Kolos 2:10 - NQAARIIT NE ROOG

¹⁰ No ten nu njegtu fop, ta dey sik, too ten kelfa’u sañ-sañ fuu refna fo maat nuu refna.

Kolos 2:10 Referans Kwoze

Efees 3:19

Ii, yaasam nu mbaag o and o mbeq onqe Kiristaa, ke o leng a moseeruuna mos o waag o and fop oo, ndax nu mayƭandel fo o yaajel ole Roog fop.

1 Piyeer 3:22

fee ŋaayna na asamaan, a ref na ñamaak Roog, a maadooxaa took malaaka ke fo sañ-sañ ke fo katil aa-asamaan ke.

Hebre 5:9

Neene a ñaktu sik, boo a refat a cur a muc a pagkeer ale no we nananuuna fop.

YEGIL MBAAX NE YEESU ne Saŋ a bindtuuna 1:16

I ndaawa koy no paax ke ta garitna fop, ta ref yirmande took yirmande.

Kolos 3:11

Jegatee njektir leng ndeer o Keegeres fo o Yaawuur mbaat ndeer o qucooxu fo o haat. Jegatee o yokooxeer, jegatee o kiin o naaku, jegatee o paɗ, jegatee jaambuur: Kiristaa kaa ref fop, a ref no fop.

Mace 28:18

Yeesu a matiida a den, a lay ee: «Ci’eem sañ-sañ fuu refna na asamaan fo na adna.

1 Korint 15:24

Maaga, xan muukandoong ne a fadiid: Xan Kiristaa a yaq toole paaxeer ke fop njegna sañ-sañ fa katil took in, a ɓoxot a Roog Faap fee Maat ne.

Efees 3:10

Kaa koy, ndiiki, na pexey o fog ole no gimu we, kelfa ke fo sañ-sañ ke ndeer asamaan fa lanq a mbaaga o and o jeg-yiif ole Roog.

Kolos 2:15

Neene a sañtitu itam sañ-sañ ke fo maat ke, a huyit a den bo dee huyit mbaambir no fop, soo a ɓis a den nen faɗ we mbogna na qaaj ale Kiristaa a maafna.