Kolos 2:2 - NQAARIIT NE ROOG

² ndax da mbaag o njeg yaaloor, o mbeq a fokat a den, da mbapoor yiif o andik kunpa Roog, ta ref Kiristaa.

Kolos 2:2 Referans Kwoze

Kolos 1:27

Den weene Roog a andnooru ke refna o njiriiñ onqe na halal fa kunpa’u feene a ndeer qeet ke, ta ref leng kut kene: Kiristaa kaa ref na nuun yaakaar o ndam Roog.

Kolos 4:8

Leng kut taxu um luliidan me nuun, ta ref ndax nu mbaag o and ne i ndefitna, xa laaw nuun a ndal.

Efees 6:22

Mi fa xoox es luliidun me nuun, ndax nu and ke i ndefitna, a qeeñ nuun a mbaag o yaaloox.

Kolos 3:14

Kupu keene fop, mbapooryo o mbeq, yaam o mbeq refu ngumoor ne na ñaknaa a nuun sik.

O leetar ole Pool a bindna GIMU WE NGENNA ROM 16:25

Fat i simat a Roog boog! O ten jegu sañ-sañ faa ta saƭkinitna a nuun kam o ngim onqe na pexey Yegil mbaax ne um yegnitaa. Yegil mbaax neene um waare’aa koy, kaa jagin na Yeesu Kiristaa. Roog a feeñla a in yuuƥ kunpa’u ne ten ɗasin’eena yaaga.

Filip 3:8

Refee keene soom koy. Kaam ɗeetat fop nen kasaara yaam ke moƴna o jeg o njiriiñ no fop, ta ref o and a Kiristaa Yeesu fee o Yaal es, taxna um fes lakas ke fop a cinj. Lakas keene, kaam ɗeetaa a den nen a siind, ndax um waag o jeg a Kiristaa.

Filip 2:1

Yaaga boog, a soƥangaa yee yaaloor nuun key na Kiristaa, a soƥangaa yee o laaw nuun a waaga o dal yaam o mbeq um, Yiif leng kut a fokat a nuun, kaam ee a soƥangaa yee o liir fa yirmande a njega,

Esayi 53:11

Xan a ga a qoolaand ale too xan a deyƭoox yaam coono ke ta gomna. O tag es o cofu xe xan a jofand wiin mayu, yaam ne da anduuna, a gadoox njofaƭar den.

2 Piyeer 1:3

Katil ne Roog a jegoodna a cooxa a in ke i soxla’na fop, ndax i ñoowaa no damoox no ten, ye ta andnoorna a in oxe xoyna a in na pexey o ndam xoox um fo no paaxel um.

O leetar ole Pool a bindna GIMU WE NGENNA ROM 15:13

Yaasam Roog fee na ci’taa yaakaar a mayƭand a nuun fo o ɗaay fa jam fa ndeyu sik na pexey o ngim onqe nu njegna no ten, ndax nu mbaag o may muut fo yaakaar inooru na doole fee no Yiif Tedu le.

YEGIL MBAAX NE YEESU ne Saŋ a bindtuuna 10:30

Mi fa Faap fee o leng i ndefu.»

YEGIL MBAAX NE YEESU ne Saŋ a bindtuuna 6:69

In koy, i ngima, too i anda yee wo refu o Tedu xe hatna na Roog.»

Hebre 10:22

Yaaga boog, fat i matiid a Roog fo xeeñ letu fo o ngim o mayu muut fo a koolax, yaam xeeñ in a xoola qac no fop ke na ɓisiidaa yiif jeejooxu, too cer in a ƥogte foofi fo jegee sik.

1 Timote 3:16

Kunpa fee no reef a Roog tig maak oo: Roog kaa xawoox, a ref o kiin. Yiif le Roog a lalta yee a jofa, malaaka ke a nga’in, ta waare’el adna fa muum. Mayu na adna fee a ngimaan, cinj kaaga, ta yoɗel, a sipel kam o ndam um.

Hebre 6:11

Kaa koy, i mbuga oxuu refna na nuun a lalit o jaflax ole nu njeg’ina boo no muukandoong naa, ndax yaakaar nuun a dey sik.

Kolos 1:9

Ten taxu in itam, no kaa xotitna na koom alaa i layeena paru na nuun, i nqeɗanaa a nuun a Roog, ndekan a nuun xa ƥay, ndax ta yip na nuun o and o deyu sik, nu mbaag o njekit ke ta bugna, ta yoon fo yiif fo o and no tig Roog.

Galati 3:28

Jegatee njektir ndeer o Yaawuur fo o tefee o Yaawuur, ndeer o paɗ fa jaambuur, ndeer o koor fo o tew, yaam nuun fop, o leng nu ndefu na Kiristaa Yeesu.

1 Korint 2:12

In koy, i ndaawee yiif adna, ndaa le inoorna na Roog, ndax i mbaag o andid ke Roog a ci’na a in na yirmande.

YEGIL MBAAX NE YEESU ne Saŋ a bindtuuna 17:3

O ñoow o fagkeer ole koy refu yee da andong, wo fee refna Roog fa leng fa ndigil fee, a and itam oxe luliidoona, ta ref Yeesu Kiristaa.

YEGIL MBAAX NE YEESU ne Saŋ a bindtuuna 16:15

Ke Faap fee a jegna fop, mi jegun. Ten taxu, um lay ee na mi a bugko naqtaa, a yegnan a nuun.»

YEGIL MBAAX NE YEESU ne Saŋ a bindtuuna 10:38

Kaa koy, a soƥangaa yee a pi um saqum, koo nu ngimangiraam oo, ngimyo a pi akeene, ndax nu mbaag o nga xil ee Faap fee oxe na mi, mi, um ref no ten.»

YEGIL MBAAX NE YEESU ne Saŋ a bindtuuna 5:23

ndax fop a niwit o Ƥeenqe ne da niwitna a Faap fee. Oxe niweerna o Ƥeenqe, niwee a Faap fee luliiduuna.

YEGIL MBAAX NE YEESU ne Saŋ a bindtuuna 5:17

Yeesu a laya a den ee: «Faap es kaa gen no jalaa, too mi itam mexey no calel.»

Mace 11:27

Faap es a cooxaxam fop, too o leng andee o Ƥeenqe a refangeerna Faap fee. O leng andee a Faap fee itam, a refangeerna o Ƥeenqe fo xaa ta buguuna o feeñil.

Mace 11:25

Na pe akaaga, Yeesu a laya yee: «Faap, mexe gidmang, wo o Yaal asamaan fo lanq, yaam ɗasnaa kene yaal-o-and we fo jegu yiif we, soo feeñlin we moƴna o neew.

Yeremi 9:24

O Yaal oxe kaa tee: «Ñaal key a ngaraa kaa um dalkaa took we nqucooxna no cer,

Esayi 40:1

Roog nuun kaa lay ee: «Yaalyo xeet es, kaam ee nu yaal xeet es!

Esayi 32:17

O cofel ole xan a rimaa jam, a gartaa a ñootnax fo o woor boo faw.

A kim a tedu ke 133:1

A kim no ñaañaaƴ we yoo, a fog na ke Dawid. Ndaw paaxu too a fel, yaa fog we a nanoorna!

1Saŋ 5:7

Yaaga koy, a jega daduk waa na seede’anan:

1Saŋ 3:19

Mene i anditkaa yee no ndigil ne i mbogu, a qeeñ in a njeg o woor mbaambir Roog:

2 Piyeer 3:18

Njofyo mbaambir boog kam yirmande fee fo kam o jeg o and no Yaal in fo o Muumucil in Yeesu Kiristaa. Yaasam ta ɓoxotel o ndam ndiiki, bo na moos boo moos. Amiini.

2 Piyeer 1:10

Ten taxu fog es, ngoorgoorlooxa­hinyo, ndax nu saƭik no xoy ole Roog a xoyna a nuun fo na cil ale ta jilna a nuun, yaam nu mbi’angaan, nu yenkee muk.

1 Tesalonik 5:14

Fog we, in we maƭooxaa a nuun kene: Soqyo we tayilna, saƭakinaa we mboosna, ndimle’aa we neewna doole, njeg o muñ a ndeer no wiin we fop.

1 Tesalonik 3:2

soo ngebliid a Timote fee o pog in no ngim onqe, too a ref o caajal Roog oxaa na waare’aa Yegil mbaax ne Kiristaa. Kaa i luliidin, ndax ta saƭkand a nuun, a saƭakin a nuun no ngim onqe nu njegna,

1 Tesalonik 1:5

yaam nu ndamtee Yegil mbaax ne in nen fa lay fa ƥor soom. Kaa nu ndaawtin na doole fee no Yiif Tedu le, too njaɓ ee ndigil saƭku koŋ oo. Yaaga boog nu anda ne i mbesoorna a ndeer nuun yaam o njiriiñ nuun.

A pi ake 4:32

Mbokatax naa no waa ngim’ina fop kaa mbog’u xeeñ leng fo yiif leng. O leng layoogee yee kene mi jegun, mbaat kaana wo jegun, ndaa o jeg den fop kaa mbokatoogun.

1 Maad we 3:28

Ii-isra’el we fop a yega ne Salomo a hate’it’ina keene. Maaga, a niwa o maad oxe lool, yaam a and ee Roog fa xoox um ci’un o and olaa ta hate’taa fo o cofel.

Mace 13:11

Yeesu a doona a den ee: «Kaa nu ci’el o and kunpa ke no Maat ne na asamaan, ndaa den o mat ci’aand o ten.

YEGIL MBAAX NE YEESU ne Lik a bindtuuna 1:1

Wiin mayu a mbera o mbind ke xewna a ndeer in,

O leetar ole Pool a bindna GIMU WE NGENNA ROM 2:4

Ndax kaa o xeef o paaxel o maak ole Roog fo o muñ ole ten fo o laabiir um? Andiro koy ee o paaxel ole Roog kaa warong o riñ no fes pakaad of a cinj?

1 Korint 14:31

We na njo’tanaa a Roog fop a mbaaga o layaa o leng o leng, ndax fop a njang, a ƥaatoox doole no Yaal oxe.

Efees 1:7

Yaam na pexey fo’oy le Kiristaa i mbate no paaxeer, soo tooñ ke in a mbaasanel. Neene boog, Roog a lala a in o yaajel ole na yirmande um

Efees 3:3

Roog kaa feeñlaam o ten, ndax ta andnooraam kunpa fee ten. Bindaam took fee xa ƭelem xa leng-leng no kaa farna no keene.

Efees 3:16

Kaam xeɗan, ta ci a nuun, nu saƭik fa doole na pexey Yiif le ten no ngiin kam ne nuun, ndax nu ndaawtin na halal fee no ndam onqe ten.

Kolos 1:26

Keene refu kunpa fee refna naa adna ferooxu, too a feeñlel tedu we ndiiki.

Kolos 2:19

soo a fañ o reefan a Kiristaa fee refna xoox le saqna cer ke fop. Cer keene, o fog fo a kiɓ kaa mbokat a den, soo Roog a cooxaa a den kaa da maakitna na Kiristaa.

Kolos 4:3

Nqeɗanyo a in itam, ndax Roog a waag o ci a in o gom no calel ke. Neene, xam waag o yegnitaa kunpa fee Kiristaa taxna um jengel,