Kolos 1:28 - NQAARIIT NE ROOG

²⁸ O ten o mat koy i yegnitaa, maƭooxaa o kiin oo kiin, njangnaa a den o and tigi, ndax oxuu refna a waag o geenoox mbaambir Roog, a ñak sik na Kiristaa.

Kolos 1:28 Referans Kwoze

Yeremi 3:15

Xam coox a nuun ɗooɗox waa njagooxaxama, too xan a ƭoxit a nuun o jeg-yiif fo o woor.»

Efees 5:27

yaam kaa bug’u o feeñil mbaambir um o fog ole no gimu we kam o mosel um fop, a bug ta xool, a ñak sik, too jegkee gak leng.

Mace 5:48

Fat nu ñak sik boog ne Faap nuun fee na asamaan a ñakitna sik.»

Kolos 3:16

Fat fa lay Kiristaa a gen na nuun, a may muut. Naangyo o njangniraa, maƭooraa no and fo na kim a tedu fo na kim a inooru no Yiif le Roog, nqaananaa a Roog, simatan fo a qeeñ nuun yaam yirmande um fa nuun.

1 Korint 2:6

We o ngim den a deyna koy, o jeg-yiif tigi i mbaare’aa a den, ndaa o jeg-yiif oleene hatee na adna fee, too aa-adax we teen ndalniran, den we na saŋkooxkaa.

Kolos 1:22

Ndiiki koy, Roog a jofooranda a nuun fa xoox um na pexey fa nqon Kiristaa no cer um, ndax ta geenin a nuun mbaambir um, nu ted, nqool, ñak ŋañel.

2 Korint 11:2

Yaam kaam naal a nuun, too naal neene na Roog a inooru. Kaam ceemreemaa a nuun, nu mbog o kor o leng kut, ta ref Kiristaa. Kaam bug o ɓoxot a nuun o ten nen o toog o qoolu.

2 Korint 4:5

Ii, refee yee a qoox in i mbaare’aa. Kiristaa Yeesu fee refna o Yaal oxe o mat i mbaare’aa, soo yegnaa a nuun ee faɗ nuun i ndefu yaam Yeesu.

A pi ake 20:31

Yetooxyo boog, too mbetandoox ee xa kiid xa tadaq axey jegee ñaal fo o yeng olaa maƭooxeeruuma oxuu refna na nuun, fi’in boo loolaa sax.

A pi ake 8:35

Maaga Filip a dalfooxa o kaf fa lay faaga na Esayi, a ref no tektan Yegil mbaax ne no kaa farna na Yeesu.

Hebre 10:14

Neene, na pexey sadax fa leng kut, a fi’a boo we nqoolandeena no pakaad den a ñak sik boo faw.

1 Timote 3:2

Yaaga boog, o aa-adax waree o jeg ŋañel. Kaa war o dam no teem o leng soom, a ɓuuɓ, a fod no ke ta fi’aa, a fañ o hupal, o ñoowooƭ um itam ta jagandan, a dalnaa we na ngaraa no mbind um. A wara o ref o baagu a cangin itam.

Kolos 2:10

No ten nu njegtu fop, ta dey sik, too ten kelfa’u sañ-sañ fuu refna fo maat nuu refna.

1 Korint 12:8

Kaa oxeeke a danqel ɗelem o and na pexey Yiif le Roog, oxaana ɗelem o jeg-yiif,

Efees 3:8

Mi refu oxe moƴna o neew no we mbogna na xeet fee Roog fop. Yaqanee toox de, Roog a cooxaam ci’it neene, ndax um yegin we ndefeerna Yaawuur Yegil mbaax ne na layaa kaa jofna na halal fa mbagkatar fee Kiristaa.

2 Korint 10:14

I njolkee a tet in muk nen kaa i mosee o mbadiid boo me nuun, yaam ndigil kak oo, me na nuun o mat i mbadtiidu Yegil mbaax ne Kiristaa.

1 Korint 15:12

Ii, a soƥangaa koy ee kaa waare’eel ee Kiristaa a xontooxa a ndeer no xon we, nam leng-leng na nuun a saɗu o moofit boo a lay ee a qontax jegee?

1 Korint 1:30

O ten doonu a nuun na Kiristaa Yeesu. Kaa Roog a fi a Kiristaa ta ref na in o jeg-yiif fo o cofel fo o tedel fo a bateer,

YEGIL MBAAX NE YEESU ne Lik a bindtuuna 21:15

yaam xam coox a nuun ke nu mbarna o lay fo o and olaa taxna fañ we nuun mbaagkee o maaf a nuun mbaat da ƥur a nuun.

1 Korint 2:15

Oxe jegna Yiif le Roog a waaga o gaal fop, too o leng gaalkee kam um, a ɓanjin,

1 Korint 1:23

ndaa in o mat, i mbaare’aa a Kiristaa fee rengeena took a kurwaa, a ref a panq no Yaawuur we, we ndefeerna Yaawuur a mbi’in ñaku xoox.

O leetar ole Pool a bindna GIMU WE NGENNA ROM 16:25

Fat i simat a Roog boog! O ten jegu sañ-sañ faa ta saƭkinitna a nuun kam o ngim onqe na pexey Yegil mbaax ne um yegnitaa. Yegil mbaax neene um waare’aa koy, kaa jagin na Yeesu Kiristaa. Roog a feeñla a in yuuƥ kunpa’u ne ten ɗasin’eena yaaga.

A pi ake 17:3

Kaa tektoogu a den a Pind a Tedu ke, too a lalaa a den teen ee Kiristaa fee, o Muumucil oxe regteena a war’a o coono, soo a xontoox a ndeer no xon we. Kaa layoogu a den ee: «Yeesu fee um yegnaa a nuun, refu Kiristaa fee, o Muumucil oxeene.»

