Kolos 2:4 - NQAARIIT NE ROOG

⁴ O nanangaa um layaa keene, kaa bugiim o leng a laxad a qoox nuun fo mbel-o-ɗek,

Kolos 2:4 Referans Kwoze

1Saŋ 4:1

Fog es we fexuuma, baa yiif luu garna gar nu ngimin! Kaa koy, ngorooxyo a yiif ake boo nga, ndax na Roog a inooru ndax nam, yaam kaa duleer maamaaɓ mayu a ndokiid na adna fee.

Efees 4:14

Yaaga i ndefkatee xa teɓandoong axaa a yag-ee-yag ake a ƥisaa, soo a cangin a andand ake wiin naanax a ndalinna a ndiñaa a den mene fo maana. Wiin weene kaa mo’nooraa lakas we na pexey o ƴiƴ ole da nqalaatanna a qoox den.

Mace 24:4

Yeesu a doona a den ee: «Mbootooxyo o kiin a nax a nuun,

2Saŋ 1:7

Nu mbootoox koy, yaam kaa jeg mayu waa ndefatna na adna fee, a naxaa wiin we. Weene mbeejlee yee Yeesu Kiristaa a cerooxa, ye ta garna na adna fee, a ñoowaa nen o kiin. Oxuu na fi’aa keene, kaa naxiid wiin we, too o Mbodandoor-Kiristaa yoo.

Mark 13:22

Xan Kiristaa maamaaɓ fo duleer maamaaɓ a mbeeñ, too xan a mbi’aa xa anddiloor fo comlaand, ndax da nax we Roog a jilna sax, a mbaagangaan.

Mbeeñil 20:8

Maaga, xan a sutoox ndax ta nax qeet ke kam adna fee fop. Den ndefu Gog fa Magog. Xan a fokat a den, da mayit nen pep lanq na ƥeeraamb o maag, da ndet a ngomrikel.

2 Timote 3:13

Soxodu we fo fan we koy kaa mbugko moƴ o loofaa na bakaad, a mo, a mo’andaa lakas we.

2 Timote 2:16

Wootooxi fa lay fa ngoɓong faa guutatirna fo o ngim onqe. We ngentuuna, kaa moƴkaa o ngoƭaa a Roog rek.

Efees 5:6

Ba o leng a nax a nuun fo fa lay fa njegee xoox, yaam tooñ nandu neene na taxkaa fuux le Roog a dal took no we mbañuuna o nanan.

A pi ake 20:30

A ndeer nuun sax xan a jeg waa na inooxkaa, a njangnaa xa koɓong xa ƥor, ndax da sakan a qoox den daalbe.

Mbeeñil 20:3

Malaaka fee a deɓaan kam a ngas fiɗel ale, a wegin fo o jaafu, a fi teen o ñaas, ndax naxkatee qeet ke boo yaa xa kiid juni xe a mbaafkaa. Cinj kaaga, xan a wetel boo a pe a mayeer.

Mbeeñil 13:8

We ngenna na adna fee fop xan a mbaɗooxin. Weene ndefu we a kon den a mbind’aandeena no safe le no ñoow ole, no kaa xotitna no mberaandoong adna. Safe leene koy, o Mbaal onqe war’eena jegun.

Mbeeñil 12:9

Maaga, Niŋki-naŋka maak ne a foor’e tafil. Ten refu Mbangool ne yaaga na xoyeel o ƈiƴ oxe mbaat Saytaane. Ten oxe na naxaa adna fa muum a jooriide a lanq, ten fo malaaka ke ten.

1Saŋ 2:26

Bindaam a nuun keene, yaam we na mo’andaa a nuun.

1Saŋ 2:18

Xa teɓandoong es, waxtu fa mbalakaand fee yoo. Ne nu nanitna yee o Mbodandoor-Kiristaa xe garaa, a jega ndiiki sax fo Mbodandoor-Kiristaa fo mayu. No keene i andtu yee waxtu fa mbalakaand fee a fadiida.

Kolos 2:18

Ba o leng a nax a nuun boo a yaqan a nuun eetatir ne nu ndefitna, yaam a fi’ooxaa o neewandooxu mbaat tee kaa reefaa kaa malaaka a dalinna. O kiin um a waaga o ret sax boo a saaƭoox na xa ƭaaɗ xa andand, a magnandooxaa yaam a qalaat um a cegee xoox,

Kolos 2:8

Mbootooxyo o kiin a laxadit a qoox nuun xa peƭeñeŋke mbaat ta nax a nuun, a suttaa a ƭelem um no mbaax no wiin we fo na cangin akaa layteerna a Kiristaa, ndax a ngat na adna.

Galati 2:4

A jeg’a koy waa ƥerexoogna a ndeer in, too ndeeƭee gimu. Weene o mat mbug’u o nqucnoor a Tiit. Kaa ƥerex a ndeer in ndax da ngoroox o daaw ole i njeg’ina na Kiristaa Yeesu. Kaa mbug’u o ƥakand a in no mbaƭ ne kebil ke a ndalinna,

2 Korint 11:3

Kaa koy, kaam diidaa sax a qalaat nuun a ndok no naanaxir, soo nu naang tukit o kumnoor o saƭku o ñaku sik ole humin’ina a nuun fa Kiristaa, nu nandat fa Awa fee fangool fa ƈiƴu fee a nax’ina.

1 Korint 2:4

Ke layuuma fa nuun a koom, reeƭee fa lay fa laalaxad xoox mbaat um jikooxaa o jeg-yiif. Kaa reeƭu fa lay faa lalitna Yiif le Roog fa katil um,

Mace 24:24

Xan Kiristaa maamaaɓ fo duleer maamaaɓ a mbeeñ, too xan a mbi’aa xa anddiloor xa magnu fo comlaand, ndax da nax we Roog a jilna sax, a mbaagangaan.

Efees 4:17

Keeke um layaa a nuun boog, soo yegnan a nuun no gon le no Yaal oxe: Ba nu ñaaƴtat nen gimaƭaru we, na ndeefaa a qalaat ake den naangeerna o ƥisaa den sen.