Roog oxaa yee: «A soƥangaa sax ee o Yaal oxe kaa wet xa palangteer na asamaan, foogaa moos ee xan kaaga a jeg?» Eliise a doonaan ee: «Xan o ga’in fo a kid of, ndaa ñaamkino.»

A lim ale 20:12

Maaga, o Yaal oxe a xasana a Moyiis fa Aaroon ee: «Nu ndokinkee xeet fee kam saax le um ci’kan, yaam nu ngimee na mi, too nuun taxu boo o tedel ole na katil es waagee o feeñ na kid no Ii-isra’el we.»

A sutax ale 4:11

O Yaal oxe a doonaan ee: «An fi’u o don no kiin? An na muumnaa, ndi an na ramnaa, an na ga’naa, ndi an na fuulnaa o kiin? Ndax refee mi o Yaal oxe?

O leetar ole Pool a bindna GIMU WE NGENNA ROM 3:3

Xar na laykeel boog, a soƥangaa yee leng-leng na den kaa ngore’aƭar’u? Ndax ngore’aƭar den neene a waaga o riñ a Roog no gore’aƭar?

Dañel 10:15

Ye ta layaxam keene, lupandooxaam, naag tek.

YEGIL MBAAX NE YEESU ne Lik a bindtuuna 1:19

Malaaka fee a doonaan ee: «Mi yoo Gaburi’el, na geenooxaa mbaambir Roog. Kaam luliidel me wo, ndax um layong yegil mbaax neene.

YEGIL MBAAX NE YEESU ne Lik a bindtuuna 1:21

Yaa kaaga fop a faafna, xeet fee kaa cungoogu a Sakari, a njaaxiɗ no ke geek’uuna miñu kam Mbind Roog ne.

YEGIL MBAAX NE YEESU ne Lik a bindtuuna 1:64

Ndak fo ndak, o don um a muƥtooxa, ɗelem um a loktoox, ta layataa, a simataa a Roog.