Kolos 3:1 - NQAARIIT NE ROOG

¹ Nu nqontooxa fa Kiristaa, mbaaƭyo boog ke refna took, maa ta moofna na ñamaak Roog.

Kolos 3:1 Referans Kwoze

O leetar ole Pool a bindna GIMU WE NGENNA ROM 8:6

Topatooxaa ke cer ke a mbugna koy, na fa nqon a ɓisaa, ndaa topatooxaa ke Yiif le Roog a bugna no ñoow fo na jam a ɓisaa.

Mace 6:33

Eetyo mbaaƭ Maat ne Roog fo ke ta bugna, too keene fop, xan nu ndoonanel o ten.

2 Korint 4:18

Ke i ngorooxaa koy refee ke na yulaa a kid in, ndaa ke i mbaageerna o nga, yaam ke yulna a ngid of kaa faafaa. Ke waagaandeena o ga koy, jegee muukandoong.

Kolos 3:2

Fat a qalaat nuun a nqot no ke took, a mbaas ke refna took lanq ke,

Mace 6:20

Fat nu mbokatanoox halal na asamaan maa max ke fo nqoy ke a naangeerna o yaqtaa tus fo maa guuɗ we a ndaƈtitkeerna too nguuɗkee.

Hebre 12:2

Fat a kid in a ngaan na Yeesu fee geeninna o ngim in no kaa xotitna no mberaandoong naa boo no muukandoong naa. A softa o ɗaay ole ta geekan’eena fa nqon took a kurwaa, too ɗeetee gaci fee refna teen. Ndiiki koy, oxaa moofa na ñamaak gamb no maad le Roog.

YEGIL MBAAX NE YEESU ne Lik a bindtuuna 12:33

Njikooxyo ke nu njegna fop, soo ndimle’tin rool we. Mbaaƭanyo a qoox nuun o geekand o yaqukeer muk, ndax halal nuun a miñ na asamaan maa guuɗ we a matiidkeerna fo maa max ke a naangeerna o yaqtaa tus.

A kim a tedu ke 16:11

Kaa o lalaxam a ƭat ale no ñoow ole, o ɗaay o deyu sik na xotteel mbaambir of, o sawar o fagkeer a ref na ñamaak of.

Hebre 1:3

O ten refu o ɗeendoor ole na feeñlaa o ndam onqe Roog. O ten rek laltu ke Roog a refna deŋ, a saytoorit itam ke sakeena fop fa lay fa njegu doole fee ten. Cinj ye ta xoolandna wiin we no pakaad den, a reta na asamaan, a moof na ñamaak Roog fee refna doole fa mbagkatar.

YEGIL MBAAX NE YEESU ne Lik a bindtuuna 22:69

Kaa koy, no ke xotitna ndiiki, o Ƥeenqe no kiin oxe xan a moofik na ñamaak Roog o Yaal katil.»

Kolos 2:20

Kaa nu nqon fa Kiristaa, tig adna a sooƴ na nuun. Xar taxu boog nu mbesooraa nen wiin adna boo ndiik? Xar taxu nu njaɓ ke da layaa yee:

Hebre 8:1

Keeke refu ke moƴna o jeg o njiriiñ no ke i layaa: O saasadax o maak o nandu neene i njegu. Oxaa moofa na asamaan, na ñamaak gamb no maad le Roog fee refna katil fee hupna fop.

O leetar ole Pool a bindna GIMU WE NGENNA ROM 8:34

Yaaga boog, an saɗu maal a den? O leng, yaam Kiristaa Yeesu a xona, too kaa hupna keene a xontooxa. Ndiiki, kaa moof na ñamaak Roog, a xeɗanaa a in.

Hebre 10:12

Kiristaa o mat, jaf leng kut a sadaxtu yaam pakaad ke. Sadax feene koy boo faw a refkaa. Cinj kaaga, a reta a moof na ñamaak Roog.

Mace 26:64

Yeesu a doonaan ee: «Wo ne’un! Too mexe layaa a nuun ee: Xan nu nga o Ƥeenqe no kiin oxe a moof na ñamaak Roog o Yaal katil, soo a garaa took a eel ake, a inoortiid na asamaan.»

Efees 4:10

Oxe fudooxna refu ref oxe ŋaayna took-ee-took asamaan, ndax ta mayƭand ke sakeena fop.

Mark 14:62

Yeesu a doonaan ee: «Mi refun moos, too xan nu nga o Ƥeenqe no kiin oxe a moof na ñamaak no Cegu katil oxe, soo a garaa took a eel ake, a inoortiid na asamaan.»

Hebre 1:13

Roog mosee o lay malaaka fa leng ee: «Moofi na ñamaak es, boo yaa fi’uuma fañ we wo me o dakaa.»

A pi ake 2:34

Yaam a woora mat ee Dawid mosee o ŋaay na asamaan, ndaa ten fa xoox um a laya yee: ‹O Yaal oxe a laya o Yaal oxe mi yee: Moofi na ñamaak es,

YEGIL MBAAX NE YEESU ne Lik a bindtuuna 20:42

Dawid fa xoox um sax layun no safe le na Kim a tedu ke, ye ta layna yee: ‹O Yaal oxe a laya o Yaal oxe mi yee: Moofi na ñamaak es,

Mark 16:19

Yaa o Yaal oxe Yeesu a layna a den naaga boo a ƴut, Roog a yoɗaan na asamaan, a moofnin na ñamaak um.

Mark 12:36

Yaam na pexey Yiif Tedu le, Dawid a laya ten fa xoox um ee: ‹O Yaal oxe a laya o Yaal oxe mi yee: Moofi na ñamaak es, boo yaa fi’uuma fañ we wo me o dakaa.›

1 Piyeer 3:22

fee ŋaayna na asamaan, a ref na ñamaak Roog, a maadooxaa took malaaka ke fo sañ-sañ ke fo katil aa-asamaan ke.

A pi ake 7:55

Kaa koy, Eceen a maya fo Yiif Tedu le, too a daxaaƴooxa farna fa asamaan. Maaga, a ga’a o ndam onqe Roog, a ga a Yeesu, ta geenoox na ñamaak Roog.

Mace 22:44

ye ta layna yee: ‹O Yaal oxe a laya o Yaal oxe mi yee: Moofi na ñamaak es boo yaa fi’uuma fañ we wo me o dakaa.›

Xa peƭit axe 15:24

O cegu yiif oxe kaa xotaa a ƭat ale no ñoow ole, a sag took, a wootooxaa ale na ɓisaa jaaniif, refna a lanq.

A kim a tedu ke 110:1

A kim a tedu laa fogna na ke Dawid oo. O Yaal oxe a laya o Yaal es ee: «Moofi na ñamaak es, boo yaa fi’uuma fañ we wo me o dakaa.»

O baawaare xe 10:2

Xeeñ le no cegu yiif oxe kaa ɓakandan me faaxna, le na fanxoy fee mat a ɓakandan me faaxeerna.

Efees 5:22

Nuun rew we, fat oxuu refna na nuun a jaɓan o kor um ne nu njaɓanitna o Yaal oxe.