Kolos 3:5 - NQAARIIT NE ROOG

⁵ Ten taxu nu mbara o mbañ cer nuun a ñoowaa no ceeq fo no nqoolaƭar fo na yuxum a paaxeer fo no bug halal, yaam kaa ref xaƴ a Roog fa ndiindigil fee, soo reefaa lakas.

Kolos 3:5 Referans Kwoze

O leetar ole Pool a bindna GIMU WE NGENNA ROM 8:13

Boo nu ñoowaa no ke cer ke nuun a mbugna xan nu nqon, ndaa boo Yiif le Roog a taxna nu mbar a pesoorooƭ ale no cer ke nuun, xan nu njeg o ñoow.

Galati 5:24

We na ndeefaa a Kiristaa Yeesu a mbara ke cer den a yaawaa fo ke da nqememaa.

O leetar ole Pool a bindna GIMU WE NGENNA ROM 6:13

Ba nu ƥoxot ke mbogna no cer nuun, ndax da njalan bakaad, nen calir kaa na ndimaa njofaƭar. Kaa koy, ndeɓooxyo nuun fa qoox nuun na Roog, nen waa suqtiteena na fa nqon, too a ñoowaa. Ƥoxotyo a Roog itam ke mbogna no cer nuun, da ndefik calir kaa na ndimaa o cofel.

1 Piyeer 2:11

Nuun we fexuuma, ke nu ndefna ndef genar fo xa kataakoon fop oo, mexe maƭooxaa a nuun, nu mbootoox a yaaw cer a paaxeer ake na ñoxoraa fo o laaw ole.

1 Korint 6:18

Ƈufyo ceeq! A jega pakaad lakas kaa ndefeerna no cer, ndaa oxuu rokna no ceeq, cer um sax sax a tooñu.

Efees 4:19

Naangee o sedaa dara, a ngen no combol-combol, ndax da mbi qoolaƭaru kuu ndefna, too mbaagee o ndeyƭoox.

2 Korint 12:21

Kaam saɗaraa sax ee um fadiidangaa, xan Roog es a toroxandahinaam yaam nuun. Pexey es fop a refkaa rek um loolaa took no we miñna o mbakaadaa, too a mbañ o ndicoox qoolaƭaru ke fo ceeq ne fo caasaay ne da ñoowtaa.

Mbeeñil 21:8

Kaa koy, kaa farna no wiin weeke: Saɗar we fo gore’aƭaru we fo we na mbi’aa cednooxu fo waawar we fo we na seeqaa fo fan we fo juujuur we fo maamaaɓ we fop, a las den na refkaa a mbeel fiɗel alaa no nqeen saasu kaa. Keene na refkaa fa nqon fa ƭikandeer fee.»

O leetar ole Pool a bindna GIMU WE NGENNA ROM 7:23

Kaa koy, a jega lakas kaa ga’uuma, ta heblaxam no cer es. Kaa maafraa fo ke o jeg-yiif es a heblaxam, soo a damaam mbaƭ no ke bakaad fee a heblaxam, um fi’in no cer es.

Mace 15:19

Yaam a qalaat a paaxeer ake fo barir ke fo ceeq ke fo pesanir ke fo kuuƭ ke fo seede paaxeer ke fo a ben ake fop, no xeeñ a inooraa.

Mbeeñil 22:15

Kaa koy, we na mbi’aa cednooxu fo fan we fo we na seeqaa fo waawar we fo juujuur we fo fop we mbexna o maaɓaa na fa lay fo na pi, o leng na den rokkee na teeru fee muk.

Saak 4:1

Maafir ke fo qasir ke a ndeer nuun, mam a inooraa? Oxe inooraa na yuxum ake ngenna no ñoxoraa no cer nuun.

1 Korint 6:13

Ngaaf taxu o fud, o fud a refan ngaaf, ndaa ƭik ke fop, xan Roog a muuk a den. Njer koy sakanaand ceeq, ndaa kaa refan o Yaal oxe, o Yaal oxe a refanin.

O leetar ole Pool a bindna GIMU WE NGENNA ROM 6:6

Fat i and a paax ee o kiin o kiid oxe i ndeeƭna yaaga, a rengandoor’e na kurwaa fa Kiristaa, ndax ngiin mbaabakaad neene a sooƴ. Yaaga koy, i ndefkatee faɗ bakaad boo muk,

Hebre 13:4

Fat fop a niw ndolnir ne, we ngiɓoorna no ndolnir ne a njeg ngor a ndeer den, yaam xan Roog a hate a cuut ake fo we na seeqaa.

Hebre 12:16

Ba o leng a ref saasaay, too ba o leng a niwaƭar ke jofna na Roog. Neene Esawu a fi’’u boo a jikoox a las taaw ale ten yaam a put a leng soom.

1 Tesalonik 4:3

Ke Roog a bugna kañ refu nu ted, too nu mbootoox ceeq.

1 Korint 5:1

A jega ceeq naa um nanaa a ndeer nuun. O ñoowooƭ o nandu neene, we andeerna a Roog sax saqkiran, yaam a reta boo o leng na nuun a geekataa o tew faap um.

O leetar ole Pool a bindna GIMU WE NGENNA ROM 7:5

Ye i ñoowoogna no ke cer ke a mbugna, o bug o faaxeer ole kebil ke a yaawnooroogna a yo’nooga cer in fop, too a sakatinooga na in xa tim axaa na ƥisaa na fa nqon.

O leetar ole Pool a bindna GIMU WE NGENNA ROM 1:29

a may muut fo njofaƭar nuu refna, a soxod, a ngalaf, a mbi’aa paaxeer, a may fo ciis, a mbarraa, a nqasraa, a ƈiƴtiraa, a layraa cageer, soo a ñu’raa.

O leetar ole Pool a bindna GIMU WE NGENNA ROM 1:26

Ten taxu Roog a xaƴ a den na yuxum a sednooxu boo ta tax rew we a mbaas gor den, a mbesanraa a ndeer den.

1 Tesalonik 4:5

a fañ a yaaw a pagkatar a sufoox took um, ne da ndalitna took gimaƭaru we andeerna a Roog.

1 Korint 6:11

A jega leng-leng na nuun waa mbi’oogna keene yaaga, ndaa koy nu ƥogde boo nqool, kesanel a Roog, njofandel no gon no Yaal in Yeesu Kiristaa na pexey Yiif le Roog.

Kolos 2:11

No ten nu mbi’ante nquc ne refna o ñaas ngiɓoor ne a ndeer nuun fa Roog. Nquc neene koy, o ɓay fi’iran, Kiristaa fi’un, ta ref a bolax no ke cer nuun a yaawaa.

1 Timote 6:10

No fex xaaliis, paaxeer kuu ndefna a ngataa. A jega koy waa andoona yee owaa njegan, a ngoƭ o ngim onqe, soo a yenan a qoox den no coono kaa o leng a saɗeerna o ga.

Hebre 13:5

Baa o ñoow nuun a haan na baaƭ xaaliis soom. Ndamyo no ke nu njegna rek, yaam Roog kaa lay ee: «Xaƴkiroong muk too deɓkiroong»

A sutax ale 37:22

A kiɓ ake fo a naaq ake kaa muum’u fo ke yoqna. Fop wurus fa nqoolu a xawit’e.