Kolos 2:3 - NQAARIIT NE ROOG

³ Na Kiristaa feene koy, kalal o and fo o jeg-yiif a saxu.

Kolos 2:3 Referans Kwoze

1 Korint 1:24

Kaa koy, no we ngimna fop, ta ref o Yaawuur mbaat o tefee o Yaawuur, Kiristaa refu doole fo o jeg-yiif ole Roog.

1 Korint 1:30

O ten doonu a nuun na Kiristaa Yeesu. Kaa Roog a fi a Kiristaa ta ref na in o jeg-yiif fo o cofel fo o tedel fo a bateer,

O leetar ole Pool a bindna GIMU WE NGENNA ROM 11:33

An waagu waag o xoolin ne yirmande fee Roog a magnitna fo ne o and ole ten fo o jeg-yiif ole ten a nqooɗitna? Kaam ee, an waagu o and yuuƥ ke Roog? Ndi an waagu o tekit o jaf um?

Kolos 1:9

Ten taxu in itam, no kaa xotitna na koom alaa i layeena paru na nuun, i nqeɗanaa a nuun a Roog, ndekan a nuun xa ƥay, ndax ta yip na nuun o and o deyu sik, nu mbaag o njekit ke ta bugna, ta yoon fo yiif fo o and no tig Roog.

Efees 1:8

fee ta ci’na a in bo ta dey sik, ye ta daawinna a in o and o deyu sik fo o jeg-yiif.

Mace 10:26

«Ba nu mbit a den, yaam ke singeena fop xan a singtel soo ke ɗasneena fop a ñuqtel.

Kolos 3:16

Fat fa lay Kiristaa a gen na nuun, a may muut. Naangyo o njangniraa, maƭooraa no and fo na kim a tedu fo na kim a inooru no Yiif le Roog, nqaananaa a Roog, simatan fo a qeeñ nuun yaam yirmande um fa nuun.

Xa peƭit axe 2:4

Waaƭteen ne xaaliis a waaƭteel, naaɓtin ne halal a naaɓteel!

Mbeeñil 2:17

Oxuu jegna nof, fat a nan-giloox ke Yiif le a layaa pokatax ke no gimu we: ‹Oxe na maafkaa, xam ci’in maan fa ƭasu. Xam ci’in itam ɓil ran fur. Took ɓil leene koy, gon xas a binde teen. Gon le o mat, o leng andiran a refangee oxe na daawkan.› »

Ke bindeena no xe ne’eena YOB 28:21

Kaa laqoox a kid no pindel ke fop, a ƭasnel tiiƭ ke na asamaan sax.

Kolos 3:3

yaam kaa nu nqon, soo o ñoow nuun a fokatel fa Kiristaa na Roog.

Kolos 1:19

No ten Roog a genu fo o yaajel um fop.

Esayi 11:2

Xan Yiif le no Yaal oxe a ref took um, a ref yiif o and fo yiif deyu, a ref yiif aa-as fo yiif jegu doole fo yiif andu o Yaal oxe too a saɗarin.

1 Maad we 3:28

Ii-isra’el we fop a yega ne Salomo a hate’it’ina keene. Maaga, a niwa o maad oxe lool, yaam a and ee Roog fa xoox um ci’un o and olaa ta hate’taa fo o cofel.

Esayi 40:14

Fa an a ga’ritu, ndax ta xooliɗ? An aqatinun a ƭat o cofel? An jangnun o and soo a andnoorin a ƭat o jeg-yiif?

YEGIL MBAAX NE YEESU ne Lik a bindtuuna 11:49

Ten taxu, oxe na xoyeel o Jeg-yiif ole Roog a laya yee: ‹Xam ɓisiid a den duleer fo apootar. Xan a mbar leng we, lakas we da ñagadil a den.›

Kolos 1:28

O ten o mat koy i yegnitaa, maƭooxaa o kiin oo kiin, njangnaa a den o and tigi, ndax oxuu refna a waag o geenoox mbaambir Roog, a ñak sik na Kiristaa.

2 Piyeer 1:5

Yaam keene sax, ngoorgoorlooxyo nuun fop, ndax nu ƥaat no ngim onqe nuun a pesoorooƭ a paax, soo na pesoorooƭ a paax nuun nu ƥaat teen o and.