YEGIL MBAAX NE YEESU ne Lik a bindtuuna 1:15 - NQAARIIT NE ROOG

¹⁵ yaam xan a ref o kiin o maak mbaambir no Yaal oxe. Yerkee biiñ mbaat a yer alaa waagna o way o kiin, too boo ta helko fo rimeel, xan a soƥ ta may fo Yiif Tedu le.

YEGIL MBAAX NE YEESU ne Lik a bindtuuna 1:15 Referans Kwoze

Yeremi 1:5

«Yaaga moolafuliroong sax no fud ya of, and’aaxoong, too yaaga rimafulaandee, kesan’oong a xoox es, dalnong o tuleer qeet ke.»

Efees 5:18

Ba nu mbayaa fa biiñ, yaam o luubax soom a ɓekkaa a nuun, ndaa mayyo fo Yiif Tedu le.

Galati 1:15

Ye ta felna oxe kes’axama yaaga rimafulaandeem, too a xoytaam yirmande um,

A pi ake 2:4

Den fop a maya fo Yiif Tedu le, too a ndalfooxa o layaa lak lakas kaa Yiif le a ci’na a den.

YEGIL MBAAX NE YEESU ne Lik a bindtuuna 7:33

Saŋ o Paabatiise xe a gara, ñaamee mbuuru, yeree biiñ, soo nu lay ee: ‹Jini damun›,

Yosuwe 4:14

No ñaal naaga, o Yaal oxe a magnanda a Yosuwe na kid no Ii-isra’el we fop, too weene a niwaan no ñoow o ñis um fop ne da niwit’ina a Moyiis.

YEGIL MBAAX NE YEESU ne Lik a bindtuuna 7:28

Mexe layaa a nuun ee: No we rew a ndimna fop, jegee o leng oxaa hupna a Saŋ, too yaaga fop koy, oxe moƴna o neew no Maat ne Roog hupun.»

1 Caloori ke 17:8

Muu retoogoona, kaam refoogu fa wo, saŋkaa fañ we wo mbaambir of, too xam fi gon of a siwit nen a kon ake no wiin maak we ndefna no lanq ke.

Yosuwe 3:7

O Yaal oxe a laya a Yosuwe yee: «No ke xotitna no ñaal ne xaye xam fi’ong o kiin o maak na kid no Ii-isra’el we fop, too xan da and ee mexey fa wo ne refit’uuma fa Moyiis.

Sakari 9:15

O Yaal oxe Hupna fop xan a saytoox xeet um, a maafit fañ we a ƭak ake no suusaand um soo a duut a den. Xan a ƥax fo’oy le no fañ den, wee ndax biiñ fee da yeraa, ta sil took den fop nen fo’oy le na wiiseel no kooñ ke no sadaxand ole.

A kim a tedu ke 22:9

«A ɗaga yaakaar um no Yaal oxe! Pañtu ta watin boog! O Yaal oxe a fexangaan, fat a muclin kañ!»

1 Caloori ke 29:12

Halal fa tedaanga na wo a ngataa, wo fee na maadooxaa took fop. Wo jegu doole fa katil too o ɓay of a waaga o magnand too a saƭkand fop.

Mberaand 48:19

Faap um a faña soo a layin ee: «Andaam kaaga de, o ƥees! Andaanum, ten itam xan a ref o taan xeet fa maak, a saqit. Kaa koy, o ndeɓ um na hupkan, too xan xa taan um a mayƭand qeet ke fop.»

Mberaand 12:2

Xam sutit na wo xeet fa maak, too xam barke’ong. Xam fi’ong o yaal gon maak, too a cur barke tigi o refkaa.

YEGIL MBAAX NE YEESU ne Saŋ a bindtuuna 5:35

Saŋ reeƭu o jam ole na kaƥaa, a meleƈaa, too nu mbug’a o moof o ndik sax, mbelakinoox yoora kaƥ ne ten.

A paɗax ale 10:9

«Wo fo xa ƥeef, ba nu yer biiñ mbaat a yer a lakas alaa waagna o way o kiin, yaa nu mbugna o ndok no Ƭiif ne um xetteel, yaam ndik nu nqon. Keene xan a ref na nuun fo xa taan nuun kebil naa na refkaa boo kili.

Yeremi 35:6

Kaa koy, a ndoona yee: «I yerkee biiñ, yaam o taan in Yoonadab fee o ƥiy Rekab kaa hebil a in ee: ‹Nu yerkee biiñ muk, nuun mbaat xa taan nuun.

YEGIL MBAAX NE YEESU ne Lik a bindtuuna 1:14

Xan a ref na wo o ɗaay fo o mbelakinax. Xan mayu a mbelakinoox no rimel um,