Kolos 2:12 - NQAARIIT NE ROOG

¹² Yaam ne nu uupeena fo ten na batiise fee, nu nqontooxa fo ten na pexey o ngim onqe nu ngimna na Roog fee xontooxnoortuuna katil um a ndeer no xon we.

Kolos 2:12 Referans Kwoze

1 Piyeer 3:21

Kaa reeƭu nitaale’ir na batiise fee na muclaa a nuun ndiiki. Na batiise fee, refee yee ndoƭ cer in i ƥogaa, ndaa kaa ref i nqeɗaa a Roog o njeg yiif jeejooxeer dara. Ten o mat na muclaa a in na pexey a qontax ale Yeesu Kiristaa

Galati 3:27

Nuun fop, nuun we mbatiise’eena ndax nu mbog na Kiristaa, nu ndokooxaan.

A pi ake 2:24

Kaa koy, Roog a xontooxnooraan, too a muclin na xa ƭomel axe fa nqon a ataa, yaam fa nqon waag’iran o jeng na sañ-sañ um.

Efees 3:17

Kaam xeɗaa, ndax Kiristaa a gen kam a qeeñ nuun na pexey o ngim nuun. Kaam xeɗaa itam nu sax no mbeq onqe, ndamoox, saƭik teen.

O leetar ole Pool a bindna GIMU WE NGENNA ROM 4:24

ndaa in itam, teen i mbogu. Neene, in itam, i ƭeete nen jofu yaam ne i ngimna no xe xontooxnoorna a Yeesu fee o Yaal in a ndeer no xon we.

Efees 4:5

O Yaal o leng soom jegu fo o ngim o leng kut fa batiise fa leng.

Efees 2:8

Neene boog, na yirmande Roog nu muctu na pexey o ngim onqe. A muc aleene koy hatee na nuun, ci’it Roog oo.

1 Korint 15:20

Kaa koy, Roog a fi’a jam boo Kiristaa a xontoox a ndeer no xon we, a refat taaw a ndeer den.

Hebre 12:2

Fat a kid in a ngaan na Yeesu fee geeninna o ngim in no kaa xotitna no mberaandoong naa boo no muukandoong naa. A softa o ɗaay ole ta geekan’eena fa nqon took a kurwaa, too ɗeetee gaci fee refna teen. Ndiiki koy, oxaa moofa na ñamaak gamb no maad le Roog.

Hebre 6:2

Fat i nqaƴ itam a cangin ale no batiise pogreer ke fo na toon ale na xa ƥay axe fo na qontax ale no xon we fo na qaw ale na refkaa boo faw.

Filip 1:29

yaam kaa nu ndaawnel yirmande, ndax nu ngim na Kiristaa. Refee koy soom ee nu ngim no ten, ndaa nu coono yaam ten itam,

Efees 5:14

Yaam kuu feeñleena a qool qac, a qoolaand a refataa. Ten taxu ta layeel ee: «Yokooxi, woxe na ɗaanaa, inoox a ndeer no xon we, too xan Kiristaa fee a xoolandong.»

Efees 3:7

Kaam refat o caajal no Yegil mbaax ne yaam ci’it ne Roog a cooxaxama kam yirmande um na pexey doole fee na katil um.

1 Korint 12:13

In fop, no Yiif leng kut le i mbatiise’e, ndax i mbog, ndefat njer leng kut na Kiristaa, ta ref o Yaawuur mbaat o tefee o Yaawuur, o paɗ mbaat jaambuur. In fop, no Yiif leng le i yerne.

O leetar ole Pool a bindna GIMU WE NGENNA ROM 7:4

Neene o mat a reftu na nuun itam, nuun fog we. Nu ƭegoora o kay fo kebil ke, yaam kaa nu mbog no cer ke Kiristaa fee xonna yaam in. Ten taxu, nu ndefanat o lakas, ta ref oxe xontooxna a ndeer no xon we, ndax i sakan a Roog xa tim xa paax.

A pi ake 14:27

Yaa da mbadiidna Ancook, a mbokata waa mbog’ina no mbokatax ne no gimu we. A mbetandooxa gimu we ke Roog a fi’’ina fop na pexey den fo ne ta wetanit’ina we ndefeerna Yaawuur o don-maax ole, ndax da ngimat no ten, den itam.

YEGIL MBAAX NE YEESU ne Lik a bindtuuna 17:5

Apootar we a laya o Yaal oxe yee: «Ɓaatani a in o ngim.»

A pi ake 2:32

Yeesu feene, Roog xontooxnoorun, too in fop seede i ndefu itam.

Kolos 1:29

Keene itam refu calel es, um gomriteel doole um, ta jalaa na mi fa katil.

Kolos 2:13

Nuun we tooñ nuun a mbarnoor’ina, a mbokatoor fo ñak ngiɓoor nquc ndiindigil ne war’ina a ndeer nuun fa Roog, Roog a ɓisiida a nuun fa Kiristaa no ñoow ole, ye ta letinna yirmande um, a hul tooñ in nuu refna.