A pi ake 10:36

Nu anda fa lay fee Roog a lultiidna xeet fee Isra’el, ta ref Yegil mbaax ne na ci’taa jam na pexey Yeesu Kiristaa, refna o Yaal no fop.

A pi ake 9:20

Ndak fo ndak, a waare’ooga kam pind a qeƭ kaa yee Yeesu refu o Ƥeenqe Roog.

A pi ake 8:5

Filip a reta na teeru fa maak faa Samari, a waare’aa maaga kaa jofna na Kiristaa fee, o Muumucil oxe regteena.

A pi ake 5:42

Ñaal nuu refna, kaa maad’u o mbokatooraa kam Mbind Roog naa fo kam pind ke, a njangnaa, a yegnitaa Yegil mbaax ne yee Yeesu refu o Muumucil oxe regteena.

A pi ake 3:20

Neene boog, xan jamaane a ñootnax a inoorit no Yaal oxe, yaa ta lultiidkaa o Muumucil oxe nu njagandan’eena yaaga, ta ref Yeesu.

Mark 6:34

Yaa Yeesu a sutooxna suk naa, a ga’a wiin mayu. A yuɗ’aan lool, yaam kaa nand’u nen paal kaa njegeerna o kaynaak. A dalfooxa o ref no jangnaa a den mayu.

Mace 28:20

too njangin a den da ngay ke hebluuma fop. Mexey fa nuun bes fuu refna boo maa adna fee a daykaa.»

Mace 3:7

Yaa Saŋ a ga’na Farisiya waa fo Sadusiya waa a ngaraa ndax da mbatiise’el, a laya a den ee: «Nuun soo ndef fo nqisiil! An lalgandu a nuun nu ƈuf fuux le Roog na garaa?

Yeremi 6:10

An um layitkaa? Ndi an um raagooxkaa, ndax um nan-gilooxel? Nof ke den kaa sux, mbaagee o nan-giloox muk. Fa lay fee no Yaal oxe kaa ref na den calat, mbugiran.

O baawaare xe 12:9

O Baawaare xe reeƭee o cegu yiif soom, a day teen, ndaa a aqatina xeet fee o and. A ɗeetaqina, a horoox soo a leem xa peƭit xa mayu.

Xa peƭit axe 8:5

Nuun we ndaƥna a yiif, aqatooxyo a kortax, nuun panxoy ke, njangyo o ƴiƴ.

A cangatin ale 4:5

Nga’angyo, mexe jangnaa a nuun bargal fo kebil, ne o Yaal oxe Roog es a heblitaxama o ten, ndax nu ndeef a den a paax kam saax le nu ndokkaa, njegkin.

2 Piyeer 3:15

Ƭeetaqinyo ne o Yaal in a muñtaa ndax nu muc. Keene refu ke o pog in Pool a bindna a nuun itam, na pexey o jeg-yiif ole Roog a cooxuuna.

1 Timote 3:16

Kunpa fee no reef a Roog tig maak oo: Roog kaa xawoox, a ref o kiin. Yiif le Roog a lalta yee a jofa, malaaka ke a nga’in, ta waare’el adna fa muum. Mayu na adna fee a ngimaan, cinj kaaga, ta yoɗel, a sipel kam o ndam um.

1 Tesalonik 4:6

No keene, ba o leng na nuun a tooñ o pog um o kimu mbaat ta jaɓ o teem, yaam i lay’aan, too maƭooxin a nuun boo ƈut, xan o Yaal oxe a dalin hate no keene fop.

1 Korint 4:14

Bindaa kene koy, refee waaƭaa gaci nuun. Kaam maƭooxaa a nuun soom, yaam nu ndefa ndef xa ƥees axe fexuuma.

A pi ake 13:38

Yaaga boog fog we, andyo kene: Na Yeesu nu yegnite a baasan ale no pakaad ke.

A pi ake 11:20

Na pe akaaga, a jeg’a a ndeer den gimu leng-leng waa ngen’ina Sipere fa Kireen. A mbadiida Ancook itam, a layaa fo we ndefeerna Yaawuur, too a mbaare’aa a den Yegil mbaax ne no Yaal oxe Yeesu.

Heseki’el 7:10

Ñaal ne xey! Oxey a garaa! Wo yoqte. Kañaan ne a fiɗa, o nga’atinax onqe xe gañ.

A pi ake 17:18

Yaal-o-and waa mbog’ina na cang a ƭak a maak ake ne’eena Epikuriya fa Estoysan a njeetaayooga fo ten. Leng we kaa laamtoogu yee: «Ndi xar o wayoom olene a bugu lay?» Lakas we koy, a laya yee: «Kaa nandtaa oxaa na waare’aa roog kaa i andeerna.» Kaa layoogu keene, yaam kaa nanoogu Pool a waare’aa Yegil mbaax ne no kaa farna na Yeesu fo na qontax ale.

Esdaraas 7:25

Wo Esdaraas o mat, na pexey o and ole Roog a ci’oonga, dalni haahate fo kelfa. Fat da ngate’aa xeet fee fop ngenna no mudand ne no xuluɓ ole Ofrat too a and kebil ke na Roog of. We andeerna kebil ke koy, o andnoorin a den.

Kolos 2:3

Na Kiristaa feene koy, kalal o and fo o jeg-yiif a saxu.

Kolos 4:12

Epafaras fee nu mbogitna xeet oxe simnaa a nuun. O tag Kiristaa Yeesu yoo, too a naaga o gomreel na qeƭ yaam nuun, ndax nu ñak sik, saƭik no fop ke refna o bug Roog.