YEGIL MBAAX NE YEESU ne Lik a bindtuuna 1:19 - NQAARIIT NE ROOG

¹⁹ Malaaka fee a doonaan ee: «Mi yoo Gaburi’el, na geenooxaa mbaambir Roog. Kaam luliidel me wo, ndax um layong yegil mbaax neene.

YEGIL MBAAX NE YEESU ne Lik a bindtuuna 1:19 Referans Kwoze

YEGIL MBAAX NE YEESU ne Lik a bindtuuna 1:26

Cinj a qool ɓetaa fo leng, Roog a luliida a Gaburi’el na teeru faa ne’eena Nasaret kam Galile

Mace 18:10

«Mbootooxyo o nqeef o leng na xa teɓandoong axene. Mexe layaa a nuun ee: Waxtu fuu refna malaaka kaa den ndefna kam asamaan kaa nga’aa a tagid Faap es fee na asamaan. [

Dañel 8:16

Cinj kaaga, nanaam o ñuxur no kiin yoora a ƈufnand ale Ulay, ta falalooxaa yee: ‹Gaburi’el, tekti oxeene mbeeñil ne!›

Hebre 4:14

Fat i saƭik boog no ngim onqe i mbeejlaa, yaam i njega o saasadax o maak oxaa hupna fop. Ten refu Yeesu o Ƥeenqe Roog, o ten oxe ŋaayna boo paam Roog.

YEGIL MBAAX NE YEESU ne Lik a bindtuuna 2:10

Kaa koy, malaaka fee a laya a den ee: «Ba nu ndiid, yaam kaam ɓisiid a nuun Yegil mbaax ne na ɗaayandkaa xeet fee fop.

YEGIL MBAAX NE YEESU ne Lik a bindtuuna 1:20

Ndiiki koy, xan o muum, too waagkatiro fa lay boo na bes faa keene a fadiidkaa, yaam gimiro fa lay es fee na fadnooxkaa na waxtu um.»

YEGIL MBAAX NE YEESU ne Lik a bindtuuna 21:36

Yetooxyo boog, too nqeɗaa waxtu fuu refna, ndax a koom nu njeg doole faa nu ndaɗitna keene na xewkaa fop, ngeenoox mbaambir no Ƥeenqe no kiin oxe.»