YEGIL MBAAX NE YEESU ne Lik a bindtuuna 1:13 - NQAARIIT NE ROOG

¹³ Kaa koy, malaaka fee a layaan ee: «Ba o diid Sakari, yaam Roog a jaɓa a qeƭ of. Xan o teef Elisabet a ñoot o ƥiy o ngoor, too fat o ne’in Saŋ.

YEGIL MBAAX NE YEESU ne Lik a bindtuuna 1:13 Referans Kwoze

A pi ake 10:31

a layaam ee: ‹Korney, Roog a nana a qeƭ of, too a wetandooxa sadax ke o fi’aa.

1 Sami’el 2:21

O Yaal oxe a ƴufgiidooga a Xaan, soo ta rokahinaa o fud. Naaga a jeg’a xa ƥiy xa koor xa tadaq fo xa ƥiy xa tew xa ƭaq. Sami’el, o ndeɓandoong onqe o mat, a maakooga mbaambir no Yaal oxe.

A kim a tedu ke 113:9

Kaa ci’aa o tew o timar oxe ƥasil, a fi’in yaay fa ƭaayu ndeer xa ƥeem. Haleluyaa!

Mberaand 25:21

Isaak a xeɗooxana o teem me no Yaal oxe yaam ne ta reeƭna o timar. O Yaal oxe a jaɓa a qeƭ um, soo Rebeka a rok o fud.

YEGIL MBAAX NE YEESU ne Lik a bindtuuna 2:21

Yaa bes faa a dakooxiidna, o nqeq onqaa a war’a o xucel. A moolane Yeesu, refna gon le malaaka faa a cooxit’ina yaaga ferooxafulee no fud ya um.

A kim a tedu ke 118:21

O Yaal oxe, kaam gidmang, yaam jaaɓaxamo too muclaam.

Mberaand 18:14

Ndax a jega kaa xoxna o Yaal oxe. Xam nomtooxiid meen na waxtu feeke mbaan, too xam soƥ Saara a jeg o ƥiy o ngoor.»

Mace 14:27

Ndak fo ndak, Yeesu a laya a den ee: «Saƭakinooxyo! Ba nu ndiid! Mi yoo!»

Mberaand 17:19

Roog a doonaan ee: «Ha’aa! Xan Saara fee o teef a rimanong o ƥiy o ngoor too fat o ne’in Isaak. Xam dam ngiɓoor es fo ten, damin itam ndeer es fo xaa faqaqoorna no ten. Xan a ref ngiɓoor naa na refkaa boo faw ndeer es fo xa taan um.

Mace 28:5

Malaaka faa a laya rew we yee: «Nuun o mat, ba nu ndiid, yaam andaam ee Yeesu fee rengeena na kurwaa nu mbaaƭaa.

Dañel 10:12

A doona teen ee: ‹Dañel, koo ba o diid, yaam fa lay of a nane no ke xotitna no ñaal mberaand ne neewandooxoona mbaambir Roog ndax o jeem o and, too fa lay of feene sax sax taxu um gar.

Haahate we 6:23

O Yaal oxe a layaan ee: «Fat o laaw of a dal, ba o saɗar, xonkiro.»

Mberaand 17:10

Neeke nu ngayitkaa ngiɓoor ne a ndeer es fa nuun fo xa taan of: Oxuu refna o koor a ndeer nuun, fat a xucoox.

YEGIL MBAAX NE YEESU ne Lik a bindtuuna 1:30

Malaaka fee a dakooxaan o lay ee: «Ba o saɗar dara Mari, yaam Roog a ci’aang yirmande.

Esayi 8:3

Cinj kaaga, wondooxaam fo o tew oxe mi refna o tuleer Roog, ta rok fo fud soo a ñoot o ƥiy o ngoor. O Yaal oxe a layaxam ee: «Fat o ne’in Maheer-Saalaal-Haas-Bas,

Hoose 1:6

Gomeer a rokahina o fud soo a ñoot o ƥiy o ndew. Maaga, o Yaal oxe a laya a Hoose yee: «Ne’een ‹Loo-Ruhama›, yaam yirimkatiim mbind Isra’el, tee kaam waasanahinan.»

Hoose 1:4

O Yaal oxe a laya a Hoose yee: «Ne’een ‹Yisre’el›, yaam a yoqa o ndik rek, xam inooxan mbind Yehu, xuuf maat ne kam Isra’el yaam fo’oy le ta ɓaxna kam Yisre’el.

Mark 16:6

Kaa koy, o fes olaa a laya a den ee: «Ba nu ndiid, Yeesu o Naanasaret oxe rengeena na kurwaa nu mbaaƭaa, a xontooxa, refatee mene. Ngaryo nga me ta wondin’eena!

Mace 1:21

Xan a ñoot o ƥiy o ngoor, too fat o ne’in Yeesu, yaam ten na mucilkaa xeet um no pakaad den.»

YEGIL MBAAX NE YEESU ne Lik a bindtuuna 1:14

Xan a ref na wo o ɗaay fo o mbelakinax. Xan mayu a mbelakinoox no rimel um,