Kolos 4:6 - NQAARIIT NE ROOG

⁶ Fat a ƭelem nuun a yoon fa yirmande, a njem, nu mbaag o and ke nu mbarna o ndoon o kiin oo kiin.

Kolos 4:6 Referans Kwoze

Efees 4:29

Ba nu lay ɗelem faaxeer leng! Layyo soom a ƭelem a cegu o njiriiñ akaa na ndimle’aa lakas we, da njof mbaambir no ngim onqe. A ƭelem a nandu neene kaa ƭaxaa soxla, too a mbi’anaa paax we na nan-gilooxaa a den.

1 Piyeer 3:15

Kaa koy, niwyo a Kiristaa kam a qeeñ nuun nen o Yaal nuun. Njagandooxyo kili, ndax nu mbaag o ndoonaa a paax oxuu laamitna a nuun ke taxna yaakaar neene a ref na nuun.

O baawaare xe 10:12

Fa lay fee no cegu yiif oxe kaa niwnooran, o don fanxoy fee mat a oraa a saŋkax um.

Mark 9:50

Fo jem a faaxa lool, ndaa fo jem o mat a jematangee, xar waagatu o tax ta jem? Njegyo fo jem na qoox nuun, too ñoowaa na jam a ndeer nuun.»

Xa peƭit axe 15:4

Fa lay fa saƭakinir kaa ref ndaxar o ñoow, fa lay fa ñexetu mat a ɓolaa cer.

Xa peƭit axe 15:7

Xa ton no jegu yiif we o and a pictaa, a qoox no panxoy ke mat, dara refee teen.

Kolos 3:16

Fat fa lay Kiristaa a gen na nuun, a may muut. Naangyo o njangniraa, maƭooraa no and fo na kim a tedu fo na kim a inooru no Yiif le Roog, nqaananaa a Roog, simatan fo a qeeñ nuun yaam yirmande um fa nuun.

Mace 5:13

«Nuun ndefu fo jem ole na adna fee. Fo jem o mat, a jematangee, xar waagatu tax ta jem? Jiriiñatee tus a refangeerna a deɓel tafil, soo wiin we a ndakin.

Xa peƭit axe 10:21

Fa lay no cofu xe kaa jootnaa wiin mayu, panxoy ke mat a nqonaa yaam o ñak-xoox.

A kim a tedu ke 119:46

Kaam layaa mbaambir maad we fa lay of too sedkiim.

A kim a tedu ke 105:2

Ngimaneenoo, nqaanin, layit com’andtu ke ta fi’na fop.

A kim a tedu ke 45:2

Xeeñ es kaa may muut fo xa ƭelem xa mosu. Kaam ee a cangtax es no maad oxe a jagnu. Ɗelem es kaa nand fo a pindir no piibind o pelu xoox.

YEGIL MBAAX NE YEESU ne Lik a bindtuuna 4:22

Fop kaa seede’anoogun, too fa lay fa nqoolu fee sutoorit’ina no don um a bet’a a den. Yaqanee koy da laamtiraa yee: «Ndax kaa refee o ƥiy Yoseef?»

A kim a tedu ke 119:13

Kaam lambnaa ke simtoona fop.

A kim a tedu ke 66:16

Nuun fop we saɗarna a Roog, ngaryo nan-giloox, too xam wetandoox a nuun ke ta fi’anaxama.

1 Caloori ke 16:24

Lambinyo o ndam um a ndeer a saax ake, com’andtu ke ten a ndeer qeet ke fop,

A cangatin ale 11:19

Fat nu aqat a den xa ƥiy nuun, njeepeetaa a den, yaa nu ndefna kam pind nuun mbaat a koƥ, yaa nu mbondooxna mbaat nu njalaa.

A paɗax ale 2:13

Fat o yip fo jem took sadax nduufe-duufe nuu refna. Ba o ñakin o jemaƭ muk, yaam fo jem ole kaa ref o anddiloor ole no ngiɓoor ne a ndeer of fa Roog. Ten taxu fat o yip teen fo jem.

Heseki’el 43:24

Fat o ɓisiid a den mbaambir no Yaal oxe. Saasadax we xan a ƥax fo jem took den soo a ƥoxot a den o Yaal oxe nen sadax fa ndoxel.