Kolos 4:5 - NQAARIIT NE ROOG

⁵ A jega waa andoona yee ngimafulee. Kuu nu ndeerna fa den, fat nu ñaaƴnitin fo yiif, mbañ dara no daaw nuun a ref kasaara.

Kolos 4:5 Referans Kwoze

1 Tesalonik 4:12

ndax nu ndef wiin waa a pesoorooƭ den a jofna mbaambir no gimeer we. Neene, nu ngaɗkee a qoox nuun no leng.

Saak 3:13

O kiin na nuun a jegangaa o and fo yiif, fat a fi a pi a paax, a laltin na pesoorooƭ um a paax, a pi akaa yoonna fo o ɓuuɓ fo o and.

O leetar ole Pool a bindna GIMU WE NGENNA ROM 16:19

Kaa koy, fop a anda ne nu nananitna Yegil mbaax ne. Kaam felakinoortaa a nuun, ndaa itam bugaam nu njeg o and olaa nu mbi’taa paax, njeg itam o qoolel, mbootoox paaxeer.

Saak 3:17

Kaa koy, o jeg-yiif ole hatna na Roog, a guutatira fo oleene. O jeg-yiif olaaga kaa xool, a gartaa jam a ndeer no wiin we, a fod o mbid, a gartaa nanoor, a may yirmande fo a pi a paax. Naagee o samtaa itam too jegee yememaar leng.

Mace 10:16

«Mexe lulaa a nuun nen paal kam xa moon. Fat nu ƈiƴit nen pangool, too ƥuuɓit nen a nuukuur.

1 Timote 3:7

We mbogeerna no gimu we sax, paax rek a mbarun o andit, ndax bugkaand o jeeraa mbaat ta yenaa no pog ke no ƈiƴ oxe.

Kolos 3:16

Fat fa lay Kiristaa a gen na nuun, a may muut. Naangyo o njangniraa, maƭooraa no and fo na kim a tedu fo na kim a inooru no Yiif le Roog, nqaananaa a Roog, simatan fo a qeeñ nuun yaam yirmande um fa nuun.

Mark 4:11

A laya a den ee: «Kaa nu ci’el kunpa fee no Maat ne Roog, ndaa no we ndefna tafil, fop kaa war o fi’tel a naxax.

Saak 1:5

O kiin na nuun a jegangee yiif deyu, fat a xeɗin a Roog, too xan a ci’in o ten. A woora yee Roog a naaga o ci’taa fop bo ta dey, too ŋañkee oxe xeɗuuna.

1 Piyeer 3:1

Nuun rew we itam, fat oxuu refna na nuun a jaɓan o kor um. A refangaa sax ee leng-leng na den ngimee na fa lay fee Roog, xan a ngar no ngim onqe na pexey a pesoorooƭ nuun, nuun we ndefna rew den. Maaga, soxla’kaand o lay mayu,

A kim a tedu ke 90:12

Andnoori a in ne o ñoow ole a raƥitna, ndax i njeg yiif.

Dañel 2:8

Kaa koy, o maad oxe a laya a den ee: «Kaa nu miñandaa tige rek, yaam nu anda yee ke hebooxuuma watkee.