Kolos 3:3 - NQAARIIT NE ROOG

³ yaam kaa nu nqon, soo o ñoow nuun a fokatel fa Kiristaa na Roog.

Kolos 3:3 Referans Kwoze

Galati 2:20

Refatee yee mi na ñoowaa, ndaa Kiristaa na ñoowaa na mi. Kaam ee um naagangaa o xuƥaa ndiiki sax oo, no ngim no Ƥeenqe Roog um ñoowaa, ten fee fexaxama boo a ɓoxot o ñis um yaam mi.

O leetar ole Pool a bindna GIMU WE NGENNA ROM 6:2

Boo muk! Yaam ne i nqonna, i ƭegoora o kay fa bakaad. Nam i mbaagu o ndakoox o ñoowatinik kam bakaad koy?

Kolos 2:20

Kaa nu nqon fa Kiristaa, tig adna a sooƴ na nuun. Xar taxu boog nu mbesooraa nen wiin adna boo ndiik? Xar taxu nu njaɓ ke da layaa yee:

YEGIL MBAAX NE YEESU ne Saŋ a bindtuuna 5:24

No ndigil, no ndigil, mexe layaa a nuun ee: Oxuu nan-gilooxna fa lay es, a gim no xe luliidaxama, a jega o ñoow o fagkeer ole, too geenooxkee no nqeloor naa muk, yaam kaa inoor na fa nqon a rok no ñoow.

O leetar ole Pool a bindna GIMU WE NGENNA ROM 8:2

yaam kebil ke no Yiif le Roog na ci’aa we mbogna na Kiristaa Yeesu o ñoow, a mbokta a in na fa nqon fee bakaad a ɓisiidaa.

O leetar ole Pool a bindna GIMU WE NGENNA ROM 5:10

Kaa i ndeeƭu fañ Roog, ndaa fa nqon fee no Ƥeem a jofooranda a in fo ten. Njofoor neene taxu a qontax ale no Ƥeem waagkee o ñak o mucil a in.

2 Korint 5:14

O mbeq Kiristaa kaa daaw o adin a in, yaam a woora a in ee o leng kut xonanu fop, ta tekit ee fop a nqonta no ten.

YEGIL MBAAX NE YEESU ne Saŋ a bindtuuna 5:21

Ne Faap fee a xontooxnoortaa, a ñoowdandaa, neene o Ƥeenqe a cooxtitaa o ñoow oxuu feluuna.

YEGIL MBAAX NE YEESU ne Saŋ a bindtuuna 3:16

Yaam Roog a fexa adna fee boo a ci’it o Ƥiy o leng kut onqe ta jegna, ndax oxuu gimna no ten saŋkooxkee muk, ndaa ndax ta jeg o ñoow o fagkeer ole.

YEGIL MBAAX NE YEESU ne Saŋ a bindtuuna 14:19

Miñkatee dara, adna fee nga’katiraam, ndaa nuun, xan nu nga’aam, yaam mexe ñoowaa, too nuun itam xan nu ñoow.

1 Piyeer 3:4

ndaa fat a ref a qendandax alaa inoorna na qeeñ nuun, a ref yiif damooxu laa ɓuuɓna. O mosel o nandu neene waagee o yaqoox, too a jega o njiriiñ o maak mbaambir Roog.

Mace 11:25

Na pe akaaga, Yeesu a laya yee: «Faap, mexe gidmang, wo o Yaal asamaan fo lanq, yaam ɗasnaa kene yaal-o-and we fo jegu yiif we, soo feeñlin we moƴna o neew.

Kolos 3:4

Yaa Kiristaa fee refna o ñoow nuun a feeñkaa, nuun itam, xan nu mbeeñ fo ten no ndam.

Hebre 7:25

Ten taxu, ndiiki Yeesu a waaga o mucil boo faw we na matiidaa a Roog na pexey um, yaam oxe ñoowaa boo xaye, ndax ta xeɗanaa a den a Roog.

Kolos 2:3

Na Kiristaa feene koy, kalal o and fo o jeg-yiif a saxu.

YEGIL MBAAX NE YEESU ne Saŋ a bindtuuna 5:40

Ii, keene koy, too nu mbugee o ngar na mi, ndax nu njeg o ñoow!

YEGIL MBAAX NE YEESU ne Saŋ a bindtuuna 4:14

Kaa koy, oxe na yerkaa foofi le um cooxkan, hoɗomkataand boo muk. Foofi leene um cooxkan xan a fi kam um a mbeel alaa a cur ake a nqawraa, a cooxin itam o ñoow o fagkeer ole.»

Mbeeñil 2:17

Oxuu jegna nof, fat a nan-giloox ke Yiif le a layaa pokatax ke no gimu we: ‹Oxe na maafkaa, xam ci’in maan fa ƭasu. Xam ci’in itam ɓil ran fur. Took ɓil leene koy, gon xas a binde teen. Gon le o mat, o leng andiran a refangee oxe na daawkan.› »

1Saŋ 3:2

Fog es we fexuuma fex, ndiiki xa ƥiy Roog i ndefu, too ke i ndefkaa laltafulaand. Kaa koy, i anda yee yaa Kiristaa a feeñkaa, xan i nand fo ten, yaam xan i nga’in ne ta nandna nand.

Filip 4:7

Yaaga xan jam fee Roog hupna o and oluu refna a xoxit a qeeñ nuun fo a yiif nuun na Kiristaa Yeesu.

1 Korint 15:45

Keene o mat taxu ta bindel ee: «Aadama fee refna o kiin o eetaand oxe a dalfooxa o saq o laaw.» Aadama fa mbalakaand fee koy, yiif laa na ñoownaa a refu.

1 Korint 2:14

O kiin sang um sang um koy, refna ref oxe jegeerna Yiif le Roog, waagee o jaɓ ke farna no Yiif le Roog yaam o ñak-xoox a fi’un. Waagiran o and itam, yaam Yiif le Roog soom waagun o gaal.

O leetar ole Pool a bindna GIMU WE NGENNA ROM 5:21

Yaaga boog, ne bakaad a jegit’ina sañ-sañ boo a garit fa nqon, neene itam yirmande fee Roog a jegtu sañ-sañ na pexey o cofel ole, ndax ta ɓis a in no ñoow o fagkeer olaa na pexey Yeesu Kiristaa o Yaal in.

Kolos 1:5

O nanangaan koy, kaa nu kesanel yaakaar na asamaan, fa lay fee no ndigil ne refna ref fee no Yegil mbaax ne a andnin a nuun.

2 Korint 5:7

Kaa i ñaaƴtaa o ngim onqe, ndaa refee fo ke i mbaagna o nga.

O leetar ole Pool a bindna GIMU WE NGENNA ROM 6:11

Neene itam njaɓooxyo nuun fa qoox nuun ee nu nqona tigi boo a taxa nu ƭegoor o kay fa bakaad. Njaɓooxyo itam ee Roog nu ñoowanaa ye nu mbogna na Kiristaa Yeesu.

Efees 3:9

A ci’axam itam, ndax um xoolandan wiin we fop, da and ne kunpa fee Roog a wareena o feeñlit. Roog oxe sakna fop, kaa bug’u o ɗasin yuuƥ neene, yaaga boo fa ndiik.

1 Piyeer 4:2

Yaaga koy, no ngap onqe yoqna no ñoow nuun, naangyo o ñoowaa no bug ole Roog, ndaa baa ref no ke wiin we a yaawaa.