YEGIL MBAAX NE YEESU ne Lik a bindtuuna 1:10 - NQAARIIT NE ROOG

¹⁰ Mbokatax naa fop kaa nqeɗoogu tafil ye ta ɓoxotan.

YEGIL MBAAX NE YEESU ne Lik a bindtuuna 1:10 Referans Kwoze

A paɗax ale 16:17

Ba o leng a ref kam ƭiif ne, yaa ta rokna teen, ndax ta fi njofoorand ne boo yaa ta sutooxkan, a soƥ ta jofoorand a xoox um fa mi boo a ƴut, a fi’anin itam wiin mbind um fo o fog ole no Ii-isra’el we fop.

Mbeeñil 8:3

Malaaka fa lakas a gara, a geenoox paam o sadaxand ole, a saq o njaq wurus. A coox’e cuuraay fa mayu, ndax ta ɓoxotin no sadaxand wurus ole refna mbaambir gamb no maad le, a yoonandtin a qeƭ ake no gimu we fop mbogna na Roog.

Hebre 9:24

Yaam Kiristaa rokee no Mbind tedu naa o ɓay no kiin a jalna, a ref nitaale’ir no ndiindigil ne. Na asamaan sax sax a roku, ndax ta geenooxan a in ndiiki mbaambir Roog.

Hebre 4:14

Fat i saƭik boog no ngim onqe i mbeejlaa, yaam i njega o saasadax o maak oxaa hupna fop. Ten refu Yeesu o Ƥeenqe Roog, o ten oxe ŋaayna boo paam Roog.

A kim a tedu ke 141:2

Fat a qeƭ es a ŋaayiid boo me wo nen cuuraay, xa ƥay es axe letnuuma a nand nen sadax kirand.

Heseki’el 46:3

Xeet fee no saax le xan a ngung mbaambir es, mi o Yaal oxe, no ndokand ne no don-maax oleene no pes a ñootnax ke fo no fo nqool fo ndeɓ ne.