Kolos 1:7 - NQAARIIT NE ROOG

⁷ Keene koy refu ke Epafaras fee i mbexna mbex, too a ref o yoon in no calel ke, a janginna a nuun. O ten oo, o caajal o tamooxu no calel ke Kiristaa a ndeer nuun a refu.

Kolos 1:7 Referans Kwoze

Kolos 4:12

Epafaras fee nu mbogitna xeet oxe simnaa a nuun. O tag Kiristaa Yeesu yoo, too a naaga o gomreel na qeƭ yaam nuun, ndax nu ñak sik, saƭik no fop ke refna o bug Roog.

Filemon 1:23

Epafaras, o yoon es oxe jengeena yaam Kiristaa Yeesu itam, oxe simnang.

Hebre 2:17

Ten taxu a wara o nandat fo xa teɓ um, ndax ta ref o saasadax o maak den o kore’u, a may fo o paaxel no calel um paam Roog. Kaa fi’in, ndax ta ñuf a qaw ale na xeet fee yaam pakaad den.

Kolos 4:7

Xan Tisik fee o pog in refna o caajal o kore’u fo o yoon es oxe fexuuma no calel ke no Yaal oxe a lay a nuun fop ke jofna na mi.

Hebre 3:2

A Pind a Tedu ke kaa lay ee Moyiis a gore’’a no ke ta roxond’eena no mbind ne Roog. Neene itam Yeesu a gore’a nen o ten, ye Roog a roxonduuna a toq aleene.

2 Timote 2:2

Ke nantoona na mi mbaambir seede mayu, doxneen wiin gore’u waa na mbaagkan o njangin lakas.

Filip 2:25

Ɗeetaam itam boo ga ee nomtiid o pog es Epaforodit cegu o njiriiñ oo. Ten itam, o yoon es no calel ke yoo, a gomreel nen a mi, nu luliidin me mi, ta ɓisiidaam ƭaxir soxla.

2 Korint 11:23

Ndax kaa ndef jaajal Kiristaa? Um lay a nuun ƭof boog, yaam mi moƴun o ref a den. Kaam moƴ o jal a den, moƴ o ɓekel a den kaso, moƴ o xawel, boo kaam gen’u sax no ñaaƴaa took a semb es.

1 Korint 4:2

In weene ndoxneena koy, ngor tigi i laamte.

1 Timote 4:6

Boo layoona fog we keene fop, xan o ref o caajal o paax na Kiristaa Yeesu, o caajal oxaa na ñoowtaa fa lay fee no ngim onqe, refna a cangin a paax ale o reefaa.

Efees 5:21

Njaɓaniryo a ndeer nuun, yaam ne nu niwna a Kiristaa.

1 Korint 7:25

Jegiim koy kebil inooru no Yaal oxe a jof no roog we fo mbes ke, ndaa xam lay xalaat es, nen oxaa o Yaal oxe a ci’na yirmande boo ta waag o ref gor.

1 Korint 4:17

Keene o mat taxu um luliid a Timote me nuun, ten fee refna o ƥees o ngore’u no Yaal oxe. Boo ta garna xan a wetand a nuun me dakuuma fa Kiristaa Yeesu fo ne um jangnitaa a ndeer pokatax ke no gimu we fop.

Mace 25:21

O yaal mbind um a layaan ee: ‹Jook a njal, o paɗ o paax o kore’u xe! Gore’aa no tig neewu, ten taxu xam doxnong mayu. Rokiidi too felakinoox fo o yaal mbind of!›

Mace 24:45

«O paɗ oxum gore’u too a ƴiƴ boog, ndax o yaal mbind um a xaƴin fo wiin mbind um, ta cooxaa a den ñaamel, yaa waxtu a fadna.

A lim ale 12:7

Reftee neene koy na Moyiis fee o tag es, hoolooxuuma o doxin xeet es fop.

Mace 18:29

O yoon oxaaga a dalfooxa o gooknoox, too a layin ee: ‹Muñanaam, too xam rabdong!›

Kolos 4:9

Kaam lulin, ta nar o yooniid fa Onesiim, o pog in o kore’u xe xeeñ in a damooxna lool, nu mbogitna xeet. Xan a lay a nuun fop ke refna meeke